مينيسترلىك وقۋشىلاردىڭ ءبىلىمىن باعالاۋ ادىستەمەسىن ازىرلەپ جاتىر
ءبىلىم جانە عىلىم مينيسترلىگى قاشىقتان وقىتۋعا بايلانىستى ءبولىمدى جيىنتىق باعالاۋ (بجب) مەن توقسانداعى جيىنتىق باعالاۋ (تجب) ماسەلەلەرىن تىكەلەي ەفيردە تالقىلادى. تاراپتار بىرىگىپ، ادىستەمەلىك ۇسىنىستاردى بەكىتەتىن بولادى. بۇل تۋرالى ق ر بعم مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى مايرا مەلدەبەكوۆا ايتتى.
«دۇيسەنبى كۇنى قاشىقتان وقىتۋدىڭ 4-توقسانىنىڭ ءتورتىنشى اپتاسى باستالادى. جالپى، ءۇش اپتا بويى وقۋشىلارىمىز، ۇستازدارىمىز جوسپارلانعان جۇيەگە سايكەس جۇمىستارىن جاساپ جاتىر. بۇل ۇستازدارىمىزعا، وقۋشىلارىمىزعا جاڭا تاجىريبە بولىپ تۇر. وقۋ پروسەسى بەلگىلەنگەن تارتىپپەن وقۋشىلاردىڭ، اتا-انالاردىڭ جانە پەداگوگتاردىڭ تەحنولوگيالىق دايىندىعىنا سايكەس، سونىمەن قاتار بىرنەشە پلاتفورما ارقىلى ءجۇرىپ جاتىر»، — دەدى كوميتەت ءتوراعاسى.
وسى رەتتە ول 1-10 سىنىپ وقۋشىلارىنا IV وقۋ توقسانىندا ءبولىم بويىنشا جيىنتىق باعالاۋ مەن توقسان بويىنشا جيىنتىق باعالاۋ قالاي وتكىزىلەتىندىگىن ءتۇسىندىردى.
«ادىستەمەلىك ۇسىنىس دايىن. ول ۇسىنىس ءبىلىم جانە عىلىم مينيسترلىگىنىڭ №125 بۇيرىعى بويىنشا وقۋشىلاردىڭ ۇلگەرىمىنە اعىمداعى باقىلاۋدى وتكىزۋ ۇلگىلىك قاعدياتتارىنا سايكەس دايىندالدى. 1-10 سىنىپتاردا اپتالىق جۇكتەمەسى 2 جانە ودان ارتىق ساعات بولاتىن پاندەردە ءبولىم بويىنشا 1 جيىنتىق جانە 1 توقساندىق باعالاۋ جۇمىسى، ياعني 1 تجب، 1 بجب بولادى. ال وقۋ جۇكتەمەسى اپتاسىنا 1 ساعاتتى قۇرايتىن وقۋ پاندەرىننەن 1 ءبولىم بويىنشا جيىنتىق باعالاۋ وتكىزىلەدى»، — دەدى مايرا مەلدەبەكوۆا.
كوميتەت باسشىسىنىڭ ايتۋىنشا، جاڭارتىلعان ءبىلىم بەرۋ باعدارلاماسىنا كوشپەگەن 11-سىنىپتا باقىلاۋ جۇمىسى بولادى.
«1 باقىلاۋ جۇمىسىنىڭ ناتيجەسىندە توقساندىق قورىتىندى شىعارىلادى»، — دەدى ول
You Might Also Like
-
ادام كوپ جينالاتىن باسقا دا ورىندار ازىرگە جابىق بولادى. بۇل تۋرالى ق ر پرەزيدەنتى قاسىم-جومارت توقايەۆتىڭ مالىمدەمەسىندە اتالىپ ءوتتى.
-
ق ر ءبىلىم جانە عىلىم ءمينيسترى اسحات ايماعامبەتوۆ تىكەلەي ەفير بارىسىندا بيىل ۇلتتىق ءبىرىڭعاي تەستىلەۋ قاشان وتەتىنىن ايتتى.
