ءوزىن-وزى باسقاراتىن ەلەكتروموبيلدەر ۇشاققا بالاما بولا الادى ما؟
بولاشاقتاعى جۇرگىزۋشىسى جوق كولىكتى قالاي ەلەستەتەسىز؟ ويلاعانىڭىز Tesla Model 3-كە نەمەسە جاڭا Mercedes EQC–كە ۇقساس بولار؟ مۇمكىن... ءبىراق Volvo ماماندارى ءبىزدىڭ بولاشاعىمىزدى مۇلدەم باسقاشا ەلەستەتەدى. كومپانيا ءبىزدىڭ اۆتوكولىكتەر تۋرالى تۇسىنىگىمىزدى تۇبەگەيلى وزگەرتەتىن Volvo 360c بىرەگەي كونسەپت-كارىن نازارىمىزعا ۇسىندى.
ۇشاقتىڭ بالاماسى
بۇل جۇرگىزۋشىسىز ەلەكتروموبيل تەك قوزعالىس قۇرالى عانا ەمەس. كومپانيانىڭ پايىمداۋىنشا، ول قىسقا قاشىقتىققا ۇشۋ قىزمەتىنىڭ بالاماسى بولا الادى. Volvo دەرەكتەرىنە سايكەس، وتكەن جىلى تەك اقش-تىڭ وزىندە 740 ميلليون ادام ىشكى رەيستەرمەن ساياحاتتاعان. ەڭ تانىمال باعىتتار «لوس-اندجەلەس — سان-ديەگو»، «نيۋ-يورك — ۆاشينگتون» جانە «حيۋستون — داللاس». بۇنداي قىسقا قاشىقتىقتاعى ساياحاتتارعا ۇشاقپەن جۇمسالعان ۋاقىتقا قاراعاندا ءدال وسى ارالىقتاعى اۆتوموبيلمەن جاساعان الدەقايدا جىلدام ءارى ءتيىمدى بولادى. اۋەجايعا جەتۋ، رەيستى كۇتۋ، كەزەك-مۇنىڭ ءبارى تىم كوپ ۋاقىت الادى. مىنە، سول سەبەپتەن Volvo 360س سياقتى اۆتوموبيل ساياحاتتىڭ ءتيىمدى بالاماسى بولۋى مۇمكىن. ونىڭ ۇستىنە، 360س ۇشاقتىڭ ءبىرىنشى كلاسسىنداعىداي ۇشۋ جايلىلىعىن ۇسىنادى. بۇل ەلەكتروكاردا مەڭگەرىك تە، پەدال دە جوق، ول تولىعىمەن اۆتونومدى، ال ىشكى كەڭىستىگى اۆتوكولىكتى كەڭسەگە، جاتىن نە ىڭعايلى قوناق بولمەگە اينالدىرۋعا مۇمكىندىك بەرەدى. مۇنىڭ ءبارى رەيستى كۇتۋسىز جانە ءتۇرلى كەزەكسىز جايلى ساياحاتقا باعىتتالعان. ىڭعايلى ءارى ءقاۋىپسىز. ءتىپتى ۇيقى كەزىندە ساياحاتشى ەرەكشە كورپەمەن سەنىمدى قورعالادى، ال ءاۆتوموبيلدىڭ ءوزى مارشرۋتتى تاڭداۋدان جانە جولدى قاداعالاۋدان باسقا، قوزعالىستىڭ باسقا قاتىسۋشىلارىنا ءوزىنىڭ قوزعالىس باعىتى تۋرالى بەلگى بەرە الادى.
ارينە، Volvo 360c بۇل تەك مۇمكىندىكتەردىڭ دەكلاراسياسى جانە ءوز يدەيالارىن جەتكىزۋدىڭ ءتاسىلى عانا. الداعى ۋاقىتتا مۇنداي تەحنولوگيالار سەرياعا شىعۋى ەكىتالاي. كومپانيا باسشىلىعى Volvo دوڭگەلەكتى اۆياكومپانيا بولا المايدى دەپ سانايدى، ءبىراق مۇنداي تەحنولوگيا Boeing نەمەسە Airbus سياقتى وندىرۋشىلەرگە، سونداي-اق اۆياكومپانيالاردىڭ وزدەرىنە كومەكتەسە الادى. سونىمەن قاتار، بىزگە، قاراپايىم ساياحاتشىلارعا كەرەمەت جاردەمشى بولار ەدى. ارينە، ءقازىر بۇل يدەيالاردىڭ بارلىعى قيال، ءبىراق ەگەر ءسىز ۇشاقپەن ساياحاتتاپ كورگەن بولساڭىز، وندا ونىڭ قانداي سترەسس ەكەنىن دە بىلەتىن بولارسىز. ال قىسقا ارالىققا ۇشۋلاردى باسقا نارسەمەن اۋىستىرۋعا مۇمكىندىك تۋىپ جاتسا، وندا بۇل تاماشا بولارى حاق.
You Might Also Like
-
ءدىني ءبىلىم مەن يسلامدىق داستۇرلەردىڭ قازاق وتباسىندا ۇرپاقتان-ۇرپاققا بەرىلۋىندەگى ەرەكشەلىكتەر: قازاق اتالارى مەن اجەلەرى وزدەرىنىڭ بالالارىنا، نەمەرەلەرىنە: «قۇدايعا سەنۋ كەرەك»،&ndas...
-
...اۋىلدىڭ قوتانىنداعى دوڭەسكە ۇزىنشالاۋ سالىنعان اعاش ءۇي بىردەن كوزگە تۇسەدى. اعاشى جاڭا. ءتورت تەرەزەسى بار. ماڭىندا قوقىرسىعان قورا-قوپسى جوق. ءبىراق، بالا كوپ: بىقىپ جاتىر، قايناپ جاتىر، بىرەۋ كى...
