عىلىمدى ەكى اۋىز سوزبەن تۇسىندىرەتىن سايتتار
كوپ ساعاتتىق لەكسيالاردىڭ ورنىنا بۇل سايتتار قيىن اقپاراتتى قىزىقتى جانە ويىن تۇرىندەگى باعدارلامالار ارقىلى ۇسىنادى. تومەندە كەلتىرىلگەن سايتتاردا ءبارى جاقسى تۇسىندىرىلگەن.
استرونوميا
Joshworth — اي ءبىر پيكسەلگە تەڭ ورىن العانداعى كۇن جۇيەسىندەگى قاشىقتىق قانداي بولاتىندىعى كورسەتىلگەن. سونىمەن قاتار، تومەنگى وڭ جاق بۇرىشتاعى باتىرمانى باسۋ ارقىلى، جارىق جىلدامدىعىمەن ۇشا الاسىز.
BBC — جول-جونەكەي ماڭىزدى وبەكتەردى زەرتتەپ جەردەن كۇن جۇيەسىنىڭ شەتىنە دەيىن ساياحاتقا شىعا الاسىز. جەردەن قاشىقتىق وسكەن سايىن ماسشتاب كىشىرەيەدى، سول ءۇشىن از اينالدىرساڭىز بولادى، ءبىراق سونىڭ سەبەبىنەن عارىشتىڭ كورنەكىلىگى ناشارلايدى.
NASA — بۇل قىزىقتاردىڭ قازىناسى. حعس-نان (مكس) ۆيدەولار، مارسپەن ايدىڭ جوعارى انىقتىقتاعى سۋرەتتەرىن، بارلىق ميسسيالار تۋرالى مالىمەتتەردى، فوتولاردى جانە باسقا دا كوپ قىزىقتى نارسەلەردى كورە الاسىز.
Google — كوپتەگەن قىزىقتى جوبالاردى جۇرگىزەدى. مىسالعا، Google Moon جانە Google Mars. ءبىراق ەڭ قىزىقتىسى Google Sky، ونىڭ كومەگىمەن جۇلدىزدى اسپاندى زەرتتەي الاسىز. ىڭعايلىراق بولسىن دەسەڭىز Google Earth باعدارلاماسىن جۇكتەپ الساڭىز بولادى.
فيزيكا
Htwins — پلانك ۇزىندىعىنان الەمنىڭ ولشەمىنە دەيىنگى قاشىقتىقتى وسى تاماشا باعدارلاما ارقىلى وتە الاسىز. مۇقيات قاراساڭىز كوپتەگەن قىزىقتى فاكتورلاردى بايقاساڭىز بولادى – مىسالعا، گەپاتيت ۆ ۆيرۋسىنىڭ كولەمى كورىنەتىن جارىق تولقىنىنىڭ ۇزىندىعىنان كىشى. ياعني مىقتى وپتيكالىق ميكروسكوپ ارقىلى دا ادام ونى كورە المايدى.
Madebyevan — بۇل سايتتا گراۆيتاسيانى قوسىپ، ءوشىرىپ شىنايى سۋدا دوپپەن ويناۋىڭىزعا بولادى. قىزىقتى.
حيميا
Rsc — مەندەلەيەۆ كەستەسىنىڭ كەز كەلگەن ەلەمەنتىنە باسىپ ونىڭ سيپاتتاماسىن وقۋعا بولادى. جوعارىدا سول جاقتا ورنالاسقان باتىرمانى باسساڭىز بەلگىلەر تۇسىنىكتى سۋرەتتەرگە اينالىپ ەلەمەنت اتاۋىنىڭ شىعۋ تاريحى باياندالادى. سونىمەن قاتار ءارتۇرلى فيلترلاردى قوسىپ، زاتتار قاتتى نەمەسە گاز كۇيىنە اۋىسقانشا تەمپەراتۋرانى وزگەرتۋگە بولادى.
Ptable — مەندەلەيەۆتىڭ تاعى ءبىر ينتەراكتيۆتى كەستەسى (ورىس تىلىندە). كەستە ۆيكيپەديامەن بايلانىسقان بولعاندىقتان، كوپتەگەن قىزىقتى اقپارات الۋىڭىزعا بولادى.
بيولوگيا
Wellcometreeoflife — رەسۋرس جانۋارلاردىڭ كەيبىر تۇرلەرىنىڭ شىعۋ تەگىن، سونداي-اق، ەكى ءتۇرلى ءتۇردىڭ ورتاق شىعۋ تەگىن بىلۋگە مۇمكىندىك بەرەدى. وكىنىشكە وراي، قوسىمشانىڭ باسقارۋى ىڭعايسىز جانە مازمۇنى از، كوپتەگەن سۋرەتتەردى اتتارى بويىنشا وزىڭىزگە ىزدەۋگە تۋرا كەلەدى.
بارلىق جاراتىلىستانۋ عىلىمدارى
Johnkyrk — الەمنىڭ، جەردىڭ، ادامداردىڭ دامۋىنداعى تاريحي كەزەڭدەرىن ۆيزۋالدى كورە الاسىز.
گەوگرافيا
Travelpod — مەملەكەتتەر مەن استانالاردى ولاردىڭ كارتادا ورنالاسۋى ارقىلى نەمەسە تۋلارى ارقىلى تاباسىز. بۇل ويىن ارقىلى «ول قاي جەردە ورنالاسقان؟» دەگەن سۇراقتى ۇمىتساڭىز بولادى.
Geoguessr — بۇل ويىن ارقىلى ءسىز الەمدەگى بارلىق لاندشافتاردى قوسا جاتتاپ الاسىز.
تاريح
Chronoatlas — ينتەراكتيۆتى تاريحي اتلاس. سۋرەتتەر، مەملەكەتتەردىڭ اتاۋى جانە شەكارالار كورسەتىلەدى. ارنايى ءمازىر ارقىلى قىزىقتىرىپ تۇرعان تاريحي ايماق پەن كەزەڭدى كورە الاسىز. مىسالى، سپارتا قايدا ورنالاسقانىن كورسەڭىز بولادى. ءبىر كەمشىلىك بار – سەرۆيس ۇزاق جۇكتەلەدى.
Geacron — بۇل تاريحي اتلاستىڭ مۇمكىندىگى ۇقساس، تەك سۋرەتتەرسىز. ەسەسىنە قالالار بەلگىلەنگەن جانە سىلتەمەلەرمەن بولىسسەڭىز بولادى.
Timemaps — ۇسىنىلىپ وتىرعان تاريحي اتلاستاردىڭ ىشىندەگى ەڭ ىڭعايلىسى وسى. ءداۋىر مەن ايماقتارعا بولىنگەن، ءبىراق قاجەت بولعان ۋاقىتتى تاڭداي المايسىز.
ماتەماتيكا
Desmos — گرافيكا سالۋعا ارنالعان قاراپايىم جانە ىڭعايلى باعدارلاما. سونىمەن قاتار تۇتاس سۋرەتتەر دە سالۋعا بولادى. «ۆ پويسكاح نەمو» مۋلتفيلمدەگى بالىقتىڭ فۋنكسياسى قانداي ەكەنى ءسىزدى قىزىقتىرعان بولسا، بۇل باعدارلاما البەتتە سىزگە ارنالعان.
Htwins — بۇل جەردە ءسىز ماندەلبروت جيىنىنىڭ ءبىر فراكتالىنىڭ ءتۇرىن كورە الاسىز. ماتەماتيكالىق تۇرعىدان قاراعاندا بۇل تەك قانا تەڭدەۋ، ال ۆيزۋالدى كورىنىسى كەرەمەت.
Sciencevsmagic — ءوز فراكتالىڭىزدى «وسىرۋگە» ارنالعان كومپيۋتەرلىك باعدارلامالار بار، ال ونلاين-رەجيمدە ءسىز ولارمەن ءسال ويناساڭىزدا بولادى.
You Might Also Like
-
زەرتتەۋشىلەر ۆيتامين تابلەتكالارىن ءىشۋدىڭ ورنىنا دۇرىس تاماقتانۋ كەرەكتىگىن جانە بۇل ۆيتاميندەردى تابيعي جولدارمەن الۋ كەرەكتىگىن جانە جاتتىعۋلارعا اۋىرلىق قوسۋ جونىندە مالىمدەمە جاسادى.
-
فاتيح سۇلتان مەحمەت حان وسمان يمپەرياسىن گۇلدەندىرگەن، ۆيزانتيا يمپەرياسىن جەڭىپ ستامبۇل قالاسىنىڭ الىنۋى سەكىلدى جارقىن جەڭىستەرىمەن تاريحتا وشپەس ءىز قالدىرعان، وتە باتىر، وتە اقىلدى جانە وتە كەرە...
