InfoHub Logo

قازاقستان بويىنشا جاڭا كونستيتۋسياعا ارنالعان رەسپۋبليكالىق رەفەرەندۋم ءوتىپ جاتىر. ەلدەگى سايلاۋ ۋچاسكەلەرى تاڭعى ساعات 7-دەن كەشكى 8-گە دەيىن جۇمىس ىستەدى. الايدا، الماتى قالاسىنداعى №622 سايلاۋ ۋچاسكەسىندە ءبىرتۇرلى جاعداي تىركەلدى.

بۇل تۋرالى Infohub.kz اقپارات اگەنتتىگى حابارلايدى.

ەكى ازامات ۋچاسكەگە كەلىپ، داۋىس بەرگىسى كەلگەنىمەن، سايلاۋشىلار تىزىمىندە جوق بولىپ شىقتى. كوميسسيا مۇشەلەرى ولاردىڭ داۋىس بەرە المايتىنىن حابارلاعاندا، ازاماتتار «وتىرىك قاعاز بەرىڭىزشى، سۋرەتكە ءتۇسىپ الايىن» دەپ ءوتىنىش جاسادى. ۋچاسكە قىزمەتكەرلەرى بۇعان كەلىسپەگەنىمەن، ەكى ادام داۋىس بەرۋ جاشىگىنىڭ جانىندا تۇرىپ، سۋرەتكە ءتۇسىپ ۇلگەردى. نەلىكتەن مۇنداي ارەكەتكە بارعانىن سۇراعاندا، ولار ناقتى جاۋاپ بەرمەدى.

رەفەرەندۋمنىڭ جالپى بارىسى

ەلدەگى رەفەرەندۋم بەلگىلەنگەن تارتىپپەن ءوتىپ جاتىر. داۋىس بەرۋگە 18 جاسقا تولعان جانە سايلاۋشىلار تىزىمىنە ەنگىزىلگەن ازاماتتار قاتىسا الادى. بيۋللەتەن الۋ ءۇشىن جەكە كۋالىك نەمەسە پاسپورت، سونداي-اق eGov Mobile، Kaspi.kz، Halyk قوسىمشالارىنداعى سيفرلىق قۇجاتتار جارامدى.

بيۋللەتەندە جاڭا كونستيتۋسيانى قابىلداۋ-قابىلداماۋ تۋرالى ءبىر عانا سۇراق قويىلعان. شەشىم قابىلدانۋى ءۇشىن سايلاۋشىلاردىڭ جارتىسىنان استامى داۋىس بەرۋگە قاتىسىپ، باسىم كوپشىلىگى قۇجاتتى قولداۋى ءتيىس. رەفەرەندۋمنىڭ رەسمي قورىتىندىلارى سايلاۋ اياقتالعاننان كەيىن جەتى كۇن ىشىندە جاريالانادى.

الماتىداعى №622 ۋچاسكەدەگى وقيعا الەۋمەتتىك جەلىلەردە قىزۋ تالقىلانىپ، ازاماتتاردىڭ بۇل ارەكەتىنىڭ ءمان-جايى ءالى دە بەلگىسىز بولىپ وتىر.