InfoHub Logo

Zoom باعدارلاماسى ارقىلى «زاماناۋي مەكتەپ جاعدايىندا سىنىپ جەتەكشىسىنىڭ كاسىبي قۇزىرەتتىلىگى» اتتى ونلاين-سەمينار ءوتتى. سەمينارعا 42 ديرەكتوردىڭ تاربيە ءىسى جونىندەگى ورىنباسارى جانە 42 سىنىپ جەتەكشىلەردىڭ ادىستەمەلىك بىرلەستىگىنىڭ جەتەكشىسى قاتىستى. ماقساتى-تاربيە جۇمىسىن ۇيىمداستىرۋدىڭ تۇرلەرى مەن ادىستەرىن جەتىلدىرۋدە اقپاراتتىق-ادىستەمەلىك كومەك كورسەتۋ.

ۆەبيناردىڭ مودەراتورى پاۆلودار قالاسى ءبىلىم بەرۋ ءبولىمىنىڭ ادىسكەرى م. ك. قاسەنۋالييەۆا ءسوز سويلەدى، ول سەمينارعا قاتىسۋشىلارمەن پەداگوگيكالىق پروسەستى ۇيىمداستىرۋ، كەلەسى وقۋ جىلىنا نورماتيۆتىك-ادىستەمەلىك سۇيەمەلدەۋدى قامتاماسىز ەتۋ جانە جۇمىستى جوسپارلاۋ ماسەلەلەرىن تالقىلادى.ونلاين-سەمينار جۇمىسىنا نازاربايەۆ زياتكەرلىك مەكتەبى ديرەكتورىنىڭ ورىنباسارى كوپەيەۆ ارسلان جاتىلەك ۇلى قاتىستى. ول سەمينارعا قاتىسۋشىلارمەن «شاڭىراق» مەكتەپ قاۋىمداستىعىن قۇرۋ ەرەكشەلىكتەرى تۋرالى ماسەلەمەن ءبولىستى، زياتكەرلىك مەكتەپ كۋراتورلارىنىڭ جۇمىسىن ۇيىمداستىرۋ تاسىلدەرى تۋرالى اڭگىمەلەدى.پاۆلودار قالاسىنىڭ «رۋحاني جاڭعىرۋ» قالالىق جوبالاۋ كەڭسەسىنىڭ كوورديناتورى تاكيبايەۆا ءاسيا ساعدات قىزى ءوز سوزىندە «رۋحاني جاڭعىرۋ» باعدارلاماسىن جۇزەگە اسىرۋ بويىنشا ۇسىنىستار بەردى جانە مەكتەپتەردە «جاس بلوگەر» كلۋبتارىن اشۋ تۋرالى ۇسىنىس ەنگىزدى. «جاس بلوگگەر» كلۋبى - بۇل 8-15 جاستاعى بالالارعا ارنالعان جاڭا دامىتۋ جوباسى. بۇل جاعدايدا وقۋشىلار سىنىپ، مەكتەپ ءۇشىن سىنىپتان تىس ءىس-شارالاردىڭ ونلاين-كۇندەلىگىن قاشىقتىقتان جۇرگىزە الادى. كيرگەيەۆا گۇلنارا قابىل قىزى (№14 مەكتەپ) «قاشىقتىقتان ءبىلىم بەرۋ جاعدايىندا قۇقىق بۇزۋشىلىقتىڭ الدىن الۋ» تاقىرىبىندا ءوز سوزىندە كارانتين كەزەڭىندە كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋعا باعىتتالعان قاشىقتىقتان وقىتۋ فورماتىندا پروفيلاكتيكالىق جۇمىستى ۇيىمداستىرۋ بويىنشا، ءوزىن-وزى وقشاۋلاۋ، ۇزارتىلعان دەمالىس كەزەڭىندە وتباسىلىق - تۇرمىستىق قارىم-قاتىناستا پسيحولوگيالىق فاكتورلاردىڭ اسەرىن كۇشەيتۋدى ەسەپكە الا وتىرىپ، جۇمىس تاجىريبەسىمەن ءبولىستى.شۋاقبايەۆا جانار نيازبەك قىزى (№21 مەكتەپ) «قاشىقتىقتان وقىتۋ جاعدايىندا سىنىپ ساعاتتارىن وتكىزۋ ەرەكشەلىكتەرى» تاقىرىبىندا بايانداما جاساپ، سىنىپتان تىس ءىس-شارانى دايىنداۋ الگوريتمىن جانە قاشىقتىقتان وقىتۋ جاعدايىندا سىنىپ ءىس-شاراسىن تالداۋ سحەماسىن ۇسىندى. نۇرەكەنوۆا زەينەگۇل قالىمتاي قىزى (№16 ليسەي-مەكتەبى) «قاشىقتىقتان وقىتۋ جاعدايىندا الەۋمەتتىك جەلىلەردەگى جۇمىس» تاقىرىبىندا بايانداما جاسادى.

قازىرگى ۋاقىتتا قالانىڭ بارلىق ءبىلىم بەرۋ مەكەمەلەرى وقۋ-تاربيە ۇردىسىندە الەۋمەتتىك جەلىلەردىڭ رەسۋرستارىن بەلسەندى پايدالانادى، بۇل اقپارات الماسۋعا ىقپال ەتەدى، وقۋشىلاردىڭ وقۋ ىس-ارەكەتىندە ۋاجدەمەسىن ارتتىرادى، شىعارماشىلىق قابىلەتتەرىن جانە تانىمدىق قىزىعۋشىلىقتارىن دامىتۋدى ىنتالاندىرادى.

باعداۋلەت نۇرمات

ءبىلىم باسقارماسىنىڭ باسپا ءسوز حاتشىسى

---