InfoHub Logo

وتكەن الەم چەمپيوناتتارىنىڭ تۇمارلارى.

 

ۆيللي — انگليا، 1966

ۆيللي ارىستان تاريحتاعى سپورت تۇمارلارىنىڭ ءبىرىنشىسى جانە انگلياداعى الەم چەمپيوناتىنىڭ تۇمارى بولعان. وسى تۇماردان كەيىن بارلىق مەملەكەتتەر دوپپەن بەينەلەنگەن تۇمارلاردى شىعارۋدى داستۇرگە اينالدىردى.  ارىستان ۇلىبريتانيانىڭ ادەتتەگى ءرامىزى، ول ۇلتتىق تۋدىڭ بەينەلەمەسى بار كيىمدە بولدى.

 

حۋانيتو — مەكسيكا، 1970

حۋانيتو اتتى تولىق، قىزىل شىرايلى بالاقاي (حۋان — مەكسيكادا ەڭ كوپ تارالعان ەر ادام اتاۋى) 1970 جىلعى الەم چەمپيوناتىنىڭ بەينەسى بولدى. تومپيعان بالانىڭ باسىندا مەكسيكانىڭ ءداستۇرلى باس كيىمى — سومبرەرو.

 

تيپ پەن توپ — گەرمانيا، 1974

نەمىستەردىڭ تۇمارلارى ءسال كەلەمەجدەنگەن. ءبىراق سوعان قاراماستان تارتىمدى. فۋتبولكاداعى «WM» ارىپتەرى Weltmeisterschaft («الەم چەمپيوناتى») ءسوزىنىڭ قىسقارتىلعان ءتۇرى، ال «74» دەگەن جازۋ، چەمپيونات وتكەن جىل.

 

گاۋچيتو — ارگەنتينا، 1978

ارگەنتينالىقتار ءداستۇردى جالعاستىردى، چەمپيوناتتىڭ بەينەسى قايتادان بالا بولدى. تولىق حۋانيتو مەن كۇلكىلى تيپ پەن توپتىڭ جانىندا ارگەنتينانىڭ تۇمارى ناعىز سپورتسمەن بولىپ كورىنەدى. گاۋچيتو ۇلتتىق كيىم كيگەن، ونىڭ قولىنداعى قامشىسىمەن موينىنداعى ورامالى ونىڭ پامپاستاردا تۇراتىن گاۋچو ەكەنىن دە كورسەتۋدە (امەريكالىق كوۆبويلاردىڭ انالوگى).

 

نارانحيتو — يسپانيا، 1982

بۇل وعاش كورىنۋى مۇمكىن، ءبىراق يسپاندىقتار تۇمار رەتىندە اپەلسيندى  تاڭداعان! ونىمەن قويماي اپەلسينگە ۇلتتىق سيمۆوليكاسى بار فۋتبول فورماسىن دا كيگىزگەن.  تاڭعالماڭىز، بار بولعانى بۇل مەملەكەت ەڭ ءدامدى  شىرىن جاسالاتىن،  اڭىزعا اينالعان اپەلسيندەرىن ماقتان تۇتادى.

 

پيكە — مەكسيكا، 1986

اسپازدىق تاقىرىبىن مەكسيقاندىقتار دا قولداپ، حۋانيتونىڭ ورنىنا ءداستۇرلى تاعام بولىپ تابىلاتىن اششى بۇرىش پيكە كەلدى. مەكسيكانىڭ ۇلتتىق باس كيىمى سوبرەرو وزگەرىسسىز قالدى.  پيكە دەگەن ات picante دەگەن يسپان سوزىنەن الىنعان، ماعىناسىنا كەلەتىن بولساق جەرگىلىكتى دامدەۋىشتەردىڭ جالپىلاما اتى.

 

چاو — يتاليا، 1990

 

يتاليا چەمپيوناتىنىڭ تۇمارى ۇلتتىق تۋدىڭ تۇستەرىنەن تۇراتىن، تەكشەلەردەن قۇرالعان ادام بولدى. باستىڭ ورنىنا فۋتبول دوبىنىڭ بولۋى يتالياندىقتاردىڭ فۋتبولعا دەگەن اۋەسقويلىقتارىن بەينەلەيدى. تۇماردىڭ اتىن قويۋدا يتالياندىقتار باس قاتىرماعان سياقتى. ەسىم رەتىندە يتاليادا امانداسۋدا قولداناتىن  ەڭ تانىمال ءسوز الىندى.

 

سترايكەر — اقش، 1994

امەريكاندىقتاردىڭ تۇمارى سترايكەر (strike سوزىنەن — «سوعۋ») سۇيكىمدى ءارى ادەمى.فۋتبول امەريكاندىقتاردىڭ ەڭ جاقسى كورەتىن سپورت ءتۇرى بولماسا دا، تۇمارلارى وتە تانىمال بولدى. چەمپيونات كەزىندە تۇمار بەينەلەنگەن ءارتۇرلى اتريبۋتيكالار تە جاقسى ساتىلعان.

 

فۋتيكس — فرانسيا، 1998

فرانسۋزدار ەش كۇدىكسىز تۇمار رەتىندە مەملەكەتتەرىنىڭ ۇلتتىق سيمۆولى اتەشتى تاڭدادى. جارقىن ءارى ادەمى كەيىپكەر 1998 جىلعى چەمپيوناتتا فرانسياعا ءبىرىنشى ورىن الۋعا كومەكتەستى. سونىمەن قوسا ول امەريكاندىق سترايكەردىڭ رەكوردتىق ساتىلىمىنان اسىپ ءتۇستى.

 

اتو، كاز جانە نيك — جاپونيا مەن وڭتۇستىك كورەيا، 2002

ازياداعى العاشقى فۋتبولدان الەم چەمپيوناتىنىڭ  سيمۆولى بىردەن ءۇش كەيىپكەر بولدى. ولار كومپيۋتەرلىك گرافيكا ارقىلى جاسالىنىپ، چەمپيوناتتى وتكىزىپ جاتقان مەملەكەتتەردىڭ  جوعارى تەحنولوگيالىق  دامۋلارىن كورسەتتى. ءۇش كەيىپكەر دە اتموبول (فۋتبولعا ۇقساس، ويدان شىعارىلعان سپورتتىڭ ءتۇرى) بويىنشا كوماندا مۇشەلەرى بولىپ ەسەپتەلىندى.  اتو – جاتتىقتىرۋشى، ال كاز بەن نيك – ويىنشىلار.

   

گولەو VI جانە پيللە — گەرمانيا، 2006

40 جىلدان كەيىن گەرمانيانىڭ تۇمارى قايتادان گولەو VI  اتتى ارىستان بولدى، جانىندا سويلەيتىن پيللە اتتى دوپ بار. تۇماردى قۋىرشاق رەتىندە شىعارۋ ەڭ جاقسى يدەيا ەمەس ەكەنىن، سيمۆولدى شىعارعان كومپانيانىڭ بانكروتقا ۇشىراۋى دالەلدەدى.  

 

زاكۋمي — وار، 2010

جاسىل-سارى (وار-دىڭ ۇلتتىق ءتۇسى) ءتۇستى لەوپارد 2010 جىلعى چەمپيوناتتىڭ سيمۆولى بولدى. بۇل جانۋار نامىسشىل جانە بوستاندىق سۇيگىش افريكا حالىقتارىن بەينەلەيدى. ءبىراق ونىڭ ادەتتەن تىس بولاتىن شاشىنىڭ ءتۇسى كوپتەگەن پىكىرتالاس تۋدىرعان.

 

فۋلەكو — برازيليا، 2014

وسى تۇماردىڭ ارقاسىندا برازيليادا برونەنوستار مەكەندەيتىنىن بىلدىك. فۋلەكو (futebol — «فۋتبول» — جانە ecologia — «ەكولوگيا» سوزدەرىنەن قۇرالعان) كوڭىلدى، جايدارلى ءارى جىگەرلى بولىپ شىقتى. برازيليا قۇراماسى گول سوققان سايىن ول سامبا بيلەگەن.

 

---