InfoHub Logo

نازاربايەۆ زياتكەرلىك مەكتەپتەرىندە «تۋعان ەلگە تاعزىم» ولكەتانۋ عىلىمي-زەرتتەۋ ەكسپەديسياسىنىڭ ۇزدىك زەرتتەۋ جوبالارى انىقتالدى.

تۋعان ولكەنى تانىپ بىلۋگە، وقۋشىلاردىڭ بويىندا تۋعان ەلدىڭ ەرەكشەلىگى مەن ىشكى مادەنيەتتىڭ قىر-سىرىن ۇعىنۋعا، پاتريوتتىق سەزىمدى ارتتىرۋعا باعىتتالعان جوبانىڭ ونلاين رەجيمىندە ءوتۋى قاتىسۋشىلار ءۇشىن كەدەرگى بولمادى. 

جوبالاردى ءادىل باعالاۋ ءۇشىن قازىلار القاسى قۇرامىنا ەلباسى كىتاپحاناسى، «رۋحاني جاڭعىرۋ» قازاقستاندىق قوعامدىق دامۋ ينستيتۋتى، «اتامەكەن» ۇلتتىق كاسىپكەرلەر پالاتاسى، Astana Hub حالىقارالىق IT-ستارتاپتار تەحنوپاركى، رەسپۋبليكالىق ۇلتتىق مۋزەي، «ۇلى دالا سكاۋتتارى» قوعامدىق بىرلەستىگى، «BilimInvest» ۇلتتىق ءبىلىم بەرۋ ينۆەستورلارى قاۋىمداستىعى، «Kazakh Tourism» ۇلتتىق كومپانياسى جانە بىرنەشە عىلىمي ينستيتۋتتاردىڭ وكىلدەرى، سونداي-اق يۋنەسكو ساراپشىلارى كىردى.

27-30 قىركۇيەك ارالىعىندا بەدەلدى ءادىل-قازىلار 300-گە تارتا شىعارماشىلىق جۇمىستاردى باقىلاپ، ءادىل باعاسىن بەردى.

نۇر-سۇلتان قالاسىنداعى نازاربايەۆ زياتكەرلىك مەكتەبىنىڭ اتىنان بايقاۋعا 12  جوبا بويىنشا 19 وقۋشى وزدەرىنىڭ جوبالارىن قورعادى.

نازاربايەۆ زياتكەرلىك مەكتەبىنىڭ 11-سىنىپ وقۋشىسى تلەۋمۋراتين جالعاس «ماڭعىستاۋ وبلىسىنداعى وندىرىستىك جوبالار مەن تۋريستىك كەشەندەردىڭ دامۋى» تاقىرىبىنداعى ءوز جۇمىسىن كوپشىلىككە ۇسىندى.  

جاس زەرتتەۋشىنىڭ ايتۋىنشا  قازىرگى تاڭدا دۇنيەجۇزىلىك سيپات الىپ وتىرعان تۋريزم  سالاسى تەك تابيعاتپەن عانا شەكتەلمەي، تاريح پەن ارحەولوگيالىق قازبالاردىڭ، مادەنيەت پەن وركەنيەتتىڭ، ساۋلەت پەن ەسكەرتكىشتەردىڭ تارتىمدىلىعىمەن، ءسالت-داستۇردىڭ دارالىعىمەن دە ەرەكشە. ال، بۇل تۇستا ءبىزدىڭ ەلىمىزدىڭ تاريحى مەن تابيعاتىنا ءسوز تابىلماسى حاق.

˗ مەنىڭ جۇمىسىمنىڭ باستى ماقساتى: ماڭعىستاۋ وبلىسىنداعى وندىرىستىك جوبالاردىڭ جۇزەگە اسىرىلۋى مەن وڭىردەگى تۋريزم سالاسىنىڭ قارقىندى دامۋىن زەرتتەۋ. سونىمەن قاتار، قازىرگى تاڭداعى ماڭىزدى ەكونوميكالىق كورسەتكىشتەردىڭ ءبىرى – «سىرتقى ينۆەستيسيالار» بولعاندىقتان، مەن وسى ايماقتا سالىنىپ جاتقان جاڭا Rixos Water World Aktau ءقوناق-ۇي كەشەنى باستاعان تۋريستىك پروەكتتەر مەن يدەيالاردىڭ قر-نا اكەلەر ەكونوميكالىق، مادەني جانە الەۋمەتتىك پايداسىن كورسەتۋ. ءوز باسىم ەلىمىزدەگى ءوندىرىس پەن ىشكى جانە سىرتقى تۋريزم سالالارىنىڭ دامۋىن قولداعاندىقتان، مەن ءدال وسى تاقىرىپتا زەرتتەۋ جۇمىسىن جۇرگىزۋدى ءجون كوردىم!”،- دەيدى جاس ولكەتانۋشى. 

زەرتتەۋ جۇمىسى ءادىل قازىلار القاسى تاراپىنان جوعارى باعالاندى.

تۋريزم جالپى العاندا، مەملەكەتتiڭ ەكونوميكاسىنا وڭ ناتيجە بەرەدi جانە  شەتەل ۆاليۋتاسىنىڭ قۇيىلۋىن قامتاماسىز ەتەدى. سونىمەن قاتار،  تولەم تەڭگەرiمi مەن جيىنتىق ەكسپورت سياقتى ەكونوميكالىق كورسەتكىشتەرگە وڭ ىقپال جاساپ،  حالىقتىڭ جۇمىسپەن قامتىلۋىن كوبەيتۋگە كومەكتەسەدi. وسى تۇستا ەلوردالىق وقۋشىنىڭ جوباسى وتە وزەكتى.  

نۇر-سۇلتان ق. نازاربايەۆ زياتكەرلىك مەكتەبىنىڭ باسپا ءسوز حاتشىسى اسەم باتىربەك

---