InfoHub Logo

دەمدەلىپ ءشاي ورنىنا تۇتىنىلىپ جۇرگەن يتمۇرىن وسىمدىگىن، قۇرامىنداعى ۆيتاميندەر قورىمەن شيپا بۇلاعى دەسە دە بولادى. 100 گر يتمۇرىندا 500-1700 ميلليگرام اراسىندا س ءۆيتامينى بولادى. سونىمەن قاتار يتمۇرىندا ا، ۆ1، B2، K، P ۆيتاميندەرىمەن پروتەين، مينەرالدار، كاليي، ناتريي، كالسيي، ماگنيي، فوسفور، جەمىس قىشقىلدارى جانە شەكەر بار. سۇيەگىندە ۆانيلين بار.

يتمۇرىن جۇقپالى اۋرۋلارعا جانە سۋىق تيۋگە قارسى، دەنەنىڭ يممۋنيتەتىن كۇشەيتىپ، جالپى السىزدىكتەرگە جانە شارشاعانعا قارسى دا قولدانىلادى. قورەكتەندىرۋشى جانە كۇش بەرۋشى جەڭىل ءىش ايداۋشى، ءناجىس شىعارۋشى قاسيەتتەرىمەن ءىشتىڭ قاتۋى، ءوت، بۇيرەك جانە قۋىق مازالاۋىندا يتمۇرىننىڭ كومەگى وتە زور. سونىمەن قاتار بۇيرەك ءۇستى بەزدەرىن جاقسارتىپ ماڭىزدى گارمونداردىڭ قالىپتاسۋىنا كومەكتەسەدى. يتمۇرىن جارانى جازۋدا، قاندى تازالاۋىمەن بىرگە بۇيرەك، ءناجىس كانالىنداعى تاستاردى، قۇمداردى، قان ارالاس ناجىستە، سۋىقتاعاندا، گريپتە، جاتىردىڭ قاناۋىندا، اسقازان شانشۋىندا، كۋيىكتەردە جارالاردا، مايلى تاعامدار جۇرەككە تيەتىن جاعدايلاردا قولدانىلادى. قان كوبەيتۋ، قان قىسىمىن رەتتەۋ، دەنەنىڭ اۋرۋلارعا قارسى توزىمدىلىگىن ارتتىرۋ سەكىلدى قاسيەتتەرى جانە گەموروي، قاتەرلى ىسىكتەردە دە پايدالارى كوپ.

ۆيتامين قورىنا وتە باي بولعان يتمۇرىنعا كوزدەردىڭ دوسى دەپ تە ايتىلادى. ا ءۆيتامينىنىڭ قاراڭعىدا كورە الماۋ جانە باسقا دا كوز اقاۋلارىنا كومەگى وتە زور. بەزەۋ سەكىلدى كەيبىر تەرى اۋرۋلارىنىڭ الدىن الادى، يممۋنيتەتتى كۇشەيتەدى، قاتەرلى ىسىك اۋرۋلارىنا قارسى قورعاۋشى اسەر بەرەدى. ىشىندەگى ۆ1 ءۆيتامينى قاننىڭ كوبەيۋىن، ميدىڭ فۋنكسيالارىنىڭ دامۋىن قامتاماسىز ەتەدى. دۇرىس وسۋگە، ۇيرەنۋ قابىلەتىنە پايدالى اسەرلەرى بولعان يتمۇرىن دەنەنى قارتايۋدىڭ جانە تەمەكىمەن سپيرتتىك ىشىمدىكتەردىڭ زياندى اسەرلەرىنەن قورعايدى.

ىشىندەگى س ءۆيتامينى تىندەردىڭ قالىپتاسۋىن قامتاماسىز ەتەدى جانە يممۋنيتەتتى كۇشەيتەدى.

وقۋعا كەڭەس بەرەمىز:

يتمۇرىننىڭ پايداسى

يتمۇرىن قايناتپاسى

---