ادام بالالىق شاعىندا قانشالىقتى كوپ وقىسا، ەسەيگەندە سونشالىقتى باي بولادى
سيسەرون «كىتابى جوق ءۇي جانى جوق دەنە سياقتى»، — دەگەن ەكەن. عالىمدارعا سەنسەك، بۇل سويلەمدى رۋحاني بايلىققا عانا قاتىستى ەمەس، ماتەريالدى بايلىققا دا قاتىستىرۋعا بولادى ەكەن: يتالياندىق ەكونوميستەر بالالىق شاقتاعى كىتاپقۇمارلىق پەن ەسەيگەندەگى ءال-اۋقات تىعىز بايلانىستا ەكەنىن دالەلدەگەن.
پادۋي (يتاليا) ۋنيۆەرسيتەتىنىڭ ءۇش ەكونوميستى توعىز ەۋروپالىق ەلدىڭ 6 000 ادامىن زەرتتەپ، بالا كەزدەن كىتاپقۇمار ادامدار قازىردە كىتاپتى از وقىعان نەمەسە كىشكەنتاي كەزىندە مۇلدە كىتاپ وقىماعان بالالارعا قاراعاندا كوبىرەك اقشا تاباتىنىن انىقتاعان.
ولار 1920-1956 جىل ارالىعىن زەرتتەگەن. ءدال وسى ارالىقتا ەۆروپادا مەكتەپ رەفورماسى ورىن الىپ، وقۋ جىلىنا تاعى ءبىر جىل قوسىلعان. زەرتتەۋشىلەر قوسىمشا وقۋ جىلى ادامنىڭ ورتاشا ءومىر بويلىق پايداسىن 9%-عا ارتتىرعانىن انىقتاعان. ءبىراق از عانا كىتاپ وقىعان بالالار ءۇشىن بۇل سان 5%-عا عانا وسكەن، ال كوپ وقىعاندار ءۇشىن — 21%-عا.
بۇل قۇبىلىستى تانىمال اعىلشىن نيەۆرولوگى سيۋزان گرينفيلد بىلاي ءتۇسىندىردى. بالانىڭ ميىن كىتاپتان اسىپ، ەشتەڭە دامىتا المايدى، سەبەبى ادەبيەت ويلاۋ پروسەسسىن دامىتاتىن بىردەن-بىر قۇرال. سەبەبى ءار سيۋجەتتىڭ باسى، ءوربۋى، شارىقتاۋ شەگى مەن سوڭى بار – مۇنداي قۇرىلىم ميدىڭ بار بولىگىن جۇمىس ىستەتىپ، تىزبەكتەۋگە بەيىمدەيدى، وقيعالاردىڭ بايلانىسى جايلى ويلاندىرادى جانە كەيىپكەرلەردىڭ ىس-ارەكەتىن سارالاۋعا ۇيرەتەدى.
سوندىقتان ەرەسەك كەزدە لوگيكالىق ويلاي الۋ قابىلەتى مەن زەيىن قويۋ بالا كەزدە وقىعان كىتاپتاردىڭ سانىنا بايلانىستى. جانە وقۋعا دەگەن قۇشتارلىعىن ارتتىرۋ – وعان جاساعان ۇلكەن سىيىمىز.
You Might Also Like
-
كىشكەنتاي بالالار پلانشەت پەن سمارتفونداردى تەز مەڭگەرەتىنىنە ءقازىر تاڭعالمايتىن بولدىق. قازىردە بالالار جاسىنا كوپتەگەن جارقىن ءارى قىزىقتى ويىندار مەن قوسىمشالار ويلاپ شىعارىلىپ جاتىر. ءبىراق زامان...
-
قياردىڭ قۇرامىندا كۇندىك قاجەتتىكتەردەن بولعان كوپتەگەن ۆيتاميندەر بار. بۇلار: B1، B2، B3، B5، B6، C، ۆيتاميندەرى، فوليي قىشقىلى، كالسيي، تەمىر، ماگنيي، فوسفور، كاليي، جانە مىرىش.
