InfoHub Logo

الماتىدا فرانسۋز ەلشىلىگىنىڭ قولداۋىمەن ءال-فارابي اتىنداعى قازۇۋ ستۋدەنتتەرىنىڭ قاتىسۋىمەن VR  فەستيۆال ءوتتى. ۆەرنيساج فورماتىنداعى كورمەگە بىرنەشە تۋىندىلار قويىلدى.  

10 كۇن بويى سمارت پوينتتا وتكەن شارادا ءال-فارابي ات.قازۇۋ ىرىكتەۋدەن وتكەن 7 ستۋدەنتى مەدياتور بولىپ جۇمىس ىستەدى. ولاردى  ۆيرتۋالدى شىنايىلىق تەحنولوگياسى قىزىقتىرعانى بايقالادى. بيىلعى ۆيرتۋالدى فيلمدەردىڭ تاقىرىبى – ميگرانتتارعا ارنالدى. «Meet Mortazza» اتتى ەڭبەكتىڭ كەيىپكەرى، اۋعان ازاماتى - مۇرتازا. ول تاليبانداردان قاشىپ، تۋعان ەلىن تاستاپ، تۇركيا، گرەكيا، يتاليا ەلدەرى ارقىلى فرانسياعا جەتكەن. اۋعان بوسقىنىنىڭ باسىنان وتكەن اۋىر كۇندەرى يممەرسيۆتى ادىسپەن جاقسى باياندالىپ، ەرەكشە سيپاتقا يە بولعان. كورەرمەن بوسقىننىڭ باسىنان وتكەرگەن تاۋقىمەتىنە بىرگە تولعانادى.  

ولگا زابولوتنايا: «جۋرناليستىك زەرتتەۋلەر ءۇشىن «بوسقىندار» تاقىرىبى  - تاپتىرماس قۇرال ءارى ۆيزۋالدى سەزىمگە باۋرايدى».
سونداي-اق، 28 قازان مەن 6 قاراشا ارالىعىندا الماتى قالاسىنداعى Smart Point ورتالىعىندا الماتى فرانسۋز اليانسى، رەسەي فرانسۋز ينستيتۋتى، Less Media Group اگەنتتىگى جانە ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىمەن سەرىكتەستىكتە «سيفرلى كۇز: سەزىمدەر» اتتى ۆيرتۋالدى شىنايىلىق فەستيۆالىن ۇيىمداستىردى. جۋرناليستەر مەن سيفرلى مادەنيەت سالاسىنىڭ ماماندارىنا ارنالعان اشىلۋ سالتاناتى فرانسيانىڭ الماتىداعى باس كونسۋلى جانە فرانسيانىڭ قازاقستانداعى ەلشىلىگىنىڭ ىنتىماقتاستىق جانە مادەني ءبولىم وكىلدەرىنىڭ قاتىسۋىمەن ءوتتى.

ايتا كەتۋ كەرەك،  وزبەكستان مەن رەسەيدە وتەتىن فەستيۆال فرانسۋز قاتىسۋشىلارىنىڭ باستاماسىمەن 9 اسەرلى تۋىندى ۇسىنىلدى. بۇل جەردە Tribeca جانە Venice VR سياقتى بەدەلدى فەستيۆالدەردى ەرەكشە اتاۋعا بولادى.

«تاڭدالعان ءاربىر يممەرسيۆتى جوبا ەرەكشە ەموسيونالدى اسەر، سەزىم، اقىل-وي تۋدىراتىن وقيعانى باياندايدى. قۋانىش پەن كۇلكى، قايعى مەن كوز جاس، تاتۋلىق پەن بىرلىك سياقتى سەزىمدەر ءارتۇرلى بولۋى مۇمكىن. ءبىراق، ەڭ باستىسى - ءبىزدىڭ وسى سەزىمدەرىمىز ارقىلى قورشاعان الەمدى سەزىنۋىمىز جانە جاناشىرلىق تانىتۋىمىز»، - دەپ ءتۇسىندىردى Less Media توبىنىڭ نەگىزىن قالاۋشى جانە فەستيۆالدىڭ بىرلەسكەن ۇيىمداستىرۋشىسى - الينا ميحاليەۆا.

شىعارمالاردى ىرىكتەۋدە ەمپاتيا جانە ادامدا وزگەلەردەن ەرەكشەلەيتىن قاسيەتى باسشىلىققا الىندى. فەستيۆالدە فرانسۋز رەجيسسەرى - سەلين تريكاردىڭ تانىمال «The Key»  تۋىندىسى ۇسىنىلدى. ونىڭ جۇمىسى نيۋ-يوركتەگى «Tribeca Film Festival» كينوفەستيۆالىندەگى ەڭ جاقسى ينتەراكتيۆتى بايانداۋ بولدى. ول 2019 جىلى ۆەنەسيا كينوفەستيۆالىندەگى ەڭ جاقسى ۆيرتۋالدى شىنايىلىق تۋىندىسى رەتىندە ماراپاتتالدى. بۇل  ەرەكشە تۋىندى كورەرمەننىڭ كۇردەلى تاڭداۋىمەن ەستەلىككە اينالىپ، ونىڭ ءتۇرلى جەرلەرگە ساياحاتتاۋىنا جول اشادى. 

Dans la peau de Thomas Pesquet-دە  اتاقتى فرانسۋز استروناۆتىمەن بىرگە ونىڭ عارىشتاعى باس اينالدىرارلىق تاجىريبەسىن باستان كەشەمىز. «Notes on Blindness-تە»  كورۋ قابىلەتىن جوعالتقان ادامنىڭ سەنسورلىق سەزىمىن باسقاشا راكۋرستا تانىتا العان. ۋولتەر سيسۋلۋدىڭ تاريحي تۋىنداسىندا تەڭدەسى جوق ارحيۆتىك اۋديوجازبالار كومەگىمەن كورەرمەن ءوزىن وڭتۇستىك افريكانىڭ تاۋەلسىزدىگى ءۇشىن كۇرەسكەر رەتىندە سەزىنە الادى.   

جۇمىستار مەن تيزەرلەردىڭ ءتىزىمى:

- The Key (يراك، اقش)، 15’
- Notes on Blindness، Into Darkness، فرانسيا، ۇلىبريتانيا، 20’
- Gloomy Eyes، (ارگەنتينا، فرانسيا)، 33’
- Meet Mortaza (بەلگيا، فرانسيا)، 13’
- *Dans la peau de Thomas Pesquet، (فرانسيا)، 30’
- *Planet، فرانسيا، 7’
- Accused #2 : Walter Sisulu، (فرانسيا، وڭتۇستىك افريكا) 16’ 
- *L’ïle des morts، فرانسيا، 8’ 
- Lifeline، فرانسيا، 7’

اتالمىش تۋىندىلار ForumVR مەتاۆەرس پلاتفورماسىنا ورنالاستىرىلدى. AppStore جانە Google Play-دە  قوسىمشالاردى جۇكتەۋ قولجەتىمدى.

ستۋدەنتتەر شارانىڭ باستالۋىنا  ەكى اپتا قالعاندا بىرنەشە كۇن دايىندىق كۋرسىنان ءوتتى.

جۇلدىز جامەنكينا، مەدياكوممۋنيكاسيا ماماندىعىنىڭ 2 كۋرس ستۋدەنتى
 جەتەكشىسى: اعا وقىتۋشى، كۋراتور ن.ب. رۋشانوۆا

---