پاۆلوداردا وقۋشىلار مەن ستۋدەنتتەردىڭ جولاقىسى تەگىن بولادى
پاۆلودار وقۋشىلار مەن ستۋدەنتتەرگە قوعامدىق كولىكتەردە تەگىن تاسىمالدايتىن جەڭىلدىك جاساعان ەلىمىزدەگى العاشقى قالا اتانۋى مۇمكىن، دەپ pavlodarnews.kz حابارلايدى.
بۇل تۋرالى قالالىق ءماسليحات كوميسسياسى مۇشەلەرىنىڭ وتىرىسىندا تۇكش ءبولىمىنىڭ سەكتور مەڭگەرۋشىسى مارات اسىلبەكوۆ ءمالىم ەتتى. «مۇنداي جەڭىلدىككە تومەنگى سىنىپ وقۋشىلارىنان باستاپ جوعارعى وقۋ ورىندارىنىڭ ستۋدەنتتەرى يە بولا الادى. ول ءۇشىن جىلىنا 998 ميلليون تەڭگە كەرەك. بۇل اقشانى ءبىز ەش جەردەن سۇرامايمىز. بارلىق شىعىندى تاسىمالداۋشىلار ءوز مويىندارىنا الادى. ولارمەن ورتاق مەموراندۋم جاسالعان، ءقازىر وسى جاعدايدى قاراستىراتىن بولامىز»، - دەدى مارات اسىلبەكوۆ.
ەسكە سالايىق، پاۆلوداردا كوميسسيا وتىرىسىندا جەرگىلىكتى تاسىمالداۋشىلار جول اقىسىن كوتەرۋ تۋرالى ۇسىنىس بىلدىرگەن بولاتىن. قالالىق كاسىپكەرلىك جانە اۋىل شارۋاشىلىعى ءبولىمىنىڭ حابارلاۋىنشا، بۇگىنگى تاڭدا اي-92 جانارمايىنىڭ ءبىر ءليترى -161،5 تەڭگە، ال، ديزەل وتىنى - 174،5 تەڭگە. وسىعان بايلانىستى تۇكش ءبولىمى 1-جەلتوقساننان باستاپ پاۆلوداردا جولاقىسىن 70-تەن 80 تەڭگەگە كوتەرۋ تۋرالى ۇسىنىسىن ءبىلدىردى. بۇل - تاسىمالداۋشىلاردىڭ قالالىق دەپۋتاتتارعا جولداعان ەكىنشى ءوتىنىشى. ءبىرىنشى رەت بۇل ماسەلە شىلدە ايىندا كوتەرىلگەن.
You Might Also Like
-
قىزىلوردا قالاسى، № 101 مەكتەپ-ليسەيدىڭ 3 «ج» سىنىپ وقۋشىسى: انۋاربەك نۇرسەزىم &nbs...
-
اۋقاتتى ادامدى كوز الدىڭىزعا ەلەستەتكەنىڭىزدە، ويىڭىزعا قانداي ادام كەلەدى؟
