وقۋشىلار پىشتاناي باتىر ۇرپاقتارىمەن كەزدەستى
اتىراۋدا نۇرعيسا تىلەندييەۆ اتىنداعى كىشى ونەر اكادەمياسىنىڭ وقۋشىلارى «ەرتەڭىن ويلاعان ەل ەرلەرىن ۇمىتپايدى» اتتى ارنايى اشىق ساباقتا باتىر ۇرپاقتارىمەن كەزدەستى. تاريح ءپانى ۇستازدارىنىڭ ۇيىمداستىرۋىمەن وتكەن كەلەلى كەزدەسۋدى مەكتەپ باسشىسى دولارەس تاسقارينا ىزگى تىلەگىمەن اشىپ، مەيماندارعا ەسكەرتكىش سىيلىقتار تابىس ەتتى. ودان سوڭ مەكتەپتىڭ دارىندى وقۋشىلارى ونەر كورسەتتى. ءان، بي، كۇي مەن ساحانالىق قويىلىمدار تاماشالاعان مەيماندار ەرەكشە اسەرلەرىمەن ءبولىستى. پىشتاناي باتىردىڭ ۇرپاقتارى بۇگىندە بابا مۇراسىن زەرتتەپ جۇرگەن عاپۋر شاپاتوۆ پەن يبرايمبەك تولەگەن ۇلى باتىردان قالعان كونە جادىگەرلەر مەن قۇندى مۇرالاردى وقۋشىلارعا تانىستىردى.
وقۋشىلار باتىردان قالعان اقبيكەش مىلتىعىنىڭ تىرەۋىشى،وقشانتاي جانە جەزتىناقتىڭ تىرناعىن كورىپ تاڭ قالىستارىن جاسىرمادى. اتالعان جادىگەرلەر تۋرالى كوپتەگەن دەرەكتەر بار. ال مەكتەپ ۇستازدارى اتالمىش شارانىڭ ءوتۋى وقۋشىلار مەن ۇستازدارعا دا ەرەكشە اسەر بەرگەنىن جاسىرمادى
وسىلايشا ازاتتىق جولىندا كۇرەسكەن باتىر بابالاردىڭ ەسىمى مەن ءجۇرىپ وتكەن سارا جولىن جاس ۇرپاق جادىنا ساقتاعان ءبىر كۇن بولدى. جيىن سوڭىندا وقۋشىلار جادىگەرلەرمەن تانىسىپ، سۋرەتكە ءتۇسىپ ەرەكشە كوڭىل-كۇيمەن تارقاستى.
You Might Also Like
-
الماتىدا فرانسۋز ەلشىلىگىنىڭ قولداۋىمەن ءال-فارابي اتىنداعى قازۇۋ ستۋدەنتتەرىنىڭ قاتىسۋىمەن VR فەستيۆال ءوتتى. ۆەرنيساج فورماتىنداعى كورمەگە بىرنەشە تۋىندىلار قويىلدى.
-
ءال-فارابي اتىنداعى قازاق ۇلتتىق ۋنيۆەرسيتەتى (قازۇۋ) - قازاقستان رەسپۋبليكاسىنىڭ ەڭ ۇزدىك وقۋ ورىندارىنىڭ ءبىرى. قازۇۋ الەمدىك QS رەيتينگى بويىنشا 150ء-شى ورىندا تۇر. بۇل رەيتينگتە قازاقستان بويىنشا ...
