وتباسىندا وقىتۋدىڭ ارتىقشىلىعى مەن كەمشىلىگى
قازىرگى مەكتەپتە ءبىلىم بەرۋ جۇيەسى سوڭعى وتىز جىلدا ۇنەمى وزگەرىستەرگە ۇشىراپ كەلەدى. جىل سايىن جاڭا باعدارلاما ەنگىزىلەدى، بىرەۋى جارايدى، بىرەۋى جاراماي قالادى. ءبىرىنشى سىنىپقا قابىلداۋدىڭ دا شارتتارى ءبىرتۇرلى بولىپ كەتتى.
جوعارى جاقتىڭ تۇراقتى قىسىمىنان قاجىعان، شارشاعان ۇستازداردىڭ بالالارعا قاراۋعا مۇرشالارى جوق. ويتكەنى ۇنەمى قاعازدار تولتىرىپ، ەسەپ بەرىپ، كورسەتكىشتەردى وتكىزۋدەن قولدارى بوسامايدى. مەكتەپتەگى تاپسىرمادان كوپ تاپسىرمانى ۇيگە بەرەتىن ءبىرتۇرلى جۇيە اينالىپ كەتكەندەي.
وسىنىڭ ءبارى اتا-انالاردى بالالارىن ۇيدە وقىتساق دەگەن ويعا جەتەلەيدى. ءبارىبىر، نەگىزگى پراكتيكالىق جۇمىستىڭ ءبارى ساباقتان كەيىن ورىندالادى دا، بالانىڭ جان-جاقتى دامۋىنا مۇلدەم ۋاقىت قالمايدى.
بالالارىن ۇيدە وزدەرى وقىتقىسى كەلەتىن اتا-انالار نەگە دايىن بولۋ كەرەك، ونىڭ قانداي ارتىقشىلىقتارى مەن كەمشىلىكتەرى بار؟ بۇل ماقالادا وسى ماسەلە جايلى ايتامىز.
وتباسىندا وقىتۋدىڭ ارتىقشىلىقتارى
وتباسىندا وقىتۋ ءادىسىنىڭ ۇيدە وقىتۋدان ايىرماشىلىعى، ونى دەنساۋلىعىندا ەشقانداي كىنارات بولماعان، كادىمگى مەكتەپتە وقي الاتىن، ءبىراق اتا-اناسى وقىتقىسى كەلمەيتىن بالالاردىڭ اتا-اناسى قولدانادى.
ۇيدە وقىتۋدى قولدايتىندار ءبىراۋىزدان ونىڭ كەلەسى ارتىقشىلىقتارىن اتاپ ايتادى:
- بالانى ساباققا باراردان بۇرىن ءبىر جارىم-ەكى ساعات بۇرىن وياتپايسىز، تاڭەرتەڭ ساباققا بارۋ ءۇشىن ابىگەرگە ءتۇسىپ، جينالمايسىز. بالاڭىز مەكتەپكە ءوزى باراتىن بولسا، جەتتى مە، جەتپەدى مە دەپ ۋايىمدامايسىز.
- بالانىڭ ۇيقىسى قانىپ ويانادى، اسىقپاي تاڭعى اسىن ىشەدى. تەك سودان كەيىن عانا ساباعىنا كىرىسەدى. بۇل بالانىڭ جالپى دەنساۋلىعىنا وڭ اسەر ەتەدى.
- ۇيگە بەرىلگەن تاپسىرمانى ورىنداۋعا ساباق وتۋدەن كوپ ۋاقىت كەتپەيدى. ءارى باسقا بالالار مەكتەپتە وتكىزەتىن ۋاقىت بالانىڭ وزىندە قالادى دا، قىزىعۋشىلىعىنا قاراي قوسىمشا ۇيرەمەلەر مەن سەكسيالارعا ەركىن قاتىسا الادى.
- ەگەر بالانىڭ ينتەللەكتۋالدى دامۋى ورتادان جوعارى بولسا، وندا ۇيدەن ءبىلىم الۋى ەكى جىلدىق وقۋدى ءبىر جىلدا وتۋگە مۇمكىندىك بەرەدى.
- اتا-انا مەن بالانىڭ اراسىنداعى قارىم-قاتىناسقا ءجيى جىك تۇسىرەتىن وقىتۋشىلار تاراپىنان ەشقانداي قىسىم بولمايدى.
ۇيدە وقىتۋدىڭ كەمشىلىكتەرى
كەز كەلگەن ادىستەر سياقتى ۇيدە وقىتۋدىڭ دا كەمشىلىكتەرى بار. ارينە، كەيبىرەۋلەر ءۇشىن ول كەرىسىنشە، ارتىقشىلىق بولۋى مۇمكىن.
- بالاسىن وقىتۋدا اتا-اناسى تولىقتاي ءوزى جاۋاپتى بولادى.
- ەگەر اتا-اناسى مەكتەپ باعدارلاماسىن وقىتا الماسا، وندا اقشا تولەپ، ۇيرەۋشى جالداۋعا تۋرا كەلەدى. (الايدا، مەكتەپتە ءبىلىم الۋ كەزىندە دە اتا-انالاردىڭ وسىنداي كومەككە ءجيى ارقا سۇيەيتىنىن ەسەپكە الۋىمىز كەرەك.)
- ۇيدە وقىتۋ شارتى بويىنشا كادىمگى مەكتەپتە ەكى رەت اتتەستاسيادان وتەدى.
كەيدە مەكتەپكە بارعان كەزدە مۇعالىمدەر تاراپىنان ماسەلە تۋىنداپ، اتا-انا مەن ونىڭ بالالارىنا قىسىم كورسەتىلۋى مۇمكىن. مۇنداي قيىندىقتىڭ الدىن الۋ ءۇشىن ۇيدە ءبىلىم بەرۋ تۋرالى زاڭدى، اسىرەسە، مەكتەپ اتتەستاسيادان ءوتۋدى نەشە رەت تالاپ ەتە الاتىن ءبولىمىن مۇقيات وقۋ كەرەك.
ۇيدە وقىتۋ تۋرالى شەشىم وتە جاۋاپتى ءارى ناقتى قادام. مۇنداي شەشىم قابىلداماس بۇرىن اتا-انا ءبارىنىڭ ارتىقشىلىقتارى مەن كەمشىلىكتەرىن تارازىعا سالىپ كورۋ كەرەك. الايدا، مۇنداي شەشىم قابىلداعانداردىڭ اراسىندا كوبىنەسە جاعىمدى پىكىرلەر ايتىلادى.
دەرەككءوزى: poznaysebia.com
وقۋعا كەڭەس بەرەمىز: انانىڭ شەبەرلىگى
You Might Also Like
-
ت.جۇرگەنوۆ اتىنداعى قازاق ۇلتتىق قنەر اكالەمتياسىندا عىلىمي-تاجىريبەلىك كونفەرەنسيا ءوتتى. جاس ەعالىمدار مەن ستۋدەنتتەر اراسىندا «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا...
-
بىلتىر كۇزدە ورايى كەلىپ بايىرعى دوسىم ميستەر شەرلوك حولمسقا كىرە شىققام. ۇيىندە موسقال تارتقان، شامادان تىس تولىق، جالىنداي تۇتەگەن جيرەن شاشتى ءبىر دجەنتلمەن وتىر ەكەن. ىشكە كىرگىم كەلگەنىمەن ەكە...
