وقۋشى قىزداردىڭ مەكتەپكە شالبار كيۋىنە تىيىم سالىنعان با — بعم جاۋاپ بەردى
ق ر ءبىلىم جانە عىلىم مينيسترلىگىنىڭ باسپا ءسوز قىزمەتى وقۋشى قىزداردىڭ مەكتەپكە شالبارمەن كەلۋىنە شەكتەۋ قويىلعانى تۋرالى مالىمەتتەردى جوققا شىعاردى.
«جاڭا وقۋ جىلىندا وقۋشىلارعا ءبىلىم بەرۋ ۇيىمدارىنا تەك مەكتەپ فورماسىندا عانا ەمەس، سونىمەن قاتار كلاسسيكالىق ستيلدەگى كيىمدە بارۋىنا دا رۇقسات بەرۋ تۋرالى شەشىم قابىلداندى. كلاسسيكالىق ستيل ماتانى، كيىمنىڭ ءتۇسى مەن تىگىسىن تاڭداۋدا قاتاڭدىقپەن، ۇستامدىلىقپەن جانە كونسەرۆاتيزممەن سيپاتتالادى. قازىرگى تاڭدا مەكتەپتەردە «ءۇستى — اشىق ءتۇستى»، «استى — قارا ءتۇستى» كيىمگە باسىمدىق بەرىلەدى. قىز بالالار مەكتەپكە يۋبكا نە بولماسا شالبار كيىپ كەلۋى ءتيىس دەگەن تالاپ قويىلمايدى»، - دەپ جازادى مينيسترلىكتىڭ باسپا ءسوز قىزمەتى.
ۆەدومستۆو ماماندارى اتالعان تالاپتار بويىنشا قانداي دا ءبىر تۇسىنبەۋشىلىكتەر تۋىنداسا ارنايى Call-ورتالىقتارعا حابارلاسۋ كەرەكتىگىن ايتادى.
«ق ر ءبىلىم جانە عىلىم مينيسترلىگى ازاماتتاردىڭ وتىنىشتەرىنە جەدەل دەن قويۋ ءۇشىن ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ اۋماقتىق دەپارتامەنتتەرى مەن ءبىلىم باسقارمالارى باسشىلارىنىڭ جانە Call-ورتالىقتارىنىڭ تەلەفون نومىرلەرىن جاريالاعان بولاتىن»، — دەپ جازىلعان رەسمي مالىمەتتە.
You Might Also Like
-
قاسىم حان (1445-1518) — قازاقتىڭ ۇلى حاندارىنىڭ ءبىرى، قازاق حاندىعىنىڭ نەگىزىن قالاۋشىلاردىڭ ءبىرى — جانىبەك حاننىڭ ورتانشى بالاسى. شەشەسى جاعان بەگىم شايباني اۋلەتىنىڭ اتاقتى حانى مۇحام...
-
قارلىعاش — تورعايتارىزدىلەر وتريادى، ءانشى تورعايلار توبىنىڭ تۇقىمداسى. اركتيكا مەن انتاركتيدادان باسقا ايماقتاردا كەڭىنەن تارالعان. 20 تۋىسقا بىرىگەتىن 79 ءتۇرى بار. قازاقستاندا 5 ءتۇرى (جار قار...
