InfoHub Logo

قاراعاندى وبلىسى، بۇحار جىراۋ اۋدانى،
قىزىلقايىڭ اۋىلى، بەرەزنياك جببوم - ءنىڭ
مەكتەپالدى دايارلىق سىنىپ ءمۇعالىمى
زۋرمانباي بالگۋل

ءبىلىم بەرۋ سالاسى: تانىم
ۇيىمداستىرىلعان وقۋ ءىس - ارەكەتى: قورشاعان ورتامەن تانىستىرۋ
ۇيىمداستىرىلعان وقۋ ءىس - ارەكەتىنىڭ تاقىرىبى: «نان داستارحانعا قالاي كەلەدى؟»
ۇيىمداستىرىلعان وقۋ ءىس - ارەكەتىنىڭ ماقساتى: ءدان تۇقىمىمەن تانىسۋ، بيدايدان نان جاسالاتىنىن ايتا وتىرىپ، داستارحانعا جەتكەنگە دەيىنگى ەڭبەك مازمۇنىمەن، قولدانىلاتىن تەحنيكالاردىڭ اتتارىمەن تانىستىرۋ. ۇلكەندەردىڭ ەڭبەگىن باعالاي بىلۋگە تاربيەلەۋ.
دامىتۋشىلىق ماقساتى: بالالاردىڭ اقىل - وي بەلسەندىلىگىن ارتتىرۋ. ولەڭ ناقىل ءسوز، ماقال - ماتەل ارقىلى ءتىل بايلىعىن دامىتۋ.
تاربيەلىك ماقساتى: بەرىلگەن تاپسىرمانى ورىنداۋعا، ەڭبەكقورلىققا تاربيەلەۋ، ناقىل سوزدەردىڭ تاربيەلىك ءمانىن تۇسىنۋگە تالپىندىرۋ.
جاڭا سوزدەر: ناۋبايحانا، ديىرمەن، كومباين، ديحان، ەليەۆاتور.
ءادىس - تاسىلدەر: ءتۇسىندىرۋ، سەرگىتۋ، ويىن، اڭگىمەلەۋ، سۇراق - جاۋاپ.
ەڭبەك ادامدارىنىڭ سۋرەتتەرى، نان تۇرلەرىنىڭ سۋرەتتەرى، نان، باۋىرساق، ويىنعا ديداكتيكالىق قۇرالدار، ۇن، سمايليك.
ءپان ارالىق بايلانىس: ءتىل دامىتۋ، بەينەلەۋ ونەرى، ساۋات اشۋ.

ساباق بارىسى: ۇيىمداستىرۋ كەزەڭى.
شاتتىق شەڭبەر:
جاڭبىر، جاڭبىر جاۋاسىڭ،
جانىمىزعا داۋاسىڭ.
ءبىز وينايتىن اۋلانىڭ،
تازارتاسىڭ اۋاسىن.
- بالالار كوڭىل كۇيلەرىڭ قالاي؟
- ولاي بولسا كوڭىلدى بولعاندا نە ىستەيسىڭدەر؟
- قول شاپالاقتايمىز؟
- رەنجىگەندە، قاباق تۇيەمىز. (بالالار قاباقتارىن تۇيەدى)
- قورىققاندا كوزىمىزدى جۇمامىز (بالالار كوزدەرىن جۇمادى)
- قۋانعاندا، كۇلەمىز.
- ەندەشە، بالالار،- كوڭىل كۇيلەرىڭدى الدارىڭداعى سمايليك ارقىلى كورسەتىڭدەر
- جارايسىڭدار، بارلىعىمىزدىڭ كوڭىل - كۇيىمىز جاقسى ەكەن، ولاي بولسا وقۋ ءىس - ارەكەتىمىزدى باستايمىز.
- بالالا، الدارىڭداعى سۋرەتتەردەن تاقتاداعى كورنەكىلىكتەردەن بايقاپ وتىرعان بولارسىڭدار، بۇگىن نە تۋرالى ايتايىن دەپ تۇرعانىمىزدى.
- دۇرىس ايتاسىڭدار، بالالار.
- مىنە ءبىزدىڭ الدىمىزدا داستارحان جايۋلى تۇر. ونىڭ ۇستىندە نانداردى كورىپ تۇرسىڭدار. ەندى ءبىز وسى داستارحانعا ناننىڭ قالاي كەلەتىنىن مىنا سۋرەتتەردەن كورەتىن بولامىز.
- كوكتەمدە مىنا سۋرەتتەگى تراكتورلار جەردى جىرتىپ، مىنانداي بيداي ءدانىن سەبەدى. (بالالارعا بيدايدى كورسەتەمىز)
- ديحانشىلار جاز بويى ەگىلگەن ءداندى سۋارىپ، كۇتىپ، باپتايدى.(ديحان سوزىنە تۇسىنىك بەرىپ كەتەمىز)
- كۇز بولعاندا جايقالىپ، بيداي ءوسىپ شىعادى. ءوسىپ شىققان بيدايدى كومباينشىلار ورىپ، ماشينالارعا سالىپ بەرەدى.(كومباين سوزىنە توقتالىپ كەتۋ)
- كولىكتەر ونى ەليەۆاتورعا تاسيدى. ەليەۆاتوردا بيدايدى جىلداپ ساقتاۋعا بولادى.(ەليەۆاتور سوزىنە توقتالۋ)
- قاجەت بيدايدى ديىرمەنگە اپارىپ، ودان ۇن جاساپ شىعارادى.(ديىرمەن سوزىنە توقتالۋ) بالالارعا ۇندى كورسەتەمىز.
- دايىن بولعان ۇننان ناۋبايحانالاردا ءتۇرلى نان ونىمدەرىن شىعارادى.
- مىنە بالالار، ءبىزدىڭ داستارحانىمىزعا نان وسىنداي كوپ ەڭبەكتىڭ ارقاسىندا كەلەدى ەكەن.
تاقتاداعى ۇننان جاسالعان ونىمدەر تۋرالى سۋرەتتەرگە توقتالۋ.
ديداكتيكالىق ويىن: «قايسىسى ارتىق؟»
ويىننىڭ شارتى: بەرىلگەن سۋرەتتەردىڭ ىشىنەن نان ونىمدەرىنە جاتپايتىن تاعام تۇرلەرىن شىعارىپ تاستاۋلارى كەرەك.
قورشاعان ورتامەن تانىستىرۋ الىپپە - داپتەرىندەگى تاپسىرمالاردى ورىنداۋ.

ديداكتيكالىق ويىن: دۇرىس ورنالاستىر.
ويىننىڭ شارتى: ۇن، بيداي، نان سۋرەتتەرى بەرىلەدى. سۋرەتتەردى نان جاسالۋ جولدارىمەن دۇرىس ورنالاستىرۋى كەرەك.

سەرگىتۋ ءساتى:
كوكتەمدە جەردى جىرتامىز،
تەگىستەيمىز تىرمالاپ.
داندەردى وعان ەگەمىز،
جايقالىپ ەگىن شىقسىن دەپ.
كۇز بولعاندا ورامىز،
نانعا بىزدەر تويامىز. (قيمىلمەن كورسەتۋ)

جۇمباق جاسىرۋ:
ۇزىن مۇرتتى سارىلار،
قويىنىندا ءدانى بار. (بيداي)
بالالارعا بيدايدىڭ سۋرەتىن سالعىزۋ.

تىيىم سوزدەر:
1 ناندى ءبىر قولمەن ۇزبە.
2 ناندى، داستارحاندى باسپا.
3 ناندى توڭكەرىپ تاستاما.
4 ناندى اياققا باسپا.

ماعىناسىن ءتۇسىندىرۋ.
ديداكتيكالىق ويىن: «تەز ويلا»
ويىننىڭ شارتى: ماماندىق تۇرلەرى اتالادى. سولاردىڭ ىشىنەن تاقىرىپقا ساي ماماندىق يەلەرى اتالسا بالالار قول شاپالاقتاۋلارى كەرەك. مىسالى: دارىگەر، ءمۇعالىم، ەگىنشى، تراكتوريست، ناۋبايحاناشى، ەسەپشى، كومبايىنشى، ديحانشى، ت.ب.
بارلىعىمىز بىرگە جاتتايىق:
نان قوقىمىن شاشپاڭدار،
جەردە جاتسا باسپاڭدار.
تەرىپ الىپ قاستەرلەپ،
تورعايلارعا تاستاڭدار.

قورىتىندى:
- بالالار، بۇگىنگى وقۋ ءىس - ارەكەتى بارلىقتارىڭا تۇسىنىكتى بولدى ما؟ ەگەر بارلىقتارىڭا ۇناسا قولدارىڭداعى سمايليكتى كوتەرەمىز.
- راحمەت، بالالار، جارايسىڭدار.