نازاربايەۆ: قازاق جاستارىنىڭ شەتەلدە جالشى بولىپ جۇرمەگەنىن ماقتان تۇتامىن
جاقىندا وتكەن «مەملەكەت باسشىسى» ءفيلمىنىڭ تۇساۋكەسەرىندە پرەزيدەنت نۇرسۇلتان نازاربايەۆ قازاق جاستارىمەن ماقتاناتىنىن ايتتى.
قازاقستان پرەزيدەنتى 10 مىڭعا جۋىق جاستاردىڭ شەتەلدەگى ۇزدىك ۋنيۆەرسيتەتتەردە ءبىلىم الىپ، كەيىن وتانىنا ورالعانىن ماقتانىشپەن جەتكىزدى.
«مەن بىردە-بىر قازاقستاندىق جاستىڭ شەتەلدەردە جالشى بولىپ جۇرمەگەنىنە قۋانامىن. ەشكىم ەش جەردە ميگرانت بولعان ەمەس! ول ءوز ەلىندە جۇمىس ىستەيدى، بۇل ۇلى ماقتانىش»، - دەپ اتاپ ءوتتى پرەزيدەنت.
ەلباسى شەتەلدە وقيتىن قازاق جاستارىمەن كەزدەسۋى بارىسىندا ولاردىڭ وتە پاتريوت ەكەنىن بايقاعان.
«ولاردىڭ جاتاقحانالارىندا قازاقستاننىڭ تۋى ءىلىنىپ تۇرادى. ساعىنادى ولار ەلدى. نە بولىپ جاتقانىن باقىلاپ وتىرادى. ولاردىڭ پاتريوتتىق سەزىمدەرى ءومىر بويى ەلدە تۇرىپ كەلە جاتقاندارعا قاراعاندا الدەقايدا جوعارى. مەنىڭشە، بۇل كەرەمەت. ال ولار وتانىن ءسۇيۋ ءۇشىن ەلى دە وعان لايىق بولۋ كەرەك، سولاي ەمەس پە؟»، - دەدى پرەزيدەنت.
نازاربايەۆ ەل جاستارىنىڭ ەڭ باقىتتى ەكەنىن ايتتى.
«ولاردا ءبىزدىڭ تۇسىمىزگە دە كىرمەگەن نارسەلەر بار»، - دەپ اتاپ ءوتتى ەلباسى.
You Might Also Like
-
ءوز جولىنا ءتۇسىپ الىپ سۇرلەۋ سوقپاعىمەن كىپ-كىشكەنتاي قۇمىرسقا كەلە جاتىر ەدى، كەنەت الدىنان پەندە شىعا كەلدى. پەندە قۇمىرسقانى ءبىر-اق مىجىپ ولتىرە سالسام با ەكەن دەپ ويلادى. سول ويمەن پەندەنىڭ ءداپ-...
-
مۇنداي جازا وپاسىزدارعا، ساتقىندارعا قولدانىلعان. جازاعا ۇشىراعان ادامنىڭ اياق-قولىن بايلاپ، اعاشقا (كەرەگەگە) تاڭعان، ال سوعىس كەزىندە نايزا استىنا كەرگەن. سونان سوڭ بارلىق جيىلعان جۇرت ونىڭ بەتىنە...
