InfoHub Logo

ت.جۇرگەنوۆ اتىنداعى قازاق ۇلتتىق قنەر اكالەمتياسىندا عىلىمي-تاجىريبەلىك كونفەرەنسيا ءوتتى. جاس  ەعالىمدار مەن ستۋدەنتتەر اراسىندا «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان رەسپۋبليكاسىنىڭ پرەزيدەنتى ن.ءا.نازاربايەۆتىڭ قازاقستان حالقىنا جولداۋىن ءتۇسىندىرۋ جانە ناسيحاتتاۋعا باعىتتالدى.

اتالعان جيىن «قازىرگى جاھاندىق الەم: رۋحاني جاڭعىرۋ جانە ۇلتتىق بولمىستى ساقتاۋ ماسەلەلەرى» كونفەرەنسياسى ت.جۇرگەنوۆتىڭ  120 جىلدىق مەرەيتويىنا ارنالىپ وتىر.  كونفەرەنسيانىڭ نەگىزگى ماقساتى - ستۋدەنتتەردىڭ عىلىمي-زەرتتەۋشىلىك جۇمىسى جوعارى دەڭگەيدەگى ماماندار دايارلاۋدىڭ ساپاسىن ارتتىراتىن قۇرال بولىپ تابىلادى جانە تاجىريبەلىك ومىردە عىلىم مەن مادەنيەت جەتىستىكتەرىن شىعارماشىلىق تۇرعىدان قولدانا الىپ، قوعامنىڭ دامۋ جاعدايىنا تەز بەيىمدەلەلۋگە شىڭدايدى.  

جاس عالىمداردىڭ حالىقارالىق عىلىمي-پراكتيكالىق كونفەرەنسياسىنىڭ باستى ماقساتى ءبىلىم الۋشىلاردىڭ شىعارماشىلىق قىزمەتىن بەلسەندى ەتۋ، جاستاردى عىلىمعا، زەرتتەۋشىلىك جۇمىستارعا تارتۋ ءىسىن جەتىلدىرۋ، ءبىلىم بەرۋ مەن تاربيە ءىسىنىڭ بىرتەكتىلىگى مەن كاسىبي ءبىلىمنىڭ ساپاسىن ارتتىرۋدى قامتاماسىز ەتە وتىرىپ، وقىتۋشىلار مەن ءبىلىم الۋىشىلاردا زەرتتەۋشىلىك مادەنيەتىن قالىپتاستىرۋ. كونفەرەنسياعا   لازار ۋنيۆەرسيتەتى (پولشا)، حانگۋك شەتەل تىلدەرى ۋنيۆەرسيتەتى (وڭتۇستىك كورەيا)، ەكونوميكانىڭ جوعارى مەكتەبى ۇلتتىق زەرتتەۋ ۋنيۆەرسيتەتى (سانكت-پەتەربۋرگ)، الەم ەكونوميكاسى جانە ديپلوماتياسى ۋنيۆەرسيتەتى (تاشكەنت)، بەلورۋسسيا مەملەكەتتىك ۋنيۆەرسيتەتتەرىنەن  (مينسك)   كەلگەن  ستۋدەنتتەر مەن جاس عالىمدار قاتىستى. 

جيىندا قازاقستان تاۋەلسىزدىگىنىڭ تاريحي ماسەلەلەرى، پاتريوتتىق تاربيە، حالىقتىڭ تاريحي-مادەني مۇرالارىن ساقتاۋ ماسەلەلەرى، رۋحاني جاڭعىرۋ مەن قازاقستان حالقى ءداستۇرلى مادەنيەتتەرىنە بايلانىستى سۇراقتار قاراستىرىلعان. سونىمەن قاتار، قوعامداعى وزەكتى ماسەلەلەر: جاستار ماسەلەلەرى، ءبىلىم، مادەنيەت جانە ونەر تۋرالى ناقتى تۇجىرىمدى ويلار مەن تەرەڭ عىلىمي زەرتتەۋلەرىن كوپشىلىكتىڭ نازارىنا ۇسىندى. سولاردىڭ ءبىرقاتارى ت.ق. جۇرگەنوۆ اتىنداعى ءقازۇوا  ستۋدەنتى ۇزاق اسەتتىڭ مازمۇندى بايانداماسىندا:  «وسى جولداۋدا ەلباسى ۇلتتىق ينتەلليگەنسيانىڭ رولىنە ەرەكشە توقتالدى. قازاقستان حالقىنىڭ باعىت الىپ، بوي تۇزەۋگە ءتيىس زاماننىڭ جاڭا قاھارماندارىن تانىمال ەتۋ قاجەتتىلىگى بايان بولدى»، - دەپ ايرىقشا توقتالدى.  

ۇلتتىق بولمىستى ساقتاۋعا باعىتتالعان شارالاردىڭ ەلىمىزدى جاڭا بەلەستەرگە باستايتىنى ايداي اقيقات. وسى تۇرعىسىنان كەلگەندە رۋحاني جاڭعىرۋ يدەياسىنىڭ تاريحي ماڭىزى وتە جوعارى. ەلباسى باستاماسىنىڭ بولاشاق ۇرپاق الدىنداعى سالماعى مەن جاۋاپكەرشىلىگى مول. سوندىقتان بۇگىنگى بىزدەر وسى يدەيانى جۇزەگە اسىرۋ جولىندا ايانباي ەڭبەك ەتىپ، ناقتى ارەكەت ەتۋدى كەزەك كۇتتىرمەس ماسەلە دەپ قابىلداۋىمىز كەرەك.

بۇگىنگى جاس عالىمداردىڭ باسىن قوسىپ، ورتاق مۇددە بىرىكتىرگەن كونفەرەنسيا سونىڭ ايقىن دالەلى بولىپ تابىلادى. ءساتتى شەشىمدەرى ارقىلى مەملەكەتتىڭ باياندىلىعىن قامتاماسىز ەتە الاتىن ءارى ءبىلىم مەن قوعامدىق كەلىسىم، تولەرانتتىلىق ۇستەمدىك ەتكەن زامانۋي قوعامدى قالىپتاستىرۋ. سوندىقتان ەلباسى ن.ءا. نازاربايەۆ بيىلعى جولداۋىندا: «ءبىلىم بەرۋ سالاسىنا ءوزىنىڭ ينۆەستيسيالىق جوبالارى مەن ەكسپورتتىق الەۋەتى بار ەكونوميكانىڭ جەكە سالاسى رەتىندە قارايتىن كەز كەلدى» دەپ اتاپ وتكەن بولاتىن. جالپى كونفەرەنسيا اياسىنداعى اڭگىمەنىڭ نەگىزگى اۋانى وسىنداي وزەكتى ماسەلەلەرگە باعىتتالدى.  

---