ءوزىن بۇلجىماس ادام دەپ ويلاۋ
ءبىر كىسى دارىگەرگە كەلىپ قاتتى كۇيزەلىپ، جۇيكەسى توزىپ بارا جاتقاندىعىنان شاعىمدانادى. ءبىراق جاسالۋى قاجەتتى كوپ جۇمىستارى بار ەكەندىگىن، كىدىرتۋگە بولمايتىندىعىن ايتادى. دارىگەر:
- بۇل جۇمىستارىڭىزدى باسقا ادام ىستەي الماي ما؟ نەمەسە باسقا ادام سىزگە كومەكشى بولا الماي ما؟- دەپ سۇرايدى. الگى كىسى:
- جوق، بۇل ءىستى مەن عانا اتقارا الامىن. بارلىق جۇمىستار ءبىر وزىمە قاراپ تۇر.
- سىزگە ەم رەتىندە ءبىر رەسەپت جازىپ بەرەيىن، وسى رەسەپتتەگى جازىلعانداردى ورىنداساڭىز جازىلاسىز،- دەپ قاعازعا رەسەپت جازىپ ناۋقاسقا ۇسىنادى. ناۋقاس رەسەپتتى وقىپ تاڭ قالادى. رەسەپتتە: كۇندە ەڭ كەم دەگەندە ەكى ساعاتقا جۇمىستى توقتاتىپ، جاياۋ سەرۋەندەۋ كەرەكتىگى جانە اپتاسىنا ءبىر كۇننىڭ جارتىسىن مازارات ىشىندە سەرۋەندەۋ كەرەكتىگى جازۋلى ەدى. دارىگەرگە قاراپ:
- سەرۋەندەۋ كەرەك ەكەنىن ءتۇسىندىم، ءبىراق نەگە مازارات، مەنىڭ دەرتىمە مازاردىڭ نە قاتىسى بار؟ -دەيدى.
- مازاراتقا بارىپ قابىرلەردى كورىڭىز. ول جەر ءوزىن ورنى تولتىرىلماس، ورنىن ەشكىم باسا المايتىن اداممىن دەپ ويلاعان پەندەلەرگە تولى. سەن دە سولار سەكىلدى قابىرگە كومىلگەنىڭدە، سەنىڭ ەشكىم ىستەي المايدى دەگەن ىستەرىڭدى باسقالاردىڭ ىستەپ جۇرگەنىن كورەسىڭ...
شىنىندا دا ءوزىن ەشكىم ورنىن باسا الايتىن ادام، مەن بولماسام جۇمىس توقىراپ قالادى دەپ ويلايتىن، ال نەگىزىندە ول جەردەگى شىنايى كەدەرگى ءوزى ەكەندىگىن بىلمەيتىن ادامدار ءۇشىن دە بۇل دارىگەردىڭ رەسەپتى ورىندى ەمەس پە؟...
You Might Also Like
-
پورتۋگاليا قۇراماسىنىڭ، رەال مادريد كلۋبىنىڭ اتاقتى ويىنشىسى - كريشتيانۋ رونالدۋ. ماۋسىمىنا 40-50 گول سوعاتىن رونالدۋ دا وكىنىشتى ساتتەر كوپ بولادى.
-
«Ocean Spiral» دەگەن اتاۋ بەرىلگەن سفەرانىڭ ديامەترى 500 مەتر، ال ۇزىندىعى شامامەن 15 كيلومەتر بولماق. قۇرىلىستىڭ جوعارعى بولىگى تەڭىزدىڭ بەتىنە جاقىن بولادى، ال سپيرالدانعان تومەنگى ب...
