InfoHub Logo

                                                         

قازاق ۇلتتىق ۋنيۆەرسيتەتى ءوزىنىڭ نەگىزىن 1934 جىلى 15 قاڭتاردا قالاعاننان باستاپ قازاقستانداعى ءبىلىم بەرۋ جۇيەسىنىڭ ، ۋنيۆەرسيتەتتىك داستۇرلەردىڭ، كاسىبي بىلىكتى عىلىمي جانە پەداگوگيكالىق مەكتەپتەردىڭ باستاۋ – كوزى بولدى.كازۇۋ-دىڭ قابىرعاسىندا قانىش ساتبايەۆ، مۇحتار اۋەزوۆ، ەرمۇحان بەكماحان ۇلى، الكەي مارعۇلان، د.سوكولسكيي ءتارىزدى اسا كورنەكتى عىلىم مەن مادەنيەت قايراتكەرلەرى ءدارىس  العان بولاتىن. ءال-فارابي اتىنداعى قازۇۋ – قازاقستانداعى جەتەكشى ۇلتتىق كوپسالالى جوعارى وقۋ ورنىنىڭ ءبىرى. بۇگىنگى تاڭدا قازۇۋ قازاقستاننىڭ جانە تمد-نىڭ جوعارى وقۋ ورىندارىنىڭ اراسىندا عانا ەمەس، سونداي-اق حالىقارالىق رەيتينگتە دە جەتەكشى ورىنعا يە.

قازىرگى كەزدە ۋنيۆەرسيتەتىمىزدە 16 فاكۋلتەت بار: بيولوگيا جانە بيوتەحنولوگيا فاكۋلتەتى، جۋرناليستيكا فاكۋلتەتى، گەوگرافيا جانە تابيعاتتى پايدالانۋ فاكۋلتەتى، فيزيكا-تەحنيكالىق فاكۋلتەتى، مەحانيكا- ماتەماتيكا فاكۋلتەتى،حالىقارالىق قاتىناستار فاكۋلتەتى، شىعىستانۋ فاكۋلتەتى، زاڭ فاكۋلتەتى، فيلوسوفيا جانە ساياساتتانۋ فاكۋلتەتى، حيميا جانە حيميالىق تەحنولوگيالار فاكۋلتەتى، فيلولوگيا جانە ادەبيەتتانۋ جانە الەم تىلدەرى فاكۋلتەتى، تاريح فاكۋلتەتى جانە ەكونوميكا جانە بيزنەسس جوعارى مەكتەبى.

ءال-فارابي اتىنداعى قازاق ۇلتتىق ۋنيۆەرسيتەتىندە ءبىلىم الۋ بارلىق جاستاردىڭ ارمانى دەپ ايتساق قاتەلەسپەگەن بولارمىز. كەز كەلگەن تالاپكەردە قازۇۋ-دى تاڭداپ، سوندا ءبىلىم الىپ، ونىڭ تۇلەگى اتانۋ سياقتى ارمانى بولادى. بۇل ارمان كەيبىر جانداردا ورىندالماي قالاتىنى وكىنىشتى. ومىردە ءۇش تاڭداۋدا قاتەلەسپە دەگەن ءسوز بار قازاق حالقىمىزدا. سولاردىڭ ءبىرى، بۇل – ماماندىق. ياعني، تالاپكەردىڭ قانداي بولماسىن ۋنيۆەرسيتەتكە وقۋعا تۇسۋىنە قاراماستان، ەڭ ماڭىزدىسى ءوزى قالاعان، جان دۇنيەسىنە جاقىن ماماندىقتى تاڭداعانى دۇرىس دەپ ەسەپتەيمىز. ءال-فارابي اتىنداعى قازۇۋ-دى تاڭداۋدىڭ كوپتەگەن سەبەپتەرى بار. ءوز تاجىريبەمنەن سونداي سەبەپتەردىڭ بىرنەشەۋىن اتاپ وتكىم كەلەدى: ءبىلىم ءۇش تىلدە بەرىلەدى؛ ۋنيۆەرسيتەتكە دەيىنگى بەيىندىك مەكتەپ جانە كوللەدج ءوز جۇمىسىن اتقارادى؛ شەتەل ازاماتتارىنىڭ ءبىلىم الۋىنا مۇمكىندىكتەر جاسالعان؛ رەسپۋبليكالىق كونكۋرستار، وليمپيادالار، كونفەرەنسيا، سەمينارلار جانە دە ت.ب. بولىپ وتەدى؛ قازۇۋ قالاشىعىنىڭ تابيعاتى كەرەمەت؛ ستۋدەنتتىك ۇيىمدار («جاس وتان»، «سۇڭقار»، «كومەك» جانە ت.ب.) مەن ۇيىرمەلەر كوپ؛ ۇلكەن كىتاپحانا جانە ينتەرنەت ورتالىعى بار؛ ستۋدەنتتەرگە كومەك كورسەتۋ ورتالىعى جانە كينوتەاتر دا بار؛ الماتى قالاسىنىڭ ىشىندەگى جەكە قالاشىق. جوعارىدا كورسەتىلگەن سەبەپتەر ءتىزىمىن جالعاستىراتىن بولسام بىتپەيتىن سەكىلدى. قازۇۋ-دا ستۋدەنتتەردىڭ وقۋى مەن بوس ۋاقىتىن ۇيىمداستىرۋ ماقساتىندا كوپتەگەن ءىس-شارالار جۇزەگە اسىرىلۋدا. ستۋدەنتتەردەن تەك قانا وقۋ، وزىنشە جۇمىس جاساۋ، ۇنەمى ىزدەنۋ، قىزىعۋشىلىقتارىن ۇنەمى دامىتىپ وتىرۋ جانە ت.ب. تالاپ ەتىلەدى. قازۇۋ-دىڭ كەڭ ەسىكتەرى ءارقاشان تالاپكەرلەرگە اشىق. ۇزدىك وقۋ ورنىندا وقىعانعا نە جەتسىن دەمەكشى، قازۇۋ-دى تاڭداڭىزدار!

 

قازۇۋ مەحانيكا- ماتەماتيكا فاكۋلتەتىنىڭ "ماتەماتيكا" ماماندىعىنىڭ 1 كۋرس ستۋدەنتى 

نۇرسادىق قاراقات

فيلولوگيا فاكۋلتەتىنىڭ اعا وقىتۋشىسى ۋرازگالييەۆا س.ا جەتەكشىلىگىمەن

---