InfoHub Logo

بۇگىن استانادا ق ر ءبىلىم جانە عىلىم ءمينيسترى ەرلان ساعادييەۆ موڭعوليادان كەلگەن بۇركىتشى قىز ايشولپان نۇرعايىپقىزىمەن كەزدەستى.

كەزدەسۋ بارىسىندا «ءبىلىم-يننوۆاسيا» حالىقارالىق قوعامدىق قورىنىڭ پرەزيدەنتى دارحان وتە مينيسترگە ايشولپان تۋرالى ايتىپ بەردى.

«ايشولپان ەڭ جاس بۇركىتشى رەتىندە «وسكار» سىيلىعىنا ۇسىنىلعان قازاقتىڭ ايگىلى بۇركىتشى قىزى. اكەسىمەن بىرگە قۇسبەگىلىكپەن جاستايىنان اينالىسقان. وسى سوڭعى ماۋسىمدا بۇركىتى 12 تۇلكى، 2 قاسقىر العان. قىزىمىز سونداي مىقتى. ءبىزدىڭ قازاقتىڭ بۇركىتشىلەرىنە شەبەرلىك كەڭەسىن بەرە الاتىنداي دارەجەدەگى قۇسبەگى. ايشولپان تۋرالى ءفيلمدى كورىپ وتىرىپ، ونىڭ «قازاقستاندى كورۋ ارمانىم» دەگەن ءسوزىن ەستىپ قالدىق. مىنە، سوندىقتان، ايشولپاندى قازاقستانعا الىپ كەلىپ وتىرمىز. 3-4 كۇن بويى ول  اناسىمەن بىرگە استانانى ارالاپ ءجۇر»، - دەدى ول.

دارحان وتەنىڭ ايتۋىنشا، ايشولپاندى اقش-تاعى وكسفورد جانە گارۆارد ۋنيۆەرسيتەتتەرى شاقىرعان.

«ءبىز ايشولپاندى «Spektrum» مەكتەبىندە وقىتىپ، اعىلشىن ءتىلىن مەڭگەرۋ دەڭگەيى مەن اكادەميالىق ءبىلىمىن كوتەرەيىك دەپ، اتا-اناسىنا ەكى جىل وسىندا وقىتۋدى ۇسىنىپ وتىرمىز. اتا-اناسى شەشىم قابىلداپ، وسى جەردە وقىتۋدى ويلاپ جاتىرمىز»، - دەدى دارحان وتە.

وسى تۇستا مينيستر ە.ساعادييەۆ ايشولپاننان قازاقستانعا كەلگىسى كەلە مە، جوق پا دەپ سۇراپ كوردى. قۇسبەگى قىز: «ءيا»، - دەپ جاۋاپ بەردى.

ەرلان ساعادييەۆ موڭعوليادان كەلگەن مەيمانداردان اڭگىمە بارىسىندا، بايان-ولگەي ايماعىندا قانشا قازاق مەكتەبى بارىن سۇرادى. اتاپ وتىلگەندەي، وندا 7-8 قازاق مەكتەبى جۇمىس ىستەيدى. بۇل رەتتە ول ءبىلىم جانە عىلىم مينيسترلىگى جىل سايىن موڭعولياعا وقۋلىقتار جىبەرىپ تۇراتىنىن ايتىپ ءوتتى. سونداي-اق ۆەدومستۆو باسشىسى ايشولپان «Spektrum» مەكتەبىندە قالاي وقيتىنىن، وسى جاقتا ءومىر ءسۇرۋى قالاي قامتاماسىز ەتىلەتىنىن دە ءبىلدى.

«گارۆاردقا وقۋ دەگەن ءبىر جاعىنان قيىن. مەنىڭ ءوزىم سوندا وقىعانمىن. ءبىراق، ولار ايشولپانعا بىرنەشە وقۋ باعىتتارىن بەرەدى. سول باعىتتاردىڭ اراسىندا كەلەشەكتە ماماندىعىن تاڭداۋىنا بولادى»، - دەدى مينيستر.

ەرلان ساعادييەۆ قاجەتتى كومەك كەرەك بولسا، ايشولپانعا بارىنشا كومەكتەسۋگە ۋادە بەردى.

«ءباسپاسوزدىڭ بەتىنە شىعىپ، ارنايى تەلەارنالارعا جاريالاۋ كەرەك بولىپ تۇر. ءوزىمىزدىڭ بالالارىمىزدىڭ موڭعوليا تۋرالى ءبىلىمىن كوتەرىپ، سول جاقتاعى قانداستارىمىز قالاي تۇراتىنىن بۇگىنگى جاس بۋىنعا كورسەتكىمىز كەلەدى. بىزگە بۇل وتە ماڭىزدى. جىل سايىن موڭعولياداعى قازاق بالالارىنا وقۋلىقتاردى جىبەرىپ وتىرمىز. ءبىراق، ول جاقتاعى قازاق بالالارىن وسىندا شاقىرىپ، كورسەتكىمىز كەلەدى. بىزدە ونداعى قازاق بالالارىنا جىل سايىن گرانت بولىنەدى. كوپشىلىگى الماتىعا نەمەسە وسكەمەنگە كەلەدى. كوپشىلىگى وسىندا جۇمىس ىستەپ قالىپ جاتىر. وتە قۋانىشتىمىز. ۋنيۆەرسيتەتپەن (ايشولپان تۇسكىسى كەلەتىن - اۆت.) كەرەك بولسا ءوزىم سويلەسەمىن»، - دەپ ءتۇيدى ەرلان ساعادييەۆ.

---