InfoHub Logo

9 جانە 10-ماۋسىمدا الماتى قالاسىنداعى ورتالىق دەمالىس جانە مادەنيەت ساياباعىندا حالىقارالىق  دوستىق كۇنىنە وراي VI Unity Fest وتباسىلىق فەستيۆالى ءوتتى.

Unity فەستيۆالى — مەرەكە مەن ۇيلەسىمنىڭ، شىعارماشىلىقتىڭ جانە جاڭا ءبىلىم مەن ونەر ۇيرەنۋدىڭ كوڭىل-كۇيى قالىپتاسقان ورىن. بۇل جىل سايىن مىڭداعان ەرەسەكتەر مەن بالالار قاتىساتىن شىعارماشىلىق ورتا. بۇل سونداي-اق U-Special باعدارلاماسى بويىنشا شاقىرىلعان مۇمكىندىگى شەكتەۋلى بالالاردى، بالالار ۇيىنەن كەلگەن بالالاردى جانە از قامتىلعان وتباسىنىڭ بالالارىن، تۋىسقاندارىنىڭ قولداۋىنسىز قالعان بالالالى ايەلدەردى دە بەلسەندى بولۋعا شاقىراتىن ماعىنالى الەۋمەتتىك جوبا.

«فەستيۆالدا بالالاردى ءارى قاراي قالاي جانە قايدا دامىتۋعا بولاتىنى جونىندە كوپتەگەن اقپارات الۋعا بولادى. شىعارماشىلىققا، شەبەرلىككە، بىلىمگە قىزىعۋشىلىق تانىتا وتىرىپ بالالار اتا-انالارىنا نەمەن اينالىسقىلارى كەلەتىنىن، وزدەرىنە نەنىڭ ۇنايتىنىن كورسەتەدى. Unity Fest فەستيۆالىندە ءبىز 600 قاتىسۋشى مەن 60 سەرىكتەستىڭ باستارىن قوسامىز»، — دەدى وتباسىلىق Unity فەستيۆالىنىڭ ديرەكتورى بوتاگوز الدانعاروۆا.

Unity فەستيۆالىنىڭ كوپ جىلعى سەرىكتەستەرىنىڭ ءبىرى — حالىق اراسىندا قارجىلىق ساۋاتتىلىقتى بەلسەندى تۇردە دامىتىپ جۇرگەن حوۋم كرەديت بانكى.

بۇگىنگى تاڭدا قارجىلىق ساۋاتتىلىق تاقىرىبى ەرەسەكتەر عانا ەمەس، بالالار ءۇشىن دە وزەكتى جانە ماڭىزدى ماسەلەگە اينالىپ وتىر. قازىرگى ۋاقىتتا كوپتەگەن بالالاردىڭ اقشانى دۇرىس پايدالانۋ داعدىسىن بىلمەي ءوسىپ كەلە جاتقاندارى جاسىرىن ەمەس. ال اقشانى دۇرىس پايدالانۋدى بالالارعا ەرتە جاستان باستاپ ۇيرەتكەن وتە ماڭىزدى. قارجىلىق ساۋاتتىلىق بالالارعا دۇرىس ۇنەمدەۋدى، قارجىلىق ماقسات قويا ءبىلۋدى، بيۋدجەت قۇرىپ جانە اقشانى تاراتۋدى ۇيرەتىپ، بانكتەردىڭ قالاي جۇمىس ىستەيتىنى تۋرالى بىلىمدەرىن ارتتىرادى.

جاۋاپتى ءارى ءقاۋىپسىز نەسيەلەۋگە، سونداي-اق حالىقتىڭ قارجىلىق ساۋاتتىلىعىنا كوپ كوڭىل بولە وتىرىپ، حوۋم كرەديت بانكى ەرەسەكتەر ءۇشىن دە، بالالار ءۇشىن دە بەلسەندى تۇردە وتكىزىلەتىن قارجىلىق ساۋاتتىلىقتى ارتتىرۋدىڭ ۇزاق مەرزىمدى باعدارلاماسىن جاسادى.

بانكتىڭ قوعاممەن بايلانىس بويىنشا باسشىنىڭ قىزمەتىن اتقارۋشىسى ە. نۇربايەۆا: «ءبىزدىڭ بانك Unity فەستيۆالىنە وسى ءبىر وتباسىلىق قۇندىلىقتاردى نىعايتۋعا ارنالعان تاماشا ءىس-شارانىڭ ءبىرىنشى كۇنىنەن باستاپ قولداۋ كورسەتىپ كەلەدى. فەستيۆالدا ءبىز ادەتتەگىدەي قارجىلىق ساۋاتتىلىق بويىنشا باعدارلاما اياسىندا «قارجىلىق ساۋاتتىلىق شامشىراعى» دەگەن الاڭقايدا ەكى كۇن بويى فەستيۆال قاتىسۋشىلارى ءۇشىن ءتۇرلى كوڭىل كوتەرەتىن جانە ۇيرەتەتىن ءىس-شارالار وتكىزدىك».  

بيىل «قارجىلىق ساۋاتتىلىق شامشىراعى» الاڭقايى بالالارعا «قازىنا ىزدەۋ» شىتىرمان كۆەستىن، قارجى تاقىرىبىنا بايلانىستى كوپتەگەن ويىندار مەن ۆيكتورينالار، سونداي-اق ەڭ كىشكەنتاي قوناقتار ءۇشىن سۋرەت سالۋ بايقاۋىن وتكىزدى. ەرەكشە كوزگە تۇسكەن بالالارعا بانك ەستەلىك سىيلىقتار، سونىمەن قاتار «بالالارعاارنالعان وتباسىلىق قارجىنى ءوزى ۇيرەتكىش. بالالار مەن اقشا» كىتابىن سىيعا تارتتى. 

---