نۇرمۇحان ءجانتورين
نۇرمۇحان ءجانتورين (1928 - 1990) — اتاقتى قازاقستاندىق اكتەر، قازاق كسر-نىڭ حالىق ءارتىسى. ونىڭ اسا جارقىن كەيىپكەرلەرىنىڭ ءبىرى — ماملۇك بەيبارىس سۇلتان بەينەسى. كۇردەلى دە قاراما-قايشى ۇلى تۇلعا — بەيبارىس كورەرمەن جۇرەگىنەن شىقتى. بۇرىن قۇل بولعان، كەيىن ەڭ جوعارى دارەجەگە جەتكەن ول ءوز تۋعان جەرىنىڭ التىن بەسىگىنە ورالۋعا قۇشتار ەدى. ەشقانداي بيلىك تە، بايلىق تا، داڭق تا ونىڭ سىزداعان جۇرەگىن جازا المادى. ويتكەنى ونىڭ قۇلاعىنان سىڭعىرلاعان «كوكە» دەگەن ءسوز، مۇرنىنان ەمشاننىڭ اششى ءيىسى كەتپەدى. وسى ءرولى ءۇشىن «شوقجۇلدىز — 90» بۇكىلوداقتىق فەستيۆالىندە ن.ءجانتورين ارنايى سىيلىقپەن جانە «اكتەر شەبەرلىگىنە قوسقان زور ۇلەسى ءۇشىن» ديپلومىمەن ماراپاتتالدى.
ن.ءجانتورين 1928 جىلى 22 ساۋىردە جايىق وزەنىنىڭ جاعاسىندا دۇنيەگە كەلگەن. اكتەردىڭ اتا-بابالارى — بەرىش رۋىنان شىققان قىپشاقتار ەدىل مەن جايىق وزەندەرىنىڭ ارالىعىندا كوشىپ-قونعان ەكەن.
ش.ايتماتوۆتىڭ «اپتاپ» اتتى شىعارماسى بويىنشا تۇسىرىلگەن لاريسا شەپيتكونىڭ فيلمىندە ءجانتورين مىقتى دا تىك مىنەزدى تراكتورشى اۋباكىردىڭ ءرولىن كەرەمەت وينادى. ءوز شىعارماشىلىق جولىن م.دونسكويدىڭ «اليتەت تاۋعا بارادى» فيلمىنەن باستاعان. ءجانتورين 80-نەن اسا ءار ءتۇرلى رولدەردە ويناپ، داڭقى بيىك ورلەگەن.
وقۋعا كەڭەس بەرەمىز:
جۋساندا تۋعان جەردىڭ ءيىسى بار
You Might Also Like
-
حV عاسىردىڭ اياعىندا ەۆروپانىڭ باتىسىندا ۇلتتىق نەگىزدە ورتالىقتانعان ءبىرقاتار مەملەكەتتەردىڭ پايدا بولعانىن ءبارىمىز بىلەمىز. ولاردىڭ قاتارىن انگليا، فرانسيا، يسپانيا جانە پورتۋگاليا كىرگەن. مەملەكە...
-
كسرو-نىڭ ەڭبەگى سىڭگەن سپورت شەبەرى، كسرو-نىڭ، ەۋروپانىڭ بىرنەشە دۇركىن جەڭىمپازى، 1978، 1979 جىلدارداعى الەم جەڭىمپازى، XXI جانە XXII وليممپيادالاردىڭ جەڭىمپازى.
