وقۋشىلار IV توقساننىڭ جيىنتىق باعالاۋىن قاشان تاپسىرادى
ق ر بعم مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى مايرا مەلدەبەكوۆا وقۋشىلار IV توقساننىڭ جيىنتىق باعالاۋىن (تجب) قاشان تاپسىراتىنىن ايتتى.
«ءبولىم بويىنشا جيىنتىق باعالاۋ (بجب) وتكىزۋ مەرزىمى اپتاسىنا 2 جانە ودان كوپ ساعاتتى قۇرايتىن پاندەر بويىنشا 4-11 مامىر ارالىعىندا وتەدى. جالپى، ءبىز مۇنىڭ الدىندا ءبىلىم جانە عىلىم مينيسترلىگىنىڭ №135 بۇيرىعىندا 4-8 مامىر دەپ بەلگىلەگەن ەدىك. ءقازىر مەرەكەلىك داتالارعا سايكەس كەلۋىنە بايلانىستى 11 مامىرعا دەيىن ۇزارتتىق. اپتاسىنا ءبىر ساعاتتى قۇرايتىن وقۋ پاندەرى بويىنشا 11-15 مامىر ارالىعىندا جانە 1-10 سىنىپتاردا توقساندىق باقىلاۋ، سونىمەن قاتار 11-سىنىپتاردا باقىلاۋ جۇمىسى 18-22 مامىر ارالىعىندا وتەدى. جالپى، بجب جانە تجب تاپسىرمالارىنىڭ بارلىعىن مۇعالىمدەر وزدەرى وتكەن تاقىرىپ بويىنشا دايىندايدى»، — دەدى مايرا مەلدەبەكوۆا ونلاين-سۇحبات بارىسىندا.
ونىڭ ايتۋىنشا، وقۋ پاندەرى بويىنشا 1-10 سىنىپتاردا جۇرگىزىلەتىن جيىنتىق باقىلاۋ كەستەسىن ءاربىر ءبىلىم بەرۋ ۇيىمى جەكە دايىندايدى.
«بجب وتكىزۋ ۋاقىتىن 20 مينۋت، تجب ۋاقىتىن 40 مينۋت دەپ بەلگىلەپ وتىرمىز. سونىمەن قاتار 1-4 سىنىپ وقۋشىلارىمىز جاس ەرەكشەلىكتەرىنە قاراي، تەحنولوگيالاردى ءالى دە تولىق مەڭگەرمەۋىنە بايلانىستى ۋاقىت شەكتەلمەيدى. اتا-انالارعا دا، وقۋشىلارعا دا ايتارىمىز، قازىرگى ساباق بارىسى، قاشىقتان وقىتۋ جۇيەسى قالاي ءوتىپ جاتسا، بجب دا، تجب دا سولاي وتەدى»، — دەدى كوميتەت ءتوراعاسى.
You Might Also Like
-
— وي، جولىڭ بولعىر، مىناۋ مەنى جەرگە قاراتتى-اۋ، ءا. سويلەگەن ءسوزىن تىڭداپ كور. قۇددى تاۋ كوتەرىپ كەلگەندەي. قيراتتىم دەپ تۇرسىڭ با؟ وسى تۇرعان جەرىندە قامشىنىڭ استىنا الايىن با؟
-
توتەنشە جاعداي رەجيمى اياقتالعاننان كەيىن مەكتەپ، كوللەدج، ۋنيۆەرسيتەتتەر قاشىقتان جۇمىس ىستەۋىن جالعاستىرا بەرەدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ تىكەلەي ەفير بارىسىندا ...
