InfoHub Logo

قازاق ادەبيەتى 7 - سىنىپ
ساباق تاقىرىبى: مۇحتار اۋەزوۆتىڭ «كوكسەرەك» اڭگىمەسى
ساباقتىڭ ماقساتى:
1. بىلىمدىلىك: مۇحتار اۋەزوۆ ومىرىنەن قىسقاشا ماعلۇمات بەرە وتىرىپ، «كوكسەرەك» اڭگىمەسىن تالداۋ، جازۋشىنىڭ ايتپاق ويىن ۇعىندىرۋ، كوكسەرەكتىڭ ءتۇز تاعىسى ەكەندىگىن دالەلدەۋ؛
2. دامىتۋشىلىق: ىزدەنۋگە، وي - پىكىرىن ەركىن ورتاعا سالۋعا، تۇجىرىم جاساي الۋعا، سالىستىرا الۋ قابىلەتتەرىنە اسەر ەتۋ؛
3. تاربيەلىك: وقۋشىلاردى ادالدىققا، تابيعاتقا قامقور بولۋعا، ءاربىر قادامىن ويلانىپ ىستەۋگە تاربيەلەۋ.
ءپانارالىق بايلانىس: بيولوگيا(جانۋارتانۋ)، كينو ونەرى
ساباقتىڭ ءتۇرى: بەكىتۋ ساباعى
ساباقتىڭ ءادىس - تاسىلدەرى: توپتاستىرۋ، سۇراق - جاۋاپ، اڭگىمەلەۋ، بايانداۋ، تالداۋ، ەركىن ويلاۋ، ميعا شابۋىل، ءتۇرتىپ الۋ، مانەرلەپ وقىتۋ، كۋبيزم، وي قوزعاۋ ستراتەگياسى، شاتالوۆتىڭ تىرەك - نۇكتە تەحنولوگياسى، ج. قارايەۆتىڭ دەڭگەيلەپ وقىتۋ تەحنولوگياسى.
ساباقتىڭ بارىسى:
I. ۇيىمداستىرۋ كەزەڭى. «شاتتىق شەڭبەرى». ترەنينگ ارقىلى توپقا ءبولۋ

II. ءۇي تاپسىرماسىن تەكسەرۋ.
ءمۇعالىمنىڭ كىرىسپە ءسوزى
- بالالار، فرانسۋز جازۋشىسى لۋي اراگوننىڭ «مەن ونىڭ شىعارمالارىن تۋعان ەلىمە تانىستىرۋشى بولۋدى وزىمە ۇلكەن ابىروي سانايمىن. ول – حح عاسىردىڭ اسا ۇلى جازۋشىلارىنىڭ ءبىرى» دەگەن پىكىرى كىم تۋرالى؟
- ەندەشە، وسى ۇلى جازۋشى جايلى نە بىلەمىز؟
1 - توپ. م. اۋەزوۆتىڭ ءومىرى مەن شىعارماشىلىعىنان سلايد - پرەزەنتاسيا جاساپ اكەپ، ونى قورعايدى.
2 - توپ. ماگنيتتى تاقتادا حرونولوگيالىق كەستەنى تولتىرادى. (سايكەستەندىرۋ تەستى)

3 - توپ. توپتاستىرۋ ستراتەگياسى بويىنشا م. اۋەزوۆ تۋرالى نە بىلەتىندەرىن توپتاستىرادى.

ميعا شابۋىل (سۇراق - جاۋاپ)
وي قوزعاۋ. – م. اۋەزوۆتىڭ العاشقى اڭگىمەلەرى قاشان جازىلدى؟
- مىنە، وسى حح عاسىر باسىندا جازىلعان اڭگىمەلەرىمەن - اق، م. اۋەزوۆ قازاق پروزاسىن الەمدىك دەڭگەيگە كوتەرگەن. ونىڭ العاشقى اڭگىمەلەرىنىڭ وقيعالارى ءومىر شىندىعىنان الىنعان. وندا قورعانسىز، پاناسىز ادامداردىڭ تاعدىرى ءسوز ەتىلەدى. اۋەزوۆ اڭگىمەلەرىنىڭ ىشىندەگى ءتىلى جاتىق جازىلعانى - «كوكسەرەك». اۋەزوۆ وسى ءبىر اڭگىمەسىمەن - اق الەمدىك دەڭگەيدەگى كلاسسيك سۋرەتكەر ەكەندىگىنە كوز جەتكىزۋگە بولادى. ەڭ الدىمەن، «كوكسەرەكتىڭ» جازىلۋ تاريحىنا توقتالايىقشى. جازۋشىعا قاسقىر تۋرالى جازۋعا نە تۇرتكى بولدى؟

III اڭگىمەنى تالداۋ.
شاتالوۆتىڭ تىرەك نۇكتەسى. مىنا تاقتاداعى سۋرەتتەرگە قاراپ، اڭگىمەنىڭ كومپوزيسيالىق قۇرىلىسىن كىم ايتىپ بەرەدى؟
1. اڭگىمەنىڭ باستالۋى
2. بايلانىس
3. اڭگىمەنىڭ دامۋى.
4. اڭگىمەنىڭ شارىقتاۋ شەگى
5. شەشىمى

كۋبيزم ستراتەگياسى.
1. سۋرەتتە. – بالالار، كىشكەنتاي بولتىرىكتەن ارلان قاسقىرعا اينالعان كوكسەرەكتىڭ پورترەتىن كىم كىتاپتان تاۋىپ وقىپ بەرەدى.
2. زەرتتە. - جازۋشىنى قاتتى قىزىقتىرعان قاسقىر قانداي جىرتقىش اڭ؟ ءتۇز تاعىسى جايلى بيولوگيا ءپانىنىڭ ءمۇعالىمى ايتىپ بەرسىن.

3. دالەلدە. رولدىك ويىن (سوت پروسەسىنەن كورىنىس) – وسى سيپاتتاۋلارعا قاراپ، قاسقىردىڭ قولعا ۇيرەتىلمەيتىن دالا تاعىسى ەكەنىن تۇسىندىك. ال، ەندى، وسى كوكسەرەكتىڭ ادامعا شابۋىل جاساۋىنا نە سەبەپ بولدى؟ ءوزىن اسىراپ، باققان قۇرماشتى نەگە ءولتىردى؟ كوكسەرەك جاۋىزدىق ءىس - ارەكەت جاساعانىنا كىنالى مە؟ سونى سوت پروسەسىن وتكىزۋ ارقىلى انىقتايىق. وقۋشىلار الدىن - الا سوت، اقتاۋشى(ادۆوكات)، قارالاۋشى(پروكۋرور)، ايىپكەر بولىپ بولىنگەن.
سوت ءتوراعاسى سوت پروسەسىن اشىق دەپ جاريالايدى. قارالاۋشىلار ءسوز الىپ، «قىلمىستىق وقيعاعا» قىسقاشا شولۋ جاسايدى، وسىنداعى بەيكۇنا قۇرماشتىڭ ولىمىنە كىنالى كوكسەرەكتى جازاعا تارتۋ كەرەك دەگەن ۇسىنىستارىن ايتادى. اقتاۋشىلار، قارالاۋشىلار، كوكسەرەكتىڭ وزىنە ءسوز بەرىلەدى دە، سوت ۇكىم شىعارادى.

4. سالىستىر. (دەڭگەيلىك تاپسىرمالار)
- اڭگىمەنى تالداي كەلە تۇسىنگەنىمىز، بالا ولىمىنە قاسقىر ەمەس، ادامزاتتىڭ ءوزى كىنالى بولىپ شىقتى. ادامدار تابيعاتقا شابۋىل جاساۋ ارقىلى ونىڭ تىنىشتىعىن بۇزدى. تابيعات - اللانىڭ ادامعا تارتقان سىيى، حالىق قازىناسى ەكەندىگىن تۇسىنگەن جوق. جازۋشى اڭگىمەسىندەگى توبىقتاي ءتۇيىن – تابيعاتتى ءسۇيۋ، ادام مەن تابيعات بىرلىگىن ساقتاۋ، تۇتاستىعىن قورعاۋ.
1 - توپ. دجەك لوندوننىڭ «اق ازۋ» شىعارماسى مەن م. اۋەزوۆتىڭ «كوكسەرەگىن»
2 - توپ. ولجاس سۇلەيمەنوۆتىڭ «ۆولچاتا» ولەڭىمەن م. اۋەزوۆتىڭ «كوكسەرەگىن»
3 - توپ. شىڭعىس ايتماتوۆتىڭ «جان پيدا» شىعارماسى مەن م. اۋەزوۆتىڭ «كوكسەرەگىندەگى» قاسقىر مەن ادام پسيحولوگياسىن سالىستىرۋ.
5. قولدان. كوكسەرەك تۋرالى ەل نە دەيدى؟ قاسقىر تۋرالى ماقال - ماتەلدەر.
6. تالدا. كەمپىردىڭ قارعىسى.

ءىV اڭگىمە قالاي اياقتالۋشى ەدى؟ (كەمپىردىڭ قاسقىردى قارعاپ، باستان ءبىر تەبۋىمەن اياقتالادى)
سۇراق: - قالاي ويلايسىڭدار، كەمپىر قارعىسىمەن جازۋشىنىڭ اڭگىمەنى اياقتاۋىندا نە سەبەپ بار؟
جاۋاپ: بۇل كەمپىردىڭ قارعىسىن مەن اۋەزوۆتىڭ وزبىرلىققا، جاۋىزدىققا، قاتالدىققا دەگەن قارعىسى دەپ تۇسىنەمىن. جازۋشى جەر بەتىندەگى ادامداردى تاتۋلىققا، ءبىر - ءبىرىن، ءوزىن سىيلاۋعا، قۇرمەتتەۋگە ۇندەيدى.

IV. ساباق بەكىتۋ.
1. «كوكسەرەك» جانە «شال» كينوفيلمدەرى جايلى پىكىرتالاس
2. INSERT ستراتەگياسى كەستەنى تولتىرۋ
V. باعالاۋ. VI. ءۇي تاپسىرماسى: