قارلىعاش
قارلىعاش — تورعايتارىزدىلەر وتريادى، ءانشى تورعايلار توبىنىڭ تۇقىمداسى. اركتيكا مەن انتاركتيدادان باسقا ايماقتاردا كەڭىنەن تارالعان. 20 تۋىسقا بىرىگەتىن 79 ءتۇرى بار. قازاقستاندا 5 ءتۇرى (جار قارلىعاشى، قۇز قارلىعاشى، قوسرەڭدى قارلىعاش، سەكپىلتوس قارلىعاش، كەنت قارلىعاشى) كەزدەسەدى. قارلىعاشتىڭ تۇمسىعى قىسقا، تۇمسىعىنىن ءتۇبى كەڭ، ەزۋلەرىنىڭ اراسى الشاق. قاناتتارى جىڭىشكە ءارى ۇزىن. دەنە ءبىتىمى ەرەكشە سىمباتتى. ساۋساقتارى قىسقا ءارى ءالسىز، جەردە ءجۇرۋى ەبەدەيسىز. قارلىعاشتىڭ قاۋىرسىنى تىعىز، جوتاسى قارا ءتۇستى جىلتىر. سىرتقى تۇرىنەن ەركەگى مەن ۇرعاشىسىنىن ايىرماشىلىعى بايقالمايدى. دەنە تۇرقى 9-23 سم، سالماعى 10-60 گرامم. قارلىعاش وتە جاقسى ۇشادى، تىرشىلىگىنىڭ كوپ ۋاقىتىن اۋادا ۇشىپ ءجۇرىپ وتكىزەدى. سۋ ۇستىنەن ۇشىپ بارا جاتىپ-اق سۋ ىشە بەرەدى. ۇشىپ ءجۇرىپ قورەگىن ۇستاپ جەيدى. داۋىسى اسا قاتتى ەمەس. قارلىعاش ۇياسىن ساز بالشىقتان سىلەكەيىمەن ارالاستىرىپ بەكەم ەتىپ جارتاس قۋىستارىنا، جاعالاۋداعى جارعا، ءۇي ىشىنە كەيدە اعاش باسىنا دا سالادى. ۇياسى جارتى اي نەمەسە ءتۇبى كەڭ، اۋزى تار قۇمىرا ءپىشىندى. ۇياسىنىڭ تۇبىنە قاۋىرسىننان، ت.ب. زاتتاردان جۇمساق توسەنىش جاسايدى. اشىق ۇياداعى جۇمىرتقا قارا تەڭبىلدى شۇبار، جابىق ۇياداعى جۇمىرتقا اق ءتۇستى بولادى. جىلىنا ءبىر كەيدە ەكى رەت 3-7 جۇمىرتقا سالىپ، بالاپان باسىپ شىعارادى. قورەگى، نەگىزىنەن، ۇساق جاندىكتەر. اشىق كۇندەرى بيىكتەپ ۇشادى دا، اۋا رايى جاۋىن-شاشىندى بولار الدىندا جەر باۋىرلاپ ۇشادى. سوندىقتان دا قارلىعاشتىڭ ۇشۋ ەرەكشەلىگىنە قاراپ اۋا رايىنىڭ وزگەرىسىن اددىن-الا بولجاۋعا بولادى.
وقۋعا كەڭەس بەرەمىز:
كەپتەر
كوكەك
قۇستار الەمىنىڭ بيتبوكسەرى - ليراقۇيرىق(ۆيدەو)
You Might Also Like
-
ق ر ءبىلىم جانە عىلىم مينيسترلىگىنىڭ باسپا ءسوز قىزمەتى وقۋشى قىزداردىڭ مەكتەپكە شالبارمەن كەلۋىنە شەكتەۋ قويىلعانى تۋرالى مالىمەتتەردى جوققا شىعاردى.
-
قاسقىر — قاسقىر تۇقىمداسىنا جاتاتىن جىرتقىش. دەنە تۇرقى اسىراندى يتتەي. اسىراندى ءيتتىڭ ارعى جابايى تەگى — قاسقىر دەپ ەسەپتەلىنەدى. قاسقىر ەۋروپادا، ازيانىڭ كوپ ايماقتارىندا كەڭىنەن تارا...
