ساعادييەۆ: شەتەلدەگى قازاق بالالارىنا بولىنەتىن وقۋ گرانتتارى ارتىپ كەلەدى
ق ر ءبىلىم جانە عىلىم ءمينيسترى ەرلان ساعادييەۆ شەتەلدەگى قازاق بالالارىنا بولىنەتىن وقۋ گرانتتارىنىڭ سانى جىل ساناپ ارتىپ كەلە جاتقانىن ءمالىم ەتتى.
«ءبىز جىل سايىن موڭعولياداعى قازاق بالالارى ءۇشىن وقۋ كىتاپتارىن كوپتەپ جىبەرەمىز. موڭعوليانىڭ بايان-ولگەي ايماعىندا ءبىرقاتار قازاق مەكتەپتەرى بار. موڭعوليادان سونىمەن بىرگە، ستۋدەنتتەردىڭ كوپ كەلىپ جاتقانىن دا ايتا كەتۋ كەرەك. ءبىز بيىل عانا وسى باعىتتا 55 ءبىلىم گرانتىن بولدىك. جىل سايىن سۇرانىس ارتىپ كەلە جاتقاندىقتان، بىزگە بۇل جاعداي، البەتتە، ۇنايدى»، - دەدى مينيستر موڭعوليادان كەلگەن بۇركىتشى قىز ايشولپان نۇرعايىپ قىزى جانە ونىڭ اناسىمەن كەزدەسۋدەن كەيىن تىلشىلەرگە بەرگەن سۇحباتىندا.
ەرلان ساعادييەۆ قازاقستاندىق جوو گرانتتارى تەك موڭعوليالىق قازاق ستۋدەنتتەرىنە عانا ەمەس، وزبەكستان، قىرعىز رەسپۋبليكاسى، جۇڭگو سەكىلدى وزگە ەلدەردەگى قانداستارىمىزعا دا بولىنەتىنىن اتاپ ءوتتى.
«شەتەلدىك قازاقتارعا ارنالعان گرانت سانى جىل ساناپ كوبەيىپ جاتىر. قازاقستانعا شەتتەگى قانداستار كوپ كەلەدى. كوپشىلىگىنە ەلىمىزدەگى جوو-لار ۇنايدى. وسىندا قالىپ، جۇمىس ىستەپ، قازاقستان ازاماتتىعىن الىپ جاتقاندار دا جەتەرلىك. وتە قۋانىشتى جاعداي دەپ ايتار ەدىم. گرانت سانىن ارتتىرىپ، ءوزىمىزدىڭ باعدارلامانى ولاردىڭ وقىعان باعدارلاماسىنا سايكەستەندىرىپ، جاعدايىن جاساپ وتىرمىز. شەتەلدەگى قازاق بالالارى وسىندا وقۋعا كەلگەندە ولارعا جاتاقحانادان ورىن بەرىلىپ، شاكىرتاقى تولەنەدى. ءوز تاراپىمىزدان ولارعا بار جاعدايدى جاساپ وتىرمىز»، - دەدى ەرلان ساعادييەۆ.
You Might Also Like
-
بايلاعان بيەنىڭ باس ساۋىمىن ساۋىپ العان كەزدە، "تايجۇزگەن" قۇدىعىنىڭ باسىنداعى ءتورت اۋىلدىڭ اتقا مىنەر كارى، جاس، قاتىن-قىزدارىنىڭ اتتارى ەرتتەلىپ بولدى. ۇلكەندەر ماڭىزدانىپ قىمىزى بار ءۇي...
-
قىزىلوردا قالاسى №101 مەكتەپ-ليسەيدىڭ 4 «ا» سىنىپ وقۋشىسى بولات ايساۋلە دوسحان قىزى جەتەكشىسى كۋشانوۆا ينديرا كەنەسوۆنا
