وقۋلىقتارعا قاتىستى فەيك سۋرەتتەر جاريالاعاندارعا قىلمىستىق ءىس قوزعالدى
الەۋمەتتىك جەلىدە وقۋلىقتارعا قاتىستى فەيك سۋرەتتەر جاريالاعاندارعا قىلمىستىق ءىس قوزعالدى. بۇل تۋرالى بۇگىن ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
«ءبىز ىشكى ىستەر مينيسترلىگىنە ارىز بەردىك، ولار ءوز جۇمىستارىن باستادى. مەنىڭ تۇسىنۋىمشە، قىلمىستىق ءىس قوزعالدى. ولار ازىرشە بىزگە ەش اقپارات بەرگەن جوق. ولاردا جۇمىس قاي دەڭگەيدە ءوتىپ جاتقانىن بىلمەيمىز. ءبىزدىڭ زاڭگەرلىك جۇمىستارمەن اينالىساتىن دەپارتامەنتىمىز قازاقستاندىق وقۋلىقتارداعى دەپ سۋرەتتەردى جاريالاۋ فاكتىسى بويىنشا قىلمىستىق ءىس قوزعاۋ تۋرالى ارىز بەردى. نەگىزىندە ول سۋرەتتەر قازاقستاندىق وقۋلىقتاردا جوق. ءبىز مۇنداي ارىز بەرۋگە مىندەتتى بولدىق. ەگەر دە حالىقتى ماقساتتى تۇردە الداۋ ءجۇرىپ جاتسا، وندا ونىمەن ىشكى ىستەر مينيسترلىگى اينالىسۋى ءتيىس»، - دەدى ەرلان ساعادييەۆ.
سونىمەن قاتار مينيستر «وقۋلىق» رەسپۋبليكالىق عىلىمي-تاجىريبەلىك ورتالىق وكىلدەرى قازاقستاننىڭ بارلىق ءوڭىرىن ارالاپ، اتالعان وقۋلىقتاردىڭ مازمۇنىنا قاتىستى نارازىلىق تانىتقان اتا-انالارمەن جانە ۇستازدارمەن كەزدەسۋلەر وتكىزەدى. كەزدەسۋ ناتيجەسىندە ۇسىنىستار مەن ەسكەرتۋلەر جينالىپ، ءبىلىم جانە عىلىم مينيسترلىگى پارلامەنتتە زاڭنامالىق دەڭگەيدە وتىرىس وتكىزەدى.
«زاڭنامالىق دەڭگەيدە ۇلكەن كەزدەسۋ وتكىزىپ، بارلىق ماسەلەلەردى تالقىلايمىز. سول جەردە باسپاعا دايىندالىپ جاتقان وقۋلىقتار دا كورسەتىلەدى. سودان كەيىن بارىپ ورتاق شەشىمگە كەلەمىز»، - دەدى ول.
You Might Also Like
-
قىزىلودا وبلىسى، جاڭاقورعان اۋدانى №163 ورتا مەكتەپ 5 "گ" سىنىپ وقۋشىسى سەيلبەك ايارۋ جەتەكشىسى: ورمانوۆا اليا
-
«الاش» پارتياسىنىڭ باسشىلارى، 1917، سولدان وڭعا قاراي: احمەت بايتۇرسىن ۇلى، ءاليحان نۇرمۇحامەد ۇلى بوكەيحان، ءمىرجاقىپ دۋلات ۇلى
