مقبج (مالىمەتتەر قورىن باسقارۋ جۇيەسى) تۋرالى كىشكەنە مالىمەت
مالىمەتتەردى ۇزاق مەرزىمگە ساقتاۋ جانە ولاردى وڭدەۋ (الۋ، وزگەرتۋ، مالىمەتتەر قوسۋ ت.س.س) ماسەلەسى، ءبىرىنشى كومپيۋتەرلەر ويلاپ تابىلعاننان باستاپ-اق كۇن تارتىبىنە قويىلدى. وسى ماسەلەنى شەشۋ ماقساتىندا 20-عاسىردىڭ 60-جىلدارىنىڭ سوڭعى جاعىندا مقبج (مالىمەتتەر قورىن باسقارۋ جۇيەسى) دەپ اتالاتىن ارنايى پروگراممالار جازىلا باستادى.
مقبج ءوزىنىڭ دامۋ جولىندا فايلداردى باسقارۋ جۇيەسىنەن باستاپ، يەرارحيالىق جانە جۇيەلىك مالىمەتتەر قورىن باسقارۋ جۇيەلەرىن باسىنان وتكەردى. ءسويتىپ وتكەن عاسىردىڭ 80-جىلدارىنىڭ اياعىندا بارلىق جەردە «رەلاسيالىق مالىمەتتەر قورىن باسقارۋ جۇيەسى» كەڭ قولدانىلا باستادى. ءار مقبج ءوز سۇراۋ تىلىنە يە ەدى، بۇل جاعدايدى ءبىر قالىپقا كەلتىرۋ ءۇشىن SQL (Structured Query Language) دەپ اتالاتىن ءبىر ءتىل جاسالدى. بۇل ءتىل ارقىلى رەلاسيالىق مالىمەتتەر قورىنداعى مالىمەتتەر باسقارىلادى.
مالىمەتتەر قورى مەن مقبج-لاردى بىر-بىرىمەن شاتاستىرماعان ءجون. مالىمەتتەر قورى مقبج-لار كومەگىمەن باسقارىلادى. وسى باسقارۋ بارىسىندا SQL ءتىلى قولدانىلادى. دەگەنمەن، كوبىنەسە مالىمەتتەر قورى دەپ مقبج-لاردى اتايدى.
مالىمەتتەر قورىنىڭ مىناداي تۇرلەرى بار:
1. فايلداردى باسقارۋ جۇيەسى
2. يەرارحيالىق
3. جۇيەلىك
4. رەلاسيالىق
5. وبەكتىگە باعىتتالعان
6. گيبريدتى
You Might Also Like
-
بۇل سۋرەتتەردە فوتوشوپ جوق. ەرەكشە تابيعي تۇستەگى جانۋارلاردىڭ فوتوسۋرەتتەرى.
