InfoHub Logo

ءبىلىم جانە عىلىم ءمينيسترى اسحات ايماعامبەتوۆ جوو باسشىلارىن قاعازباستىلىقتان ارىلۋعا شاقىردى.

«قاعازباستىلىقتان ارىلۋ ماسەلەسىن تەك مەكتەپ توڭىرەگىندە شەشىپ قانا قويماي، مەكتەپكە دەيىنگى ۇيىم، كوللەدج بەن جوو-لاردا دا قاراستىرۋ كەرەك. ياعني، ماسەلەگە كەشەندى قاراعان ابزال. سول سەبەپتى بۇل باعىتتاعى جۇمىس ءبىلىم بەرۋدىڭ بارلىق دەڭگەيى بويىنشا جۇرگىزىلەدى»، - دەدى اسحات ايماعامبەتوۆ ۋنيۆەرسيتەت باسشىلارىمەن وتكىزگەن ونلاين رەجيمدەگى جيىندا.

ءمينيستردىڭ ايتۋىنشا ءبىلىم جانە عىلىم مينيسترلىگى مەكتەپ ديرەكتورلارى مەن جوو رەكتورلارىنان تالاپ ەتىلەتىن قۇجاتتاردىڭ ءتىزىمىن قاراستىرىپ، تالداپ جاتىر.

«ولاردىڭ جارتىسىن قاراستىرىپ، كوبىن الىپ تاستادىق. ياعني كوبى الداعى ۋاقىتتا تالاپ ەتىلمەيدى. ماسەلەن جوو-لارعا كەلەر بولساق، ولاردان كافەدرا جۇمىسىنىڭ جوسپارىن ەندى سۇرامايمىز. سول سەكىلدى ەمتيحاندىق ۆەدومستۆولار، قورىتىندى اتتەستاتتاۋ وتكىزۋ وتىرىسىنىڭ تۇپكى حاتتاماسىن، بىلىكتىلىك تاپسىرۋ بويىنشا وتكەن وتىرىستىڭ قورىتىندى حاتتاماسىن دا سۇرامايتىن بولامىز. ءبىزدىڭ ويىمىزشا، بۇل جۇمىستار بعم قاداعالاپ وتىراتىن مىندەتتەر ەمەس. مينيسترلىك ستراتەگيالىق ماسەلەلەرگە نازار اۋدارۋى كەرەك. جوو باسشىلارىن وسى رەتتە ءبىزدىڭ ىزىمىزبەن كەرەكسىز قۇجاتتاردىڭ ءبارىن الىپ تاستاۋعا شاقىرامىز. بارىنشا ازايتۋىمىز كەرەك»، - دەدى ول.

ەسكە سالا كەتسەك بۇعان دەيىن ق ر ءبىلىم جانە عىلىم ءمينيسترى اسحات ايماعامبەتوۆ بالاباقشا، مەكتەپ پەن كوللەدجدە قاعازباستىلىقتان ارىلاتىن كۇن كەلگەنىن ءمالىم ەتكەن بولاتىن. ءمينيستردىڭ ايتۋىنشا پەداگوگتى قوسىمشا قۇجات تولتىرۋعا مىندەتتەگەندەرگە ءىرى كولەمدە دەيىن ايىپپۇل سالۋ كوزدەلگەن.

---