ناكاگين – جاپونياداعى ەڭ ءىرى كاپسيۋلدى عيمارات (12 سۋرەت)
كاپسۋلا-مۇنارا «ناكاگين» جاپون ارحيتەكتورى كيسە كۋروكاۆانىڭ جوباسى بويىنشا 1972 جىلى سالىندى. عيمارات 1950 جىلدارى پايدا بولعان فۋنكسيونالدىلىققا كەرەعار جاپون مەتابوليزمى — ارحيتەكتۋرا مەن قالا قۇرىلىسىنداعى جاڭا لەپكە مىسالى بولىپ تابىلادى. مەتابوليزم ستيلىندەگى عيماراتتار ءۇشىن اياقتالماعاندىق پەن اۋىسىپ وتىراتىن قالا ورتاسىمەن «ديالوگ» ءۇشىن قۇرىلىمىنىڭ اشىقتىعى ءتان. جاپون فوتوگرافى نوريتاكا مينامي (Noritaka Minami) توكيولىق گينزا اۋدانىندا سالىنعان، ءتۇرلى كومبيناسيادا سالماق تۇسەتىن ەكى باعاناعا نەگىزدەلگەن، 140 كاپسۋلا-مودۋلدەن تۇراتىن عيماراتتى ءتورت جىل بويى سۋرەتكە تۇسەرگەن. ءار ءمودۋلدىڭ ولشەمى 2،3×3،8×2،1 مەتر، ولار تىرەككە ءتورت بولت ارقىلى عانا بەكىتىلگەن. ءۇيدىڭ بيىكتىگى — ون ءۇش قابات.
2007 جىلى «ناكاگينا» تۇرعىندارى قىسىلىپ جۇرگەندەرىن جانە عيماراتتىڭ كونسترۋكسياسىندا ابسەستىڭ بارىن ايتىپ، سۇرىلۋىنە داۋىس بەرگەن. ءوز جوباسىن امان الىپ قالۋ ءۇشىن كۋروكاۆا مۇنارانى قايتا وڭدەۋدى ۇسىندى. قايتا وڭدەۋ جوسپارىن جاپونيا ارحيتەكتورلار ۇيىمىنىڭ نەگىزگى ساۋلەتشىلەرى قولدادى، ونىڭ ىشىندە جاپون ارحيتەكتۋرا ينستيتۋتى بار، ءبىراق قارجىلاي كوپ شىعىن شىعاتىندىقتان جۇمىس سول كۇيى باستالمادى.
بۇدان كەيىن ءۇيدىڭ كوپتەگەن تۇرعىندارى كوشىپ، ۇيلەرىن تاستاپ كەتكەن.
You Might Also Like
-
بۇگىن وڭتۇستىك قازاقستان وبلىسىنىڭ اكىمى بەيبىت اتامقۇلوۆ جاس تۇلەكتەردى، «التىن بەلگى» يەگەرلەرىن ماراپاتتادى.
