InfoHub Logo

اشىق ساباق تاقىرىبى: و دىبىسى مەن ءارپى
ساباقتىڭ ماقساتى:
- و دىبىسى مەن ارپىمەن تانىستىرۋ، و ءارپىنىڭ باسپا ءتۇرىن جازۋدى ۇيرەتۋ؛
- بالالارعا ءبىلىم بەرىپ، ولاردىڭ وي - ءورىسىن، ەستۋ، ەستە ساقتاۋ قابىلەتىن، بەلسەندى قىزىعۋشىلىعىن دامىتۋ؛
- يماندىلىققا تاربيەلەۋ. بالانىڭ رۋحاني وسۋىنە باسشىلىق جاساۋ.
مىندەتى:
- بالالاردىڭ ساباققا دەگەن قىزىعۋشىلىعىن تۋعىزۋ؛
- وتكەن داۋىستى، داۋىسسىز دىبىستاردى ەسكە ءتۇسىرىپ، قايتالاۋ؛
- جاڭا تاقىرىپپەن تانىستىرۋ؛
- بالالاردىڭ ءتىلىن دامىتىپ، سوزدىك قورىن مولايتۋ؛
- سوزدەرگە دىبىستىق تالداۋ جاساي بىلۋگە ۇيرەتۋ؛
- سىزبا بويىنشا سويلەم قۇرا بىلۋگە داعدىلاندىرۋ؛
- جازباشا تاپسىرمالاردى ورىنداۋ ارقىلى قول ۇساق ماتوريكاسىن دامىتۋ؛
ساباقتا قولدانىلاتىن ءادىس - تاسىلدەر: سۇراق - جاۋاپ، ءتۇسىندىرۋ، كورنەكىلىك، ويىن، پراكتيكالىق، سوزدىك.
كورنەكىلىكتەر: حات، و ءارپىنىڭ تاڭباسى، ويىنشىقتار، «ورامال»، «تورعاي» بەينەلەنگەن سۋرەتتەر.
قولدانىلاتىن قۇرا - جابدىقتار: تەكشەلەر، دوپ، سويلەم سىزباسى، تاقتا، ماگنيت، «بالاپاننىڭ جازۋ داپتەرى».

ساباقتىڭ بارىسى
شاتتىق شەڭبەر.
- امانسىڭدار ما، بالالار! مەن سەندەرمەن كەزدەسكەنىمە قۋانىشتىمىن جانە بۇگىن بىزگە توپقا قوناقتار كەلىپ وتىر. ال، قانە، ءبارىمىز دوڭگەلەنە شاتتىق شەڭبەرگە تۇرايىق، ءبىر - بىرىمىزبەن امانداسايىق:
كۇندەي جادىراپ،
ايداي ارايلاپ،
جۇلدىزداي جارقىراپ،
سۋداي ءمولدىر تازا كوڭىلمەن،
بۇگىنگى كۇندى باستايىق.
- جاقسى بالالار ەندى دوڭگەلەنىپ وتىرايىق. بالالار قاراڭدارشى بىزگە «الىپپە» ەلىنەن حات كەلىپتى. ءوزى قانداي ۇلكەن جانە اۋىر ەكەن. نە دەپ جازىپ جىبەرگەندەرىن كورەيىك پە؟ جاقسى ءقازىر اقىرىن اشايىن:
«سالەمەتسىڭدەر مە، دايارلىق «ا» توبىنىڭ بالالارى! ءبىز «الىپپە» ەلىنىڭ پاتشاسى داۋىسسىز دىبىس جانە حانشايىمى داۋىستى دىبىس سەندەرگە قۋانىشتى حابار جەتكىزبەكپىز. بۇگىن سەندەرگە ساباقتىڭ سوڭىندا سىيلىق جىبەرەمىز. ءبىراق بۇل سىيلىققا سەندەر لايىقتىسىڭدار ما؟ ونى مىنا تاپسىرمانى ورىنداساڭدار عانا كوز جەتكىزەمىز»،- دەپ جازىپ جىبەرىپتى.
- قاراڭدارشى پاتشا مەن حانشايىم جازىپ جىبەرىپتى. سىيلىقتى الايىق. ول ءۇشىن تاپسىرمانى ورىندايمىز با؟
- قانداي بولسىن تاپسىرمانى، ورىنداماي قويمايمىز.

قايتالاۋ.
- جاقسى، وندا 1 - تاپسىرما. «بالالار سەندەر قانداي ارىپتەر تۋرالى تاپپاقتار بىلەسىڭدەر؟»
- بالالار بۇل ەندى وڭاي تاپسىرما. قانە وتكەن ساباقتارداعى ارىپتەردى قايتالاپ ەسىمىزگە تۇسىرەيىك:

1. اياۋلى ارۋ – الماتى،
الاتاۋ اسقاق اياسى.
القابىندا اتاقتى،
القىزىل اپورت الماسى. (ا ءارىپى).
2. پاي - پاي، ءپىلدىڭ كۇشتىسى - اي،
ءپىل پايدالى ۇيرەتكەن،
پارا - پار ول كرانعا،
بورەنەنى سۇيرەتكەن. (پ ءارىپى)
3. سوڭىندا ول ايدىڭ دا،
سوڭىن دا ول تايدىڭ دا.
تۇرادى ول ورتادا،
«ايبىن» مەنەن «ايدىندا». (ي ءارىپى)
4. ايىرعا ازداپ ۇقسايتىن،
سابى جوق، ءبىراق ۇستايتىن،
تاراقتى ەسكە سالاتىن،
قايسى ءارىپ، كىم بار تاباتىن؟ (ش ءارىپى)
5. ءتۇسى سارى سۇيكىمدى،
ءدامى قىشقىل ءبىر ءتۇرلى.
اششى دەي دە المايسىڭ،
شەكەرسىز جەي المايسىڭ. (ليمون. ل ءارىپى)