وقۋشىلاردى اۆتوبۋسپەن تاسىمالداۋ: استانادا «مەكتەپ bus» جوباسى جاندانباق
«Astana LRT» ج ش س جۋىق ارادا «مەكتەپ bus» جوباسى اياسىندا قايتادان ارنايى اۆتوبۋستاردى شىعاراتىن بولادى. بۇل تۋرالى «Astana LRT» ج ش س قوعاممەن بايلانىس دەپارتامەنتىنىڭ باسشىسى ناۋات ازانبايەۆا ءمالىم ەتتى.
«ەستەرىڭىزدە بولسا، «مەكتەپ bus» جوباسىن وسى جىلدىڭ ناۋرىز ايىندا باستاعان ەدىك. الايدا بىلتىر وقۋ جىلى اياقتالىپ كەلە جاتقاننان كەيىن اتا-انالاردىڭ كوبى وعان قىزىعۋشىلىق بىلدىرگەن جوق. ەندىگى كەزەكتە وسى قازان ايىندا جوبانى باستاپ كەتۋدى قايتا جوسپارلاپ وتىرمىز. سەبەبى، اتا-انالار تاراپىنان قىزىعۋشىلىق زور. وسى ۋاقىتقا دەيىن 330-عا تاقاۋ ءوتىنىم كەلىپ ءتۇستى. نەگىزىنەن نازاربايەۆ زياتكەرلىك مەكتەبىنىڭ، «نۇر-وردا»، №17، №81 جانە قوسشىداعى مەكتەپ وقۋشىلارىنىڭ اتا-انالارى بالالارىن ارنايى اۆتوبۋسپەن جەتكىزۋگە نيەت بىلدىرۋدە»، - دەيدى ناۋات ازانبايەۆا.
«مەكتەپ bus» جوباسىنىڭ ارتىقشىلىعى - «Astana LRT» جشس-نىڭ ارنايى اۆتوبۋستارى بالانى مەكتەپكە الىپ كەتىپ، قايتار ۋاقىتتا قايتا ۇيىنە (ۇيىنە ەڭ جاقىن ايالداماعا) جەتكىزەدى. اتالمىش قىزمەت ءبىر بالاعا - 20 مىڭ تەڭگە. دەسە دە، ءبىر وتباسىدان ەكى بالا مەكتەپكە بارعان جاعدايدا جەڭىلدىكتەر قاراستىرىلادى. ونداي وتباسىلارعا ناقتى قانداي جەڭىلدىكتەر بەرىلەتىنىن كومپانيا ازىرگە تالقىلاپ جاتىر.
««Astana LRT» جشس-دان اتالمىش جوبا ءۇشىن قانشا اۆتوبۋس شىعاتىنى ءالى بەلگىسىز. سەبەبى، وتىنىمدەر ءالى دە قابىلدانىپ جاتىر. ياعني، ءبارى بالا سانىنا بايلانىستى. ەكىنشىدەن، بەلگىلى ءبىر مەكتەپتەن 15 بالادان اسقاندا عانا اۆتوبۋس شىعارۋدى ۇيعارىپ وتىرمىز»، - دەيدى ناۋات ازانبايەۆا.
ەسكە سالا كەتسەك، «Astana LRT» كومپانياسى مەكتەپ وقۋشىلارىن تاسىمالداۋ بويىنشا «مەكتەپ bus» پيلوتتىق جوباسىن وسى جىلدىڭ ناۋرىز ايىندا باستاعان بولاتىن. اتالعان جوبانى جۇزەگە اسىرۋ ارقىلى مەكتەپ تاسىمالىنداعى ءبىرىڭعاي ستاندارتتىڭ بولماۋى، وقۋشىلاردىڭ قوعامدىق كولىكتە كەلەڭسىز وقيعالارعا ۇشىراۋى، تاڭعى ۋاقىتتا كەپتەلىستىڭ تۋىنداۋى سىندى ءبىرقاتار ماسەلەنى شەشۋگە بولادى.
قازاقپارات
You Might Also Like
-
مەن بۇل حاتتى دزوتتان جازىپ وتىرمىن. ءبىز وسى تاماشا بەكىنىستى تەك جاڭا عانا سەن ءۇشىن ارنايى سالىپ بىتىردىك. ءبىز — ساپەرلەر بۇعان ءوزىمىزدىڭ بار شەبەرلىگىمىزدى جۇمساپ، دزوتتىڭ مۇمكىندىگىنشە جاق...
-
تۇلا بويى اپپاق قىراۋ، كوزى كىرتيگەن ءبىر يت ۇشكىر تۇمسىعىمەن شاتىر ەسىگىن ءتۇرتىپ اشىپ، باسىن ىشكە سۇعىپ جىبەرگەن.
