Photo: Ayazhan (https://www.pexels.com/@ayazhan-3173683) / Pexels
"وقۋ جىلىن اياقتاي المادىم": بەلگىلى مەكتەپ ديرەكتورى اۋرۋحاناعا ءتۇستى
الەۋمەتتىك جەلىدە بەلسەندىلىك تانىتىپ، كوپشىلىكتىڭ ىقىلاسىنا بولەنگەن مەكتەپ ديرەكتورى اقمونشاق نۇرتازا دەنساۋلىعىنا بايلانىستى اۋرۋحاناعا ءتۇسىپ قالدى. ول بۇل تۋرالى ءوزىنىڭ Instagram پاراقشاسىندا جازبا قالدىرىپ، وقۋ جىلىنىڭ اياقتالۋىنا از قالعاندا اۋىرىپ قالعانىن جەتكىزدى.
بۇل تۋرالى Infohub.kz اقپارات اگەنتتىگى حابارلايدى.
دەنساۋلىققا كوڭىل بولمەگەن
اقمونشاق نۇرتازانىڭ ايتۋىنشا، سوڭعى ءۇش جىلدا ديرەكتورلىق قىزمەتكە كىرىسكەننەن بەرى ءوزىنىڭ دەنساۋلىعىنا جەتكىلىكتى كوڭىل بولمەگەن. ۋاقىتتى سىلتاۋ ەتىپ، دارىگەرگە قارالماي جۇرگەنى سالدارىنان جاعدايى قيىنداپ كەتكەن.
«وقۋ جىلىنىڭ سوڭىنا جەتە الماي، اۋىرىپ قالىپپىن. ءبىراق شۇكىر، كەرەمەت دارىگەرلەردىڭ قولىنا ءتۇستىم. سىزدەردىڭ اق تىلەكتەرىڭىز بەن دۇعالارىڭىزدىڭ ارقاسىندا تەزىرەك ساۋىعىپ كەتەمىن دەپ سەنەمىن»، – دەپ جازدى ول.
ۇستازدارعا كەڭەس
ۇستاز وقىرماندارىن ءوز دەنساۋلىعىنا بەي-جاي قاراماۋعا شاقىردى. ونىڭ پىكىرىنشە، ادام ەڭ الدىمەن وزىنە، سودان كەيىن وتباسى مەن جاقىندارىنا قاجەت. اقمونشاق نۇرتازا دارىگەرلەرگە العىس ايتىپ، ناركوزبەن جاسالعان زەرتتەۋدەن كەيىن جاعدايى جاقسارعانىن حابارلادى.
«دەنساۋلىق – بارىنەن قىمبات. اۋىرماڭىزدار. دارىگەرلەرگە ەرەكشە رەسپەكت. ءبىز، ۇستازدار، كەيدە جۇمىسىمىزدى قيىن سانايمىز، ءبىراق دارىگەرلەردىڭ ەڭبەگىنە باس يەمىن. امان بولىڭىزدار، اق حالاتتى ابزال جاندار»، – دەپ جازدى ول.
-
ماڭعىستاۋ وبلىسى ءماسليحاتىنىڭ دەپۋتاتى ەربول ايتۋوۆ اقتاۋداعى جەكە كلينيكادا جاسالعان ليپوساكسيا وپەراسياسىنان كەيىن قايتىس بولدى. وتباسى دارىگەرلەردىڭ سالعىرتتىعىن ايىپتاپ وتىر.
-
A well-known educator and school director، Akmonshak Nurtaza، has been admitted to the hospital، highlighting the importance of prioritizing personal health.
