InfoHub Logo

تانىمال شوۋمەن تۇرسىنبەك قاباتوۆتىڭ جۇبايى ايمان تالعات قىزى جەلىدەگى بەلسەندىلەردىڭ سىنىنا جاۋاپ بەردى. ول وزگەلەردىڭ ءومىرىن تالقىلاپ، جاعىمسىز پىكىر بىلدىرەتىندەرگە قاراتا ايتتى.

بۇل تۋرالى Infohub.kz اقپارات اگەنتتىگى حابارلايدى.

"وزدەرىڭىز نە بىتىردىڭىزدەر؟"

ايمان تالعات قىزىنىڭ ايتۋىنشا، ادامداردىڭ باسقالاردىڭ ءومىرىن تالقىلاۋعا ۋاقىتى جەتپەي، وزدەرىنىڭ ومىرلەرىنە نازار اۋدارۋى كەرەك.

"ەگەر مىقتى بولساڭ، قازاق ءۇشىن، ەل ءۇشىن، جەر ءۇشىن ءبىر نارسە ويلاپ تاپ، پايداڭدى تيگىز. سودان كەيىن بارىپ بىرەۋدى تالقىلاپ، مۇرنىڭدى شۇقىپ ايتارىڭدى ايت. ءبىراق وكىنىشكە وراي، ءبىزدىڭ قوعامدا وندايلار جوقتىڭ قاسى. كورىپ وتىرمىز، كەيبىر ايەلدەر بىرەۋدى داتتاپ وتىرىپ، ءوزىنىڭ جاقىن قۇربىسىنا قاتتى ءتيىپ جاتقانىن سەزبەيدى. بىرەۋدىڭ ەكىنشى ايەلىمەن دوس بولىپ ءجۇرىپ، باسقا بىرەۋدى اڭگىمە قىلادى. ءبىر ايەلدى كوتەرىپ، ءبىر ايەلدى ءتۇسىرىپ وتىرعانىن كورىپ جاتىرمىز. ەكىجۇزدىلىك قايدا جاتىر؟ ءبىراق وزدەرىنىڭ قولىنان كەلەتىن ءبىر ءىس جوق. "قازاققا جاۋدىڭ كەرەگى جوق" دەگەن ءسوز راس ەكەن"، - دەدى ول.

"نەگە ءسىز قاباتوۆ بولا المايسىز؟"

شوۋمەننىڭ جۇبايى تۇرسىنبەك قاباتوۆتىڭ جەتىستىكتەرىنە دە توقتالدى.

"كىمنىڭ كىم ەكەنىن دە كوردىك، ەستىدىك، تۇسىندىك. قۇس سەكىلدى قاناتىمىزدى ءبىر قاعىپ جىبەرىپ، ءارى قاراي ۇشىپ بارامىز. وعان ەشكىمنىڭ تالاسى جوق. قاباتوۆتى قاباتوۆ قىلعان – ءبىر اللا جانە تىنىمسىز ەڭبەگى. نەگە ءسىز قاباتوۆ بولا المايسىز مىسالى؟ بولا المايسىز. ەڭ بولماعاندا الەۋمەتتىك جەلىدەن ءبىر نارسە ءپىسىرىپ، نەگە اتىڭ شىقپاي جاتىر؟ ونى دا جاساي المايسىڭ، ءبىراق وسەك ايتقاندا، قارعاعاندا الدىڭا جان سالمايسىڭ. سەبەبى سەن قاباتوۆ ەمەسسىڭ. ءار ءسوزدىڭ جانى بار. اللا ءار جاندى ەرەكشە دارىنمەن جاراتادى. ماڭدايىنا جازادى"، - دەپ قورىتىندىلادى ايمان تالعات قىزى.