InfoHub Logo

وتباسى
وتباسى دەگەن اتا - انا،
كىرەدى وعان بالا دا.
تاتۋلىقتى ساقتايتىن
بولادى وندا اتا دا.
بەرەتىن جاقسى تاربيە،
ۇلگى بولار ءار كەزدە.
ەرتەگى ايتىپ بارىنە
وتىرادى اجە دە.

ۇستاز
كەلىپ ەدىك مەكتەپكە،
قارسى الدى ءبارىن ءمۇعالىم.
جىلى جۇزبەن كۇلگەندە
ەلجىرەيدى جۇرەگىم.
شىن جۇرەكپەن بارىنە
ۇستاتقىزدى الىپپە.
اشقىزعاندا ۇيرەندىك
ءتۇرلى - ءتۇرلى ءارىپتى.
باۋليدى ءبىزدى ءمۇعالىم
نەشە ءتۇرلى ونەرگە.
اسۋ ءۇشىن كادەگە
بەردى ءبىلىم بارىنە.

سۇيەمىن تۋعان جەرىمدى!
سۇيەمىن تۋعان ەلىمدى،
سۇيەمىن تۋعان جەرىمدى.
بارىنەن دە سۇيەمىن،
قازاق دەگەن ءتىلىمدى!
سۇيەمىن ءمولدىر كولىمدى،
سۇيەمىن التىن كۇنىمدى،
بۇل دۇنيەدە سۇيەمىن
مۇسىلماندىق ءدىڭىمدى.
سۇيەمىن ماڭگى ءومىردى
قازاقپىن دەپ ماقتانام،
تۋىپ وسكەن ەلىمدە!

گۇلدەر
جايقالىپ تۇر كوپ گۇلدەر،
قىزىل گۇلدەر، كوك گۇلدەر.
كۇن بارىنە شۋاق بەرەر
ءبىر - بىرىنەن كەم تۇسپەر،
عاجاپ گۇلدەر، شوق گۇلدەر.
قىرداعى كوركەم اق گۇلدەر.
مەيىرلەنسە، جىلى كۇن،
باستارىن ءبارى كوتەرەر.

نان
نان قيقىمىن باسپايىق،
جاقسىلىقتان قاشپايىق.
نان ۇنتاعىن كورسەڭىز،
تورعايلارعا تاستايىق!
ەڭبەك ءنارىن اقتايىق.
ديقانعا راقمەت ايتايىق!
نان ءقادىرىن ءتۇسىنىپ،
ەستە ماڭگى ساقتايىق!

جەڭىس كۇنى
جەڭىس كۇنى اكەلدى عاجاپ شاتتىق،
سول كۇنى بارىمىزدە قۋانىپ جاتتىق.
جەڭگەنىمىز ارينە باتىرلاردىڭ
سونشاما ەڭبەگىنەن تۋعان باقىت.
ريزامىن سوندىقتان دا وسى كۇنگە،
تىنىشتىقتا ءوتىپ جاتقان مىنا ومىرگە.
ءبارىمىز اتا - بابا ۇرپاعىمىز
اماناتىن بابانىڭ قورعاۋدامىز.

انا ءتىلىم
انا ءتىلىم – ابىرويىم، جۇرەگىم،
انا ءتىلىم – ماڭگى باقي تىرەگىم.
انا ءتىلىم – ءدىڭىم مەنىڭ سەرىگىم
انا ءتىلىم – ارداقتايتىن ءوز ەلىم!
انا ءتىلىم – مەنىڭ اسىل نيەتىم،
انا ءتىلىم – ومىردەگى كوكتەمىم.
بۇل دۇنيەدە انا ءتىلدى بىلگەندەر،
ناعىز قازاق دەپ ايتۋعا ءدوپ كەلەر.