وقو-دا ۇبت-دا ەڭ جوعارى ۇپاي جيعان تۇلەكتەرگە 500 مىڭ تەڭگە تابىستالدى
بۇگىن وڭتۇستىك قازاقستان وبلىسىنىڭ اكىمى بەيبىت اتامقۇلوۆ جاس تۇلەكتەردى، «التىن بەلگى» يەگەرلەرىن ماراپاتتادى.
وبلىس اكىمى وبلىستاعى مەكتەپ-ينتەرناتتاردى ءتامامداعان 116 تۇلەككە «التىن بەلگى» بەلگى تاپسىرىپ، ۇبت-دا 125 بالل جيناعان 6 وقۋشىعا 500 مىڭ تەڭگە كولەمىندە قارجىلاي سەرتيفيكات تابىستادى. ولار: شىمكەنت قالاسى ح. دۋلاتي اتىنداعى №8 گيمنازيا تۇلەگى - ابىلاي كەنەسبەكوۆ، شىمكەنت قالاسى №120 مەكتەبىنىڭ تۇلەگى - ەراسىل بالتاباي، ورداباسى اۋدانى ا.شەريمقۇلوۆ اتىنداعى مەكتەپ تۇلەگى -اقمارال ابۋباكىر، ورداباسى اۋدانىنداعى اۋەزوۆ اتىنداعى مەكتەپ تۇلەگى - اياجان ءتورتاي، №2 مامانداندىرىلعان مەكتەپ-ينتەرناتىنىڭ تۇلەگى - مەرەي تۇردييەۆا جانە شىمكەنت ق. №15 مەكتەپ-ليسەيىنىڭ تۇلەگى - اقتولقىن اسان.
ءوز كەزەگىندە، ءبىتىرۋشى تۇلەكتەردىڭ ءبىرى - «التىن بەلگى» يەگەرى م.تۇردييەۆا اعا بۋىن وكىلدەرىنە العىسىن جەتكىزىپ، ءوز زامانداستارىنا اق جول تىلەدى.
«بۇل قۋانىش - 11 جىلعى ۇزدىكسىز ەڭبەكتىڭ جەڭىسى. تاجىريبەلى ۇستازداردىڭ ەڭبەگى جانە اتا-انالاردىڭ اق تىلەگى. سىزدەردىڭ بيىلعى جەڭىستەرىڭىز تاۋەلسىزدىكتىڭ 25 جىلدىعىنا تۇسپا-تۇس كەلىپ وتىر. سول تاۋەلسىزدىگىمىزدىڭ تىرەگى، ەگەمەن ەلدىڭ ەرتەڭى رەتىندە سىزدەرگە، بولاشاقتا ماڭگىلىك ەلدىڭ ءبىر كىرپىشى بولىپ قالانۋلارىڭىزعا شىن جۇرەكتەن تىلەكتەسپىن»، - دەدى ب.اتامقۇلوۆ.
سالتاناتتى كەزدەسۋ سوڭى مەرەكەلىك كونسەرتكە ۇلاسىپ، تۇلەكتەر ءۆالسى ۇيىمداستىرىلدى.
You Might Also Like
-
كاپسۋلا-مۇنارا «ناكاگين» جاپون ارحيتەكتورى كيسە كۋروكاۆانىڭ جوباسى بويىنشا 1972 جىلى سالىندى. عيمارات 1950 جىلدارى پايدا بولعان فۋنكسيونالدىلىققا كەرەعار جاپون مەتابوليزمى — ارحيت...
-
جاز — باقشانى رەتكە كەلتىرىپ، جايقالتۋدى قولعا الاتىن كەزەڭ. Bilim-all.kz ءار باعبانعا پايدالى بولاتىن بىرنەشە ايلا-تاسىلدەرمەن بولىسەدى.
