InfoHub Logo

اقش-تىڭ بۇرىنعى پرەزيدەنتى دونالد ترامپ ساياسات ساحناسىنا اركەز باتىل مالىمدەمەلەرىمەن شىقتى. الايدا، سول ۋادەلەردىڭ نەعۇرلىم دابىرالى بولعانى سەكىلدى، ورىندالۋى دا سونشالىقتى كۇماندى بولىپ قالۋدا.

1. ۋكرايناداعى سوعىس – «24 ساعاتتا توقتايدى» دەگەن ەدى...

ترامپ بيلىككە كەلسە، ۋكراينا مەن رەسەي اراسىنداعى سوعىستى ءبىر كۇندە توقتاتاتىنىن ۋادە ەتكەن. ءبىراق شىندىق مۇلدەم باسقا. سوعىس ءالى جالعاسىپ جاتىر، ال اقش ديپلوماتياسى كەلىسسوز ۇستەلىنەن الىستاپ بارا جاتقانداي.

2. تاياۋ شىعىس – بەيبىتشىلىك ورنى ەمەس، جانارتاۋ ايماعى

ترامپ تاياۋ شىعىستا «بەيبىتشىلىك ءداۋىرىن» ورناتۋعا ۋادە ەتكەن. ءبىراق، گازا سەكتورىنداعى قاقتىعىس، حاماس پەن يزرايل اراسىنداعى كۇرەس ودان ءارى ۋشىعىپ تۇر. اقش-تىڭ ارالاسۋى مەن قىسىم كورسەتۋى ناقتى شەشىمگە جەتكىزگەن جوق. تۇتقىندار دا بوساتىلماعان كۇيى.

3. ساۋدا ساياساتىنداعى «جەڭىس» – قاعاز بەتىندە عانا

ترامپ جاڭا ساۋدا كەلىسىمشارتتارىن جاساسامىز دەپ مالىمدەگەن. ءبىراق، قىتايمەن ساۋدا سوعىسى جالعاسۋدا. جاڭا كەلىسىمدەر تۋرالى ايتقانىمەن، ناتيجەلەر كوڭىل كونشىتپەيدى. كوپتەگەن ۇسىنىستار ايتىلعانىمەن، ناقتى كەلىسىمدەر جوقتىڭ قاسى.

4. يرانمەن كەلىسىم – ۋادە كۇيىندە قالدى

يادرولىق قاۋىپسىزدىك جونىندەگى يرانمەن جاسالاتىن كەلىسىم تۋرالى ۋادە دە ورىندالعان جوق. بۇل سالادا ەشقانداي ايتارلىقتاي ىلگەرىلەۋ بولمادى. كەرىسىنشە، شيەلەنىس كۇشەيىپ كەلەدى.

ساياسات – ناتيجە ارقىلى ولشەنەدى

ۋادە بەرۋ – وڭاي، ال ورىنداۋ – ۇلكەن جاۋاپكەرشىلىك. ترامپتىڭ ءسوزى كوپ، ال ناقتى ىستەر ءتىزىمى قىسقا بولىپ تۇر. الەمدىك ساياساتتا بوس ريتوريكادان گورى ناقتى قادام كۇتىلەدى.