نەلىكتەن قازاق جاسوسپىرىمدەرىنە قازاق كينوسىنان گورى كورەيلىك كينولار وتىمدىرەك؟
كينو، فيلم جانە سەريالدار تەك قازاق ەمەس بارشا جاسوسپىرىمدەردىڭ ومىرلەرىنىڭ ءبىر بولىگىنە اينالىپ كەتكەنى جاسىرىن ەمەس. جاستار قاۋىمىنان: «بوس ۋاقىتىڭدا قانداي ىسپەن اينالىساسىڭ؟» دەپ سۇرايتىن بولساڭ - كينو نە سەريال قارايمىن -، دەگەن جاۋاپ قاتادى.
نەلىكتەن دەر بولساق، جاسوسپىرىمدىك شاق بارشا ادامزاتتىڭ ومىرىندەگى ەڭ ماڭىزدى كەزەڭدەردىڭ ءبىرى بولىپ تابىلادى. جامان مەن جاقسىنى، اق پەن قارانى اجىراتا الاتىن، وزىنە-وزى جاۋاپكەرشىلىك الىپ، جەكە-دارا تۇلعا رەتىندە قالىپتاسۋ بارىسىندا جاستاردىڭ تاڭداۋلارى وزگەرىپ، ىشكى جان دۇنيەسىندە نەشە ءتۇرلى سەزىمدەردى سەزىنىپ، قانداي دا ءبىر ويعا توقتالا الماي، جان-جاقتان قولداۋ كۇتەتىن ساتتەردە ءدال وسى كورەيلىك كينولار دەمەۋ بولىپ جاتادى. ءبىر سوزبەن ايتقاندا اتا-اناسىنان، دوس-جاراندارىنان سەزىنبەگەن قولداۋدى كينولاردان ىزدەي باستايدى.
وسى كەزدە نەلىكتەن سول قولاداۋدى قازاق تۋىندالارىنان الا المايدى دەگەن وي ورالادى. ويلانىپ قاراساق، قازاق كينوسى ءالى كۇنگە دامۋ ۇستىندە ءارى دامۋدى قاجەت ەتۋدە. قاراپ تۇرساق قازاق كينولارىنىڭ كوپشىلىگى "كەلىن مەن ەنە اراسىنداعى" نەمەسە "وتباسىنداعى الەۋمەتتىك ماسەلەلەرگە" ارنالاعان. ارينە، جاستار قاۋىمىنا بۇل تاقىرىپتار قىزىق ەمەس.
ال كورەيلىك كينويندۋستريادا «دوراما» دەگەن ۇعىم بار. دوراما - كورەيلىك قىسقا تەلەسەريالدار. بۇل تەلەسەريالداردا كومەديا، دەتەكتيۆ، شىن-شىتىرمان، فانتاستيكالىق جانە تاعى دا باسقا كوپتەگەن جانرلاردا الەمدىك، ومىرلىك ماسەلەلەر قوزعالىپ تۇسىرىلەدى. دورامالار تەك قازاق نەمەسە كورەيلىك جەتكىنشەكتەر ارالارىندا عانا ەمەس، دۇنيەجۇزى جاسوسپىرىمدەر اراسىندا دا سۇرانىسقا يە. سەبەبى، جاستار اراسىندا بولاتىن تۇسىنبەۋشىلىك، ماحاببات، دوستىق، ماقساتقا ۇمتىلۋ سياقتى مازا بەرمەيتىن تاقىرىپتار كوركەم تۇردە جەتكىزىلەدى.
ماسەلەن: «تابيعي سۇلۋلىق» (يستيننايا كراسوتا) اتتى دورامانى الۋعا بولادى. بۇل كورەي تەلەسەريالىندا جاسوسپرىمدىك كەزەڭدە بولاتىن تەرى اۋرۋلارعا (بەزەۋلەرگە) قاراماي ادام ءوزىن-وزى جاقسى كورۋ كەرەتىگى سۋرەتتەلەدى. وسكەلەڭ ۇرپاق اراسىندا وتە ءجيى بولاتىن ماسەلە كوتەرىلىپ، ارالىعىندا شىن-شىتىرمان وقيعالارمەن ءوربىپ، كينو سوڭىندا دۇرىس شەشىمى كورسەتىلەدى. سونداي-اق، ماسەلەسى بار ۇلدار مەن قىزدارعا وزىنە دەگەن سەنىمدىلىك سەزىمىن تۋدىرتىپ، جەبەۋ بولا الدى.
قورىتا كەلە ايتار بولسام، كينونىڭ قازىرگى زاماندا تاربيەلىك اتريبۋتتاردىڭ ءبىرى ەكەنىن بىلەمىز. سول سەبەپتى دە قازاق كينوسىنا وسىنداي ەر جەتىپ كەلە جاتقان جاستار قاۋىمىنىڭ تاڭداۋىنا ساي كەلەتىن كينولار سالاسىنا بارىنشا نازار اۋدارعان دۇرىس دەپ سانايمىن.
كەڭەسبەك ارۋجان نۇرجان قىزى
ءال-فارابي اتىنداعى قازۇۋ، جۋرناليستيكا فاكۋلتەتى، كينو جانە مەديا ماماندىعىنىڭ 1-كۋرس ستۋدەنتتى؛
جەتەكشىسى: اعا-وقىتۋشى، كۋراتور ن.ب. رۋشانوۆا
You Might Also Like
-
ءتىلدىڭ قادىر-قاسيەتىن ارتتىرىپ، وزگە ءتىلدىڭ ءبارىن ءبىلىپ، ءوز ءتىلىمىزدى قۇرمەتتەۋدى ناسيحاتتايتىن اتاۋلى مەرەكە - 22- قىركۇيەك قازاقستان حالقىنىڭ تىلدەر كۇنى بولىپ جاريالاندى.
