پاتشا بالاسىنىڭ ەركەلىگى
فاتيح سۇلتان مەحمەت حان وسمان يمپەرياسىن گۇلدەندىرگەن، ۆيزانتيا يمپەرياسىن جەڭىپ ستامبۇل قالاسىنىڭ الىنۋى سەكىلدى جارقىن جەڭىستەرىمەن تاريحتا وشپەس ءىز قالدىرعان، وتە باتىر، وتە اقىلدى جانە وتە كەرەمەت جەتىلگەن ساياساتكەر پاتشا بولعان. وسى فاتيح سۇلتان مەحمەت حان بالا كەزىندە تىم ەركە بولاتىن. ساباق كەزىندەگى ەركەلىگىمەن ۇستازى اقشامسەدديندى شارشاتىپ جىبەرەتىن. ۇرىسقان جاعدايدا: «مەن پاتشانىڭ بالاسىمىن ماعان ەشتەڭە ىستەي المايسىڭ» دەپ قورقىتاتىن. ۇستاز پاتشاعا شاعىمدانۋدى ادەپسىزدىك بولار دەپ ءبىراز ۋاقىت سابىر ەتىپ جۇرەدى. الايدا ەركەلىگى تىم شەكتەن شىعا باستاعانىندا، امالسىز اكەسى ءىى مۇرات حاننىڭ الدىنا كىرۋدى ۇيعارادى. پاتشاعا كەلىپ جاعدايدى ايتقانىندا ءىى مۇرات حان ۇستازدىڭ قۇلاعىنا بۇل جاعدايدىڭ شەشىمىن سىبىرلايدى. ۇستاز تاڭ قالادى. مۇنداي ارەكەتكە بارا المايتىندىعىن ايتسا دا پاتشا وسى جوسپاردى ورىنداۋ كەرەكتىگىن ايتتى. ەرتەڭىنە كىشكەنتاي مەحمەت تاعى بۇرىنعىشا ەركەلەيدى. ۇستازى دوعارۋىن ايتقانىندا تاعى دا اكەسىمەن قورقىتا باستادى. سول ساتتە ىشكە پاتشا كىرىپ كەلدى. ۇستاز اشۋلانىپ پاتشاعا ۇرسىپ بەردى، بۇلاي جايباراقات كىرۋگە بولمايتىندىعىن، ەسىكتى قاعىپ رۇقسات سۇراپ كىرۋ كەرەكتىگىن ايتىپ ارقاسىنان دۇرە سوعىپ، قۋىپ شىقتى. پاتشا باسى سالبىراعان كۇيدە كەشىرىم سۇراپ شىعىپ كەتتى. بۇل جاعدايدى باقىلاپ وتىرعان فاتيح ءتىلى تۇتىلىپ نە ايتارىن بىلمەي ابدىراپ قالدى. سەنىپ وتىرعان اكەسى كوز الدىندا تاياق جەگەن ەدى. كوزدەرى الاق جۇلاق وتىرعانىندا ەسىك قاعىلىپ پاتشا كەشىرىم ءوتىنىپ، رۇقسات سۇراپ ىشكە كىردى. جوسپار كەرەمەت تۇردە جۇزەگە اسقان ەدى. وسى كۇننەن باستاپ فاتيح سۇلتان ەركەلىگىن دوعارىپ ۇستازىنىڭ ايتقانىن ەكى ەتپەيتىن بولدى.
مۇندا ءبىزدىڭ زامانىمىزداعى بالاسىنىڭ ايتقانىن ەكى ەتپەيتىن اتا-انالارعا دا تيەسىلى عيبرات بار.
You Might Also Like
-
كوپ ساعاتتىق لەكسيالاردىڭ ورنىنا بۇل سايتتار قيىن اقپاراتتى قىزىقتى جانە ويىن تۇرىندەگى باعدارلامالار ارقىلى ۇسىنادى. تومەندە كەلتىرىلگەن سايتتاردا ءبارى جاقسى تۇسىندىرىلگەن.
-
اقش-تا جاسالعان زەرتتەۋدە پلاستيكالىق ىدىستاردى كوپ تۇتىناتىنداردا باۋىر فەرمەنتتەرىنىڭ كوبەيىپ، قارىن مايلانۋى ارتقاندىعى انىقتالعان. كوفە جانە شاي سەكىلدى ىستىق سۋسىندار ءۇشىن قولدانىلاتىن پلاستيك...
