InfoHub Logo

بايقوڭىر قالاسى،
№2 ك. ە. سيالكوۆسكيي اتىنداعى جالپى ءبىلىم بەرەتىن مەكتەپتىڭ
I ساناتتى باستاۋىش سىنىپ ءمۇعالىمى
جاكۋپوۆا الماگۋل بايدۋللايەۆنا

تاقىرىبى: مىنەز – كوڭىل ايناسى
ماقساتى: ا) وقۋشىلاردىڭ مىنەز-قۇلىق تۋرالى تۇسىنىكتەرىن كەڭەيتۋ.
ب) مىنەزدەگى جەتىستىكتەر مەن مىندەردى اجىراتا بىلۋگە ۇيرەتۋ، سىن تۇرعىسىنان ويلاۋدى دامىتۋ.
ۆ) جاقسىلىققا، ادامگەرشىلىككە تاربيەلەۋ

كورنەكىلىگى: مەدياپروەكتور، سلايدتار، قاناتتى سوزدەر، ءۇنتاسپا
ءادىسى: سۇراق-جاۋاپ، ىزدەنۋشىلىك جۇمىس، سىن تۇرعىسىنان ويلاۋدى دامىتۋ.
بارىسى: 1. شاتتىق شەڭبەرى
كوڭىلگە قۋانىش سىيلايتىن، جانىمىزدى ىزگىلەندىرەتىن ونەر اتاۋلىنىڭ ىشىندەگى قۇدىرەتتىسىنىڭ ءبىرى – ءان تىڭداۋعا شاقىرامىن.

2. ويلانايىق، پىكىرلەسەيىك
ال ەندى ءان تىڭداپ كوڭىلىمىز كوتەرىلسە تاقىرىپ ماعىناسىن اشۋ ءۇشىن مىنا ويىندى ويناپ جىبەرەيىك. «ماعىنانى تانۋ» ويىنى.
• نەلىكتەن «مىنەز – ادام كورسەتكىشى» بولادى دەپ ويلايسىڭ؟
• ادامنىڭ جاقسى مىنەزىنە نەلەر جاتادى؟
• مىنەزى جامان ادامدا جاقسى قاسيەت بولا ما؟
• جامان مىنەزدى قالاي تۇزەۋگە بولادى دەپ ويلايسىڭ؟
3. ماتىنمەن جۇمىس
ابايدىڭ ولەڭ جولدارىن وقىتا وتىرىپ، تالداتۋ.
اباي ايتقان ادام بويىنداعى مىندەردىڭ بۇگىنگى كۇندەگى كورىنىستەرى قانداي؟
4. تاپسىرما
بەرىلگەن ءماتىندى وقىپ، ويىڭدى ورتاعا سال.
1. ادام بويىندا قانداي جاعىمدى، جاعىمسىز قاسيەتتەر بولادى؟
2. ءوز مىنەزىڭ تۋرالى نە ايتار ەدىڭ؟
ىسكەرلىك ويىن – «ءوزىمدى باعالايمىن» تاراتىلعان پاراقتاردى تولتىرۋ
جاعىمدى قاسيەتتەرىم جاعىمسىز قاسيەتتەرىم ماقساتى
5. نازار اۋدارايىق
«سۇلۋلىقتىڭ» قانداي ءتۇرى بار (اسسوسياسيا)

مىنەز سۇلۋلىعى. جاننىڭ دا ءوز اسەمدىگى بار، ونىڭ كەربەزدىگى – ىستەلگەن قىلىقتىڭ تارتىمدىلىعى جۇرەكتى راحاتقا بولەيدى. ول جۇرتتىڭ بارىنە بەرىلمەگەن، بۇل رۋحتىڭ ۇلىلىعىنا بايلانىستى. ونىڭ العاشقى بەلگىسى جاراتپايتىن ادامى تۋرالى جاقسى پىكىر ايتۋ.
6. ويىن: «مەن قاندايمىن..؟ ول قانداي..؟»
«ول قانداي؟» دەگەن سۇراققا جاۋاپ بەرۋ ءۇشىن وتىرعان وقۋشىنىڭ بويىنداعى جاقسىف قاسيەتتەرىن ايتىپ بەرۋ.
7. دايەكسوز

كىسىگە ەكى دۇنيەدە پايدالى –
ىزگى ءىس نەمەسە مىنەزى تۇزۋلىك.
ەكىنشىسى – ۇيات، ءۇشىنشىسى – ادىلدىك.
بۇل ۇشەۋى ارقىلى ادام شىن باقىت تابادى.
ج. بالاساعۇني
8. ەسىڭە ساقتا
ۇلاعاتتى سوزدەردى وقىپ، ولاردىڭ ءمانىن ءتۇسىندىر.
جاقسى مىنەز-قۇلىق پەن اقىل كۇشى بولىپ، ەكەۋى بىرىككەندە – بۇلار ادامشىلىق قاسيەتتەر بولىپ تابىلادى.
ادامنىڭ باسىنا قونعان باقىتتىڭ تۇراقتى بولۋى جاقسى مىنەز-قۇلىققا بايلانىستى.
ءال-فارابي
مىنەز-قۇلىق – اركىم ءوزىنىڭ كەيپىن كورسەتەتىن اينا.
ي. گەتە
سەنىم ادەت بولىپ قالىپتاسقاندا عانا مىنەزگە اينالادى. تەك ادەت ارقىلى ادام ءوز مىنەزىن قالىپتاستىرىپ، ويى ىسكە اينالادى.
ك.د.ۋشينسكيي
وزگەرمەيتىن، تۇزەلمەيتىن مىنەز بولمايدى. سوندىقتان ءبىر جارامسىز قىلىقتى اقتاپ، ارشىپ الۋ ءۇشىن مىنەزدەگى كەمىستىكتى سىلتاۋ ەتۋ بوس ءسوز. ادام ءوز مىنەزىنە ءوزى جاۋاپتى. ب.م.تەپلوۆ
9. شىعارماشىلىق جۇمىس
«جانىڭدا ءجۇر جاقسى ادام» تاقىرىبىندا ەسسە
10. ۇيگە تاپسىرما
سۋرەت سالۋ.
1 توپ «ادامگەرشىلىگى مول ادام»
2 توپ «مەيىرىمدى ادام»
11. قورىتىندى

ادامگەرشىلىك قاسيەتتەر ءوز بويىنداعى جاقسى مىنەز-قۇلىق، جاقسى ادەت، جاقسى ادەپتەن قۇرالادى. ول انانىڭ اق سۇتىمەن، اكەنىڭ ۇلگى-ونەگەسىمەن، اتا-اجەڭنىڭ بەرەر ۇلكەندىك، اقساقالدىق تاربيەلەرىمەن بويىڭا سىڭەدى. مەكتەپتە ۇستازدار ومىردەگى جاقسىلىق پەن جاماندىق، ادالدىق پەن ارامدىقتىڭ ايىرماسىن تانىپ بىلۋگە كومەكتەسەدى، ومىردە دۇرىس باعىت تاڭداي بىلۋگە ۇيرەتەدى.

ونى سارالاپ، تاڭداپ، باعالاپ، بايىپتاپ، وزىڭە كەرەگىن الا ءبىلۋ، جاقسىلىققا ۇيرەنىپ، جاماندىقتان جيرەنۋ وزىڭە بايلانىستى. جاقسى ادام بولامىن، ومىردە ماقساتىميا جەتەمىن دەسەڭ بويىڭداعى قاسيەتتەردى ىزگىلەندىرىپ، ادامگەرشىلىككە ۇمتىلعان ءجون.

12. جۇرەكتەن-جۇرەككە
تاۋەلسىزدىكتىڭ تاعدىرىن بىزگە تاپسىرىپ،
بابالار كەتكەن ۇرپاققا تىلەپ جاقسىلىق.
باقىتقا ەلدى جەتەلەيتۇعىن ىنتىماق،
باقىتسىزدىقتان قۇتقارا الماس باقسىلىق.