InfoHub Logo

ساباقتىڭ تاقىرىبى: ءو. اقىپبەك ۇلى. مەن تاڭدايتىن ماماندىق...
ساباقتىڭ ماقساتى: 1. وقۋشىلاردى ماماندىق تۇرلەرىمەن تانىستىرۋ، ماماندىق يەلەرىنىڭ قىزمەتى جانە ولاردىڭ ەڭبەگىمەن تانىستىرا وتىرىپ، ولاردىڭ ماڭىزدىلىعى تۋرالى ءبىلىم بەرۋ. كاسىپتى تاڭداپ، يگەرۋ ءۇشىن وقىپ، ءبىلىم الۋ قاجەتتىلىگىن ءتۇسىندىرۋ.
2. دامىتۋشىلىق ماقساتى: اڭگىمە قۇراستىرۋدا ءوز ويىن، ءوز ارماندارىن ناقتى جانە تۇسىنىكتى ەتىپ جەتكىزە ءبىلۋ قابىلەتتەرىن قالىپتاستىرۋ. شىعارماشىلىق بەلسەندىلىكتەرىن دامىتۋ.
3. تاربيەلىك ماقساتى: ءار ءتۇرلى ماماندىق تۇرلەرىنە قىزىعۋشىلىعىن تۋدىرۋ جانە ەڭبەك ادامدارىنا قۇرمەت سەزىممەن قاراۋعا تاربيەلەۋ.
ساباقتىڭ كورنەكىلىگى: سۋرەتتەر، سكت، تس، رەبۋس،
ءادىس - تاسىلدەرى: اڭگىمەلەۋ، ءتۇسىندىرۋ، جانداندىرۋ، سۇراق - جاۋاپ.
ساباقتىڭ ءتۇرى: جاڭا ساباق.
ساباقتىڭ ءادىسى: توپتىق جۇمىس
تەحنيكالىق قۇرال: ينتەربەلسەندى تاقتا.
ءپانارالىق بايلانىس: بەينەلەۋ ونەرى، مۋزىكا

ساباقتىڭ بارىسى:
I. ۇيىمداستىرۋ كەزەڭى: 1. بۇگىن ءبىز ءۇشىن ەرەكشە ساباق. مەن سەندەرگە ساباقتا ساتتىلىك تىلەيمىن.
2. پسيحولوگيالىق ءسات. 1 - فليپچارد
باقىت مەندە،
باقىت سەندە،
بەيبىتشىلىك، بەيبىتشىلىك.
بەيبىتشىلىك مەندە
بەيبىتشىلىك سەندە
بەيبىتشىلىك بارلىق جەردە.

II. وتكەندى پىسىقتاۋ: 1. ءۇي تاپسىرماسىنا نە بەرىلدى؟
2 - فليپچارد.
1 - توپ. تولەگەن ايبەرگەنوۆ كىم؟
2 - توپ. ونىڭ قانداي شىعارمالارىن بىلەسىڭدەر؟
3 - توپ. ولەڭدى تىزبەكتەپ جاتقا ايتۋ.
2. تاپسىرمالار بەرۋ:
3 - فليپچارد.
1 - توپ. «ەڭبەك»تۋرالى ماقال - ماتەلدەر ايتىڭدار.
2 - توپ. رەبۋس شەشىڭدەر.
3 - توپ. «ادال تەر» دەگەندى قالاي تۇسىنەسىڭدەر.
4 - فليپچارد. ءار توپقا ماماندىق بويىنشا ات قويۋ.
1 - توپ - ءمۇعالىم. 2 - توپ - دارىگەر. 3 - توپ - ءبيشى.

III. جاڭا ساباققا كوشۋ كەزەڭى:
5 - فليپچارد.
1 - توپ. ماماندىق يەسى بولۋ ءۇشىن نە ىستەۋ كەرەك؟
2 - توپ. ەڭبەك دەگەن نە؟
3 - توپ. ماماندىق دەگەن نە؟

IY. جاڭا ساباق: 1. بالالار ءبىز بۇگىن اقىن وتەپبەرگەن اقىپبەك ۇلىنىڭ «مەن تاڭدايتىن ماماندىق» اتتى ولەڭىمەن تانىسامىز.
اقىن تۋرالى تۇسىنىك بەرۋ. 6 - فليپچارد. (داپتەرگە كۇن رەتىن، تاقىرىپتى جازدىرتۋ.)
2. بۇل ولەڭ ماماندىق تۋرالى، مۇمكىن سەندەردىڭ دە تاڭداپ جۇرگەن ماماندىقتارىڭ وسى ولەڭ جولدارىنان كەزدەسىپ قالار، وقىپ كورەيىك.
3. ولەڭدى مانەرلەپ وقۋ.
4. ىشتەي وقۋ. 5. ءار شۋماقتى وقۋشىلارعا وقىتۋ.(ءار فليپچاردتا ولەڭ شۋماقتارى مەن ماماندىق ءتۇرىنىڭ سۋرەتى بار)
مەن تاڭدايتىن ماماندىق... 7 - فليپچارد.
اي - ھوي، عاجاپ قانداي بۇل!
ال، قانە، كاسىپ تاڭداي ءبىل:
الامىن قانداي ماماندىق،
الدىمدا تولعان تاڭداۋ تۇر.
الەمگە ءان بوپ جالعانار،
ايگىلى نەبىر تارلاندار.
اۋەلەي ۇشقان اققۋدىڭ
اسەرلى ءۇنىن سالعان ءدال
امىرە مەنەن كۇلاشتاي،
ءانشى بولسام نە ارمان بار؟

كاسىپكەر بولسام ەگەر دە، 8 - فليپچارد
بار الەمدى كەزەم دە:
بار پايدانى ويلاماي،
بارىمدى بەرەم مەن ەلگە.

ۆەلوسيپەد ءمىنىپ، ودان دا 9 - فليپچارد
ۆەلو - سپورتشى بولام با؟
ۆەلو جارىس جولىندا
ۆەليكپەن جەلدەن وزام دا.

گەولوگ بولىپ تەگى مەن، 10 - فليپچارد
گۇل جايناعان وڭىردەن:
گۋىلدەپ كۇن - ءتۇن تىنبايتىن،
گازدىڭ اشام كەنىن مەن.
عالىمنىڭ جولى عاجايىپ!
عيبرات ساباق الايىق،
عۇمىر بويى ىزدەنىپ،
عانيبەت اشۋ - جاڭالىق.

عىلىمعا قۇمار قالپىممەن، 11 - فليپچارد
عارىشكەر بولام، بالكىم، مەن:
عۇمىرلى قازاق ەلىنىڭ،
عارىشقا جايار ساتىن كەڭ...

ەس كورەتىن ءوز ەلى، 12 - فليپچارد
ەر مىنەزدى، بەدەلدى:
ەل مەن ەلدى دوس ەتەر،
ەلشى بولعىم كەلەدى...
ءار شۋماققا توقتالىپ، سلايد بويىنشا تۇسىنىك بەرۋ
5. ولەڭگە ساتىلاي كەشەندى تالداۋ جاساتۋ. 13 - فليپچارد
اۆتورى:
تاقىرىبى:
جانر ءتۇرى:
يدەياسى:
شۋماق:
تارماق:
بۋىن سانى:
ۇيقاس ءتۇرى:
تۇسىندىرمە سوزدىك:
6. سەرگىتۋ ءساتى. 14 - فليپچارد
Y. بەكىتۋ. 15 - فليپچارد
1 - توپ. ولەڭدە قانداي ماماندىقتاردىڭ اتى اتالدى؟
2توپ. وسى ماماندىقتارعا تاعى قانداي ماماندىق ءتۇرىن قوساسىڭدار؟
3 - توپ. ولەڭدە ءوز تاڭداعان ماماندىعىڭ بار ما ەكەن؟ سول ماماندىق جايلى بىلەتىن تاقپاقتار ايتىپ كورەيىك.

5. وي قوزعاۋ. 16 - فليپچارد
1 - توپ. ءبىرىنشى بولىپ كومەككە كەلەتىن ماماندىق ءتۇرىن جۇمباقتاپ ءبىر - بىرىنەن سۇرايدى.
2 - توپ. ماماندىق ءتۇرىن ولاردىڭ قۇرالدارى ارقىلى تابايىق.

تاراعى بار قولىندا،
كىمدى ايتتىم ويىمدا؟ (شاشتاراز)

- قالاعى بار قولىندا،
كىمدى ايتتىم ويىمدا؟ (قۇرىلىسشى)

- وجاۋى بار قولىندا،
كىمدى ايتتىم ويىمدا؟ (اسپاز)

- كۇرەگى بار قولىندا،
كىمدى ايتتىم ويىمدا؟ (ديقان)
3 - توپ. ماماندىقتار تۋرالى جۇمباقتار ايتۋ.

YII. ساباقتى قورىتىندىلاۋ: 1. توپتاستىرۋ ستراتەگياسىن قۇرۋ. 17 - فليپچارد وقۋشىلار ءوز تاڭداعان ماماندىقتارىن جازادى.
YII. ۇيگە تاپسىرما بەرۋ: 1. ولەڭدى مانەرلەپ وقۋ. 18 - فليپچارد
2. تاڭداعان ماماندىق تۋرالى شىعارما جازۋ.
YIII. باعالاۋ. 19 - فليپچارد