تاۋەلسىزدىكتىڭ 25 جىلدىعى: قازاق گەوگرافيالىق قوعامى 108 كۇننىڭ ىشىندە قازاقستاننىڭ بارلىق ايماقتارىن ارالاپ شىعادى
قازاق گەوگرافيالىق قوعامى قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي ەكسپەديسياعا شىقپاق.
بۇل تۋرالى اتالعان قوعامنىڭ فەيسبۋكتەگى پاراقشاسىندا حابارلاندى.
«قازاقستان تاۋەلسىزدىگىنىڭ 25 جىلدىعىنا جانە تۇڭعىش قازاق گەوگرافى ءاليحان بوكەيحاننىڭ 150 جىلدىعىنا ارنالعان ەكسپەديسيا ءوز باستاۋىن ەلىمىزدىڭ ەكى نەگىزگى قالالارىنان الادى. استانا كۇنى، 6 شىلدەدە، ەكسپەديسيا جولعا شىعىپ، 108 كۇننىڭ ىشىندە قازاقستاننىڭ بارلىق ايماقتارىن ارالاپ، ەلورداعا قايتىپ ورالادى. 108 دەپ - تەكتەن-تەككە الىپ تۇرعانىمىز جوق! ويتكەنى ءبىز 108 ساعاتتىڭ ىشىندە وڭتۇستىك ءپوليۋستى دە باعىندىرىپ، گيننەستىڭ رەكوردتار كىتابىنا ەنگەندىكتەن، وسى ساننىڭ ەرەكشەلىگىن جالعاستىرماقپىز!
ءبىز استانادان اقتوعايعا، سودان كەيىن قارقارالىعا جانە سەمەيگە بارامىز. سەمەي قالاسىندا ەكسپەديسيا ەكى باعدار بويىنشا ءبولىنىپ كەتەدى. ءبىرىنشى توپ الماتى وبلىسىنا بارىپ، سول جاقتان بۇكىل قازاقستان ارقىلى وتسە، ەكىنشى باعىت ءاليحان بوكەيحاننىڭ 150 جىلدىعىن اتاپ ءوتۋ ماقساتىندا ومبىعا بارىپ، سانكت-پەتەربۋرگ، مينسك، سامارا، ورىنبور، ماسكەۋ ارقىلى ءجۇرىپ وتەدى. كەيىن ەكى باعىت استانادا تاعى دا بىرگە كەزدەسپەك»، دەلىنگەن حابارلامادا.
جوبانى قازاق گەوگرافيالىق قوعامى، حابار تەلەارناسى جانە ارشا مەديا ۇيىمداستىرىپ وتىر.
You Might Also Like
-
بوكەننىڭ ءبىر مىنەزى كىمنىڭ جانىنا جاقىن جۇرسەم، ابىرويدى كوبىرەك جينايمىن، كىمنىڭ جانىندا كوبىرەك سويلەسىپ تۇرسام، ابىرويلى كورىنىپ تۇرامىن، كىممەن بايلانىس ورناتسام، ابىرويىم اسقاقتاي تۇسەدى دەپ ج...
-
ساقان اۋىلعا دۇنيەدەن ءوتىپ كەتكەن اكە-شەشەسىنە قۇران وقىتۋعا باردى. ساقاندار ءبىر اكە-شەشەدەن ەكى اعايىندى جىگىت. اعاسى اۋىلدا تۇرادى. ساقان اۋىلعا بارعاننان كەيىن كورشىسى تولىباي اعانىڭ ۇيىنە كى...
