InfoHub Logo

تاقىرىبى: ورمانداعى وقيعا

ماقساتى: قاينەكەي جارماعانبەتوۆ جايلى قىسقاشا تۇسىنىك بەرۋ، ەرتەگىدەگى نەگىزگى يدەيانى ۇعىندىرۋ.
مىندەتتەرى: 1. دوستىق، بىرلىك قارىم - قاتىناستارىنىڭ قۇندىلىقتارى جايلى اڭگىمەلەسۋ
2. ويىن تولىق جەتكىزە ءبىلۋ شەبەرلىگىن دامىتۋ.
3. ادالدىققا، ادىلەتتىلىككە تاربيەلەۋ.
ءادىس تاسىلدەرى: سىني ويلاۋ، توپتىق جۇمىس، اڭگىمەلەسۋ جانە وقىتۋ، باعالاۋ
كۇتىلەتىن ناتيجە: دوستىق، بىرلىك قارىم قاتىناستارىنىڭ ماڭىزدىلىعىن ۇعىنادى، الەۋمەتتەنەدى، ءوزىن ءوزى رەتتەيدى.
رەسۋرس: ماركەر، پوستەر، پلاكات، سۋرەتتەر، وقۋلىق

ساباقتىڭ بارىسى:
I. ۇيىمداستىرۋ كەزەڭى: وقۋشىلاردى ساباققا دايىنداۋ
II. ءۇي تاپسىرماسىن تەكسەرۋ: «ەڭ جاقىن كىم ادامعا؟» تسق. 5 - 7 مين
III. جاڭا ساباق: ا) توپقا ءبولۋ (3 مين)
- بۇگىنگى ساباعىمىز توپتىق جۇمىس تۇرىندە وتەدى ( سىنىپتى سۋرەتتەردى قۇراستىرۋ ارقىلى توپتارعا ءبولۋ). توپپەن جۇمىس ەرەجەسىن قايتالاۋ. توپتىڭ اتى مەن ۇرانىن قۇراۋ، جازۋ
ءا) قىزىعۋشىلىقتى وياتۋ - 5 مين.
- قايىڭ، قارااعاش، توبىلعى جايلى نە بىلەسىزدەر؟
- ورمان دەگەنىمىز نە؟
- ەندەشە ءقازىر سىزدەر الدارىڭىزداعى پلاكاتتىڭ ورتاسىن سىزىقپەن ءبولىپ، ءبىر جاعىنا تابيعاتتاعى وسى اعاشتاردى سۋرەتتەپ جازاسىزدار.
1 - توپ: قايىڭ
2 - توپ: قارااعاش
3 - توپ: توبىلعى
توپ جۇمىسىن تىڭداۋ

ب) ماعىنانى تانۋ.
1. «بولجاۋ» ستراتەگياسى. وقۋلىقپەن جۇمىس - 10 مين
ءقازىر سىزدەر «ورمانداعى وقيعا» ءماتىنىن وقيسزدار. بۇل اڭگىمەدە سىزدەرگە تانىس، وسىعان دەيىن قولدانىلعان بارلىق سوزدەر كەزدەسەدى. سىزدەر بۇل ەرتەگىنى بىرنەشە ۇزىلىسپەن وقيسىزدار. ياعني مەن توقتاتقانعا دەيىن وقيسىزدار. سودان كەيىن سول وقىلعان بولىك بويىنشا تالقىلاۋ جۇرگىزەمىز. سوندىقتان ءار سويلەمدى زەر سالىپ وقۋ كەرەك. سونىمەن ءبىرىنشى بولىكتى باستايمىز (ءبىر وقۋشى وقيدى، قالعاندارى قول جۇگىرتىپ قاراپ وتىرادى) توقتاتامىن، تالقىلاۋ:
- بۇل بولىكتەن نە تۇسىندىڭىزدەر؟
- ەرتەگى نەمەن جالعاسۋى مۇمكىن؟
- توبىلعىنىڭ ءسوزى قايىڭعا قالاي اسەر ەتەدى دەپ ويلايسىزدار؟
- ال، ەندى ەكىنشى بولىكتى وقيمىز. توقتاتامىن، تالقىلاۋ:
- بۇل بولىكتە نە دەلىنگەن؟
- الدىڭعى سىزدەردىڭ ايتقان بولجامدارىڭىزبەن سايكەس كەلدى مە؟
- ەندى نە بولادى دەپ ويلايسىزدار؟ بۇل ەرتەگى نەمەن اياقتالۋى مۇمكىن؟
- ال، ەندى ءۇشىنشى بولىكتى وقيمىز. توقتاتامىن، تالقىلاۋ:
- بۇل بولىكتە نە دەلىنگەن؟
- الدىڭعى سىزدەردىڭ ايتقان بولجامدارىڭىزبەن سايكەس كەلدى مە؟
- ەكى اعاشتىڭ ءبىر بىرىمەن رەنجىسۋىنە نە سەبەپ بولدى؟
- قايىڭ مەن قارااعاشتىڭ قاتتى اشۋلانۋىنا توبىلعىنىڭ قانداي سوزدەرى اسەر ەتتى دەپ ويلايسىڭ؟
- قارااعاشتىڭ قىلىعى كوز الدىڭا قانداي ادامدى ەلەستەتتى؟
- اڭگىمەنىڭ قاي جەرى سىزدەرگە اسەر ەتتى؟
- قانداي سوزدەر قيىن بولدى؟
- وسى ەرتەگىدەن كوكەيىمىزگە نە تۇيدىك؟
2. سوزدىك جۇمىس: قوساق - ساۋۋ ءۇشىن ۇزىن ارقانمەن مويىندارىنان ءبىر بىرىنە تاقاپ قوساقتاي بايلانعان قوي نەمەسە ەشكىلەر توبى.

IV. جاڭا ساباق بەكىتۋ: توپتىق تاپسىرما - 10 مين
- ساباقتىڭ باسىندا سىزدەر پلاكاتقا تابيعاتتاعى وسى ەرتەگىدەگى قايىڭ، قارااعاش، توبىلعىنى سۋرەتتەدىڭىزدەر. ەندى سىزدەر ەرتەگىگە سۇيەنە وتىرىپ وسى ءۇش اعاشتىڭ كەيپىندەگى ادامداردى قالاي سۋرەتتەيسىزدەر سونى ايتىپ بەرسەڭىزدەر جانە ءار توپ وسى ەرتەگىدەگى وزدەرىڭىزگە ۇناعان اعاشتىڭ سۋرەتىن كوز الدارىڭىزعا ەلەستەتە وتىرىپ، ءار اعاشقا «بەس جولدى» ولەڭ شىعارساڭىزدار.

V. ساباقتى قورىتىندىلاۋ: 5 مين
- بۇگىن قانداي تاقىرىپ وتتىك؟
- ادالدىق، شىنشىلدىق دەگەندى قالاي تۇسىنەسىزدەر؟
رەفلەكسيا: - بۇگىنگى ساباق سىزدەرگە ۇنادى ما؟

VI. ءۇي تاپسىرماسىن بەرۋ: 1 - توپ: وقيعا جەلىسىن وزگەرتىپ اياقتا.
2 - توپ: ەرتەگى بويىنشا سۋرەت سال.
3 - توپ: وسى ەرتەگىگە ۇقساس ەرتەگى جاز

VII. باعالاۋ (5 مين). كريتەرييلەرى:
1. ءۇي تاپسىرماسى
2. توپ جۇمىسىنا قاتىسۋ بەلسەندىلىگى
3. ءوز پىكىرىن اشىق ايتا الۋى
4. جۇمىستىڭ ساپاسى