InfoHub Logo

تاقىرىبى: وقۋشىنىڭ وقۋ جەتىستىگىن باعالاۋدىڭ زاماناۋي ادىستەرى
وقۋشىلاردىڭ وقۋ جەتىستىكتەرىن كريتەريالدى باعالاۋ
ماقساتى: وقۋشىلاردىڭ وقۋ جەتىستىگىن كريتەريالدى باعالاۋ ءۇشىن مۇعالىمدەرگە پراكتيكالىق كومەك كورسەتۋ.
مىندەتتەرى:
1. ءفورماتيۆتى باعالاۋدى قولدانۋ؛
2. باعالاۋ كريتەرييلەرىمەن تانىسۋ؛
باعالاۋدىڭ جاڭاشا تۇرلەرى:
ءوزىن - ءوزى باعالاۋ؛
توپتىق باعالاۋ؛
كريتەريالدى باعالاۋ؛
«باعدارشام» باعالاۋى؛
«قارا جاشىك» ىشىندەگى جۇمىس؛

ءوزىن - ءوزى باعالاۋ.
وقۋشىلار ءوزىنىڭ جەكە جۇمىسىنا نەمەسە ءبىر-بىرىنىڭ جۇمىسىنا جاي عانا باعا قويعاننان گورى، ءوزارا باعالاۋدىڭ (جانە ءوزىن - ءوزى باعالاۋدىڭ) ماڭىزى زور. ونداعى ماقسات - وقۋشىلارعا ءوز جۇمىسىنىڭ ساپاسىن كوتەرۋگە قىزىقتىرۋ جانە ولارعا ونى جاقسارتۋدىڭ مۇمكىندىگىن تالداۋعا كومەكتەسۋ. ناتيجەسىندە، بۇل ءمۇعالىمنىڭ جۇمىسىن جەڭىلدەتپەك، سەبەبى وقۋشىلار وقىتۋ ۇدەرىسى ءۇشىن تەك ءمۇعالىم عانا جاۋاپتى ەمەس ەكەندىگىن تۇسىنەدى.

توپتىق باعالاۋ.
وقۋشىلار توپتاردا بىرلەسىپ جۇمىس اتقارعان جاعدايدا ءار توپتىڭ جەكەلەگەن مۇشەلەرى ءوز ۇلەستەرىن قوسۋدا ۇلكەن جاۋاپكەرشىلىك سەزىنىپ، ساباق بارىسىنداعى ءبىلىمدى يگەرۋدە ايتارلىقتاي جەتىستىكتەر جاسايدى. وقۋشىلاردىڭ تارازىلاۋ، قورىتىندىلاۋ، شەشىم قابىلداۋ سياقتى ماڭىزدى داعدىلارىن قالىپتاستىرۋدىڭ ەڭ وڭتايلى ءادىسى. بۇل ادىستە بارلىق 3 توپتىڭ دا وقۋشىلارى باعالانادى. ساباقتىڭ جوسپارلانعان ءىس - ارەكەتتەر بارىسىندا ۇسىنىلاتىن تاپسىرمالاردى رەتىمەن جاۋاپ بەرگەن نەمەسە ءوز توبى ءۇشىن ۇلەس قوسقان، جۇمىستارىن ءساتتى قورعاعان وقۋشىلار ءوز توبىنىڭ تۇسىنان ەسىمدەرى جازىلعان ستيكەرلەردىڭ ءىلىنۋى ارقىلى باعالانادى. ناتيجەسىندە ءار توپ مۇشەلەرى باتىل بەلسەندىلىكپەن جىلدام ويلاۋعا، دۇرىس انىقتامالار مەن دەرەكتەر كەلتىرۋگە، ءوز توبىنداعى ۇلگەرىمى تومەندەۋ وقۋشىلاردىڭ جاۋاپ بەرۋىنە توپ بەلسەندىلەرىنىڭ ارالاسۋىنا، ءبىر - بىرىنە جان اياماي كومەك كورسەتەدى. سونداي - اق بۇل باعالاۋ تۇرىندە بارلىق سىنىپ وقۋشىلارى ساباققا تۇگەل قاتىسادى، ءارى تۇگەل باعالانىپ، ىنتىماقتاستىقپەن ءوز جاۋاپكەرشىلىكتەرىن سەزىنەدى.

كريتەريالدى باعالاۋ.
وقۋشىلاردىڭ ءوزىن - ءوزى باعالاۋ جانە ءوزارا باعالاۋ ۇدەرىستەرىنىڭ دامۋىنا ىقپال ەتۋ ماقساتىندا ساباقتا كريتەريالدى باعالاۋدى تابىستى قولدانۋ. توپ باعالاۋشىسى ءوز توبىنىڭ مۇشەلەرىن پاراقشاعا تولىق تۇسىرەدى. سودان ساباق بارىسىنداعى بەرگەن جاۋاپتارىن 4 ءتۇرلى كريتەرييلەر ارقىلى 5 بالدىق جۇيەمەن بەلگىلەيدى. تومەندە كورسەتىلگەن كريتەريالدى باعالاۋدىڭ كريتەرييلەرى:
- توپتىق جۇمىستاعى بەلسەندىلىگى؛
- وقۋشىنىڭ ىزدەنىسى؛
- سۇرايمىز - جاۋاپ بەرەمىز؛
- ءوز جۇمىسىن قورعاۋى.
وسى كريتەرييلەردىڭ جالپى بالىن ەسەپتەپ، جيىنتىق باعانى بەلگىلەۋ – توپ ىشىندەگى جۇمىستىڭ جان - جاقتى وربۋىنە، ىزدەنۋىنە جانە ءارقايسىسىنىڭ جەكە پىكىرىن تىڭداعاندا ءبىر - بىرىنە قۇرمەتپەن قاراعاندىقتارى بايقالدى.

وقۋشىنىڭ وقۋ جەتىستىگىن باعالاۋدىڭ زاماناۋي ادىستەرى. جۇكتەۋ