ولجاس ومار ۇلى سۇلەيمەنوۆ
ولجاس ومار ۇلى سۇلەيمەنوۆ — اقىن، قوعام قايراتكەرى. ول 1936 جىلى 18 مامىردا الماتى قالاسىندا دۇنيەگە كەلدى. 1992 جىلدان بەرى قازاقستاننىڭ حالىق جازۋشىسى اتاندى. حالىقارالىق «نيەۆادا-سەمەي» قوزعالىسىنىڭ ءتوراعاسى بولدى. تۇڭعىش ولەڭدەر جيناعى «ارعىماقتار» دەگەن اتپەن 1961 جىلى جارىق كوردى. سول جىلى عارىشكەر يۋريي گاگاريننىڭ عارىشقا ۇشۋ ساتىنە ارنالعان «ادامعا تابىن، جەر، ەندى» پوەماسى ارقىلى كوپشىلىككە تانىمال بولدى. سونداي-اق «قىش كىتاپ»، «كاكتۋس»، «ولمەيتىن كۇمىرسقا» پوەمالارىمەن قاتار، «شاپاعاتتى شاق»، «تالما تۇستە تاعى ءبىر قايتالاپ»، «ءار كۇن — ارايلى تاڭ»، «كەمەر» اتتى كىتاپتارى مەن بىرنەشە ءتىل سوزدەرىنىڭ ەتيمولوگيالىك تالداۋلارىنا ارنالعان «از ي يا» كىتابى، «يازىك پيسما» اتتى فيلولوگيالىق زەرتتەۋ ەڭبەگى جارىق كورگەن.
و.سۇلەيمەنوۆ قازاق كينو ونەرىن دامىتۋعا دا ۇلكەن ۇلەس قوستى. ونىڭ سەنارييى بويىنشا «بابالار جەرى»، «كوگىلدىر مارشرۋت»، «قىس — قىسىلشاڭ مەزگىل»، «مۇحتار اۋەزوۆ تۋرالى ءسوز»، «سوڭعى وتكەل»، «ءۇندىستان سازى»، «جاستىق شاق زاستاۆاسى» كينوفيلمدەرى ءتۇسىرىلدى. اقىننىڭ شىعارمالارى شەت ەل تىلدەرىنە اۋدارىلدى.
وقۋعا كەڭەس بەرەمىز:
ولجاس سۇلەيمەنوۆتىڭ ولەڭدەرى
ولجاس سۇلەيمەنوۆتىڭ ناقىل سوزدەرى
You Might Also Like
-
نازاربايەۆ زياتكەرلىك مەكتەپتەرىندە «تۋعان ەلگە تاعزىم» ولكەتانۋ عىلىمي-زەرتتەۋ ەكسپەديسياسىنىڭ ۇزدىك زەرتتەۋ جوبالارى انىقتالدى.
-
وڭعارسىنوۆا فاريزا 1939 جىلى اتىراۋ وڭىرىندەگى ماناش اۋىلىندا دۇنيەگە كەلگەن. 1967 جىلى "بۇلبۇل" دەگەن اتپەن تۇڭعىش جىر كىتابى جارىق كورەدى.
