ناتيجەلى كوشباسشى بولۋ ءۇشىن ءوزىڭىزدى ءاردايىم جەتىلدىرىپ وتىرىڭىز
ءار كۇنىڭىزدى جاڭا نارسە ۇيرەنۋگە مۇمكىندىك دەپ ءبىلىڭىز.
سانديپ كاشياپ
جەكە كاسىپكەر، قامسىزداندىرۋ باعدارلاماسىمەن اينالىساتىن ProofHub كومپانياسىنىڭ باسشىسى
مانساپ جولىندا سانديپ كاشياپ (Sandeep Kashyap) كوپتەگەن ماماندىق اۋىستىردى. ول ديزاينەر، باعدارلاماشى، ماركەتولوگ، ءتىپتى ىستەن شىققان جەلدەتكىشتەردى جوندەۋشى بولدى. قازىرگى تاڭدا ProofHub كومپانياسىن باسقارادى. ونىڭ سوزىنە قاراعاندا، ومىرىندەگى جالعىز تۇراقتى شاما – وزگەرىس ەدى. سانديپ جاقسى باسشىنىڭ نەلىكتەن ءوزىن جەتىلدىرىپ وتىرۋى ماڭىزدى ەكەنىن اتاپ ءوتتى.
الەمگە باسقاشا قاراۋدى ۇيرەتەدى
ومىردە ءبارى وزگەرىپ تۇرادى. ەگەر وسىنى جەتە ءتۇسىنىپ، ءوزىڭدى وزگەرتسەڭ، ومىرگە دەگەن كوزقاراسىڭ دا باسقاشا بولادى. ىنتاڭىز ارتىپ، ۇلكەن بەلەستەردى باعىندىرۋعا جەتەلەيدى. كەز كەلگەن كوشباسشى، ءتىپتى قاراپايىم ادام دا وسىعان ۇمتىلاتىنى انىق. ءومىرىڭىزدى شاڭ باسپاسىن دەسەڭىز، وزگەرىڭىز!
وڭتايلى باعىت بەرەدى
ەگەر ومىرگە تەك ءبىر جاق قىرىنان قارايتىنداردان بولساڭىز، شاراسىز تۇردە، تەك تەرىس ويدا قالاتىنىڭىز انىق. اشىق بولىڭىز. جۇمىسىڭىز جوسپارعا ساي جۇرمەسە دە ءار كۇننەن جاڭا مۇمكىندىك پەن ءۇمىت وتىن ىزدەڭىز. بۇل العا جىلجۋعا، كومانداڭىزدى ىنتالاندىرۋعا كۇش پەن قۇلشىنىس بەرەدى.
شەكتەۋ شەڭبەرىنەن شىعۋعا شابىتتاندىرادى
شەكتەۋدىڭ ءبارىن وزىمىزگە ءوزىمىز قويامىز. كۇندەلىكتى قايتالاناتىن ءبىرسارىندى جۇمىسپەن كەرەمەت ناتيجەگە قول جەتكىزە المايسىز. شەڭبەردەن شىعىڭىز، وزگەرىڭىز، كەمەلدەنىڭىز، سوندا جاڭا مۇمكىندىكتەر مەن كۇش-قۋاتىڭىز پايدا بولادى.
ءسىز تەك تۇلعا رەتىندە عانا ەمەس، توبىڭىزدى دا وركەندەپ، وسۋىنە شابىتتاندىراسىز. بۇل كوشباسشىنى ۇزدىك ەتەدى.
زەرىگۋگە جول بەرمەيدى
ءسىز قاي سالادا جۇمىس ىستەسەڭىز دە، ءىسىڭىزدى قانشالىقتى ءسۇيىپ تۇرساڭىز دا، ۋاقىت وتە ءبىرسارىندى جۇمىس زەرىكتىرەدى. زەرىگۋ - ءبىرسارىندى ويلاۋدان تۋادى.
ءوزىڭىزدى قامشىلاپ، جاڭعىرتىپ وتىرىڭىز. سوندا جاڭا ويلار كەلەدى.
وسۋگە كومەكتەسەدى
جاقسى كوشباسشى ءوسۋدى بولجاي الۋمەن جانە وسى ءوسۋ كەزىندە كومانداسىن ساقتاپ قالۋىمەن انىقتالادى. مۇنداي كوشباسشى بولۋ ءۇشىن جاڭالىق ەنگىزۋگە داعدىلانىپ، كۇندەلىكتى بيىككە قاراي قول سەرمەۋ كەرەك. ايتپەسە، ورتاشا دەڭگەيدەگى باسشى بولىپ، مىقتىلار قاتارىنان قالىس قالاسىز. ەگەر راسىمەن وزگەرىس ەنگىزە الاتىن ۇزدىك باسشى بولعىڭىز كەلسە، كۇندەلىكتى دامىپ، ءوسىپ وتىرىڭىز.
You Might Also Like
-
مۇقاعالي ماقاتايەۆ – ءبىزدىڭ زامانداعى قايتالانباس عاجايىپ اقىنداردىڭ ءبىرى
-
Hummer وپ-وڭاي ءجۇرىپ وتەتىن جەرمەن كەز كەلگەن كولىك ءتۇرى كەدەرگىگە تاپ بولۋى مۇمكىن. بۇل كولىك ءتۇرىن كۇش پەن ەنەرگيا، ەركىندىك پەن قۋاتپەن تەڭەيدى.
