- 24 قىر. 2018 00:00
- 375
قايىرىمدىلىق — ادام جانىنىڭ نۇرى
1 تامىز – 30 قىركۇيەك ارالىعىن قامتيتىن رەسپۋبليكالىق «مەكتەپكە جول» اكسياسى كوپشىلىك قاۋىمنىڭ بالالارعا دەگەن مەيىرىم-شاپاعاتىمەن داستۇرگە اينالىپ، جاراسىمدى جالعاسىن تاۋىپ كەلە جاتقانىنا دا ءبىراز جىلدار بولدى. جىل سايىن مينيسترلىك «مەكتەپكە جول» اكسياسىن الەۋمەتتىك از قامتىلعان وتباسىلارعا قايىرىمدى كومەك رەتىندە وتكىزەدى. بۇل اكسيا اتا-انالار جانە ءارتۇرلى سالادا قىزمەت اتقاراتىن بەلسەندى، بەلدى جومارت ادامدار تاراپىنان قولداۋ تاۋىپ، بۇگىنگى كۇنى بىرنەشە بالاعا جىلۋلىق پەن مەيىرىم سىيلاپ وتىر. كۇنكورىسى تومەن وتباسىلاردا تاربيەلەنىپ جاتقان بالالاردى قولداۋعا باعىتتالعان اكسيانىڭ كوزدەگەنى — الەۋمەتتىك جاعدايلار سالدارىنان 1 قىركۇيەكتە مەكتەپكە بارۋعا مۇمكىندىگى جوق بالالارعا جاردەم بەرىپ، مەكتەپكە تارتۋ. بيىلعى اكسيا «مەنىڭ تاڭداۋىم — بالالارعا كومەك بەرۋ» ۇرانىمەن وتكىزىلىپ جاتىر.
الەۋمەتتىك جاعدايى تومەن وتباسىلارعا بالانى مەكتەپكە دايىنداۋ وڭاي شارۋا ەمەس. وسى قايىرىمدىلىق كورسەتۋ ايلىعىنىڭ كوپتەگەن وتباسىلارعا سەپتىگى ءتيىپ، جاقسىلىق جاساپ، العىسقا بولەنىپ جاتقانى قۋانتارلىق جاعداي. اتاۋلى اكسيادان مەكتەبىمىزدىڭ ۇستازدارى دا شەت قالمادى.
ءبىزدىڭ 173 مەكتەپ-ليسەي وقۋشىلارى دا وسىنداي قايىرىمدىلىق ايىندا نازاردان تىس قالمادى. قول ۇشىن سوزىپ، كومەك كورسەتكەن قايىرىمدى جاندار جانىمىزدان تابىلىپ جاتتى. اميرەشوۆا باعيلا سولتانايەۆنا، وماروۆا اياۋلىم سەريككاجييەۆنا سىندى ازاماتشالار بىرنەشە بالاعا مەكتەپ فورماسى مەن وقۋعا كەرەكتى قۇرال–جابدىقتارىن سىيعا تارتتى.
سونىمەن قاتار ويىن–ساۋىق ورتالىقتارىنىڭ ديرەكتورلارى بالالارعا ارنالعان ءارتۇرلى قويىلىمدارعا تەگىن بيلەت بەرىپ وتىردى. وسىنداي جاقسى ادامداردىڭ يگىلىكتى ىستەرىنىڭ ارقاسىندا بالالارىمىز الاڭسىز ءبىلىم الۋعا اسىعۋدا. جۇزدەرىن قۋانىش كەرنەگەن بالالاردىڭ العىسى شەكسىز جانە وتە ريزا. مەملەكەت تاراپىنان ۇيىمداستىرىلىپ وتىرعان وسىنداي شارالارعا كوپشىلىكتىڭ اتىنان تەك قانا العىسىسىمىزدى بىلدىرەمىز. «ءبىر كۇندە، ءبىر جاقسىلىق» دەمەكشى اينالامىزداعى بالالارعا جاقسىلىق جاساۋعا اسىعايىق.!
«№173 مەكتەپ-ليسەي» كمم
الەۋمەتتىك پەداگوگ: الىپبايەۆا داناگۇل ساۋلەبەك قىزى