InfoHub Logo

ى. التىنسارين اتىنداعى ۇلتتىق ءبىلىم اكادەمياسىنىڭ شىعارماشىلىق توپتارىنىڭ قۇرامىنا ينكليۋزيۆتى ءبىلىم بەرۋ سالاسىندا ادىستەمەلىك ۇسىنىمداردى ازىرلەۋ بويىنشا پاۆلودار قالاسىنىڭ № 34 يننوۆاسيالىق ۇلگىدەگى جوم 5 باستاۋىش سىنىپ ءمۇعالىمى ەندى. قازاقستان رەسپۋبليكاسى ءبىلىم جانە عىلىم مينيسترلىگىنىڭ تاپسىرماسى بويىنشا ادىستەمەلىك ۇسىنىمدار وقۋشىلاردىڭ جەكە مۇمكىندىكتەرى مەن ەرەكشە ءبىلىم الۋ قاجەتتىلىكتەرىن ەسكەرە وتىرىپ، باستاۋىش مەكتەپتىڭ وقۋ پاندەرى بويىنشا بجب مەن تجب سارالانعان تاپسىرمالارىن قۇراستىرۋ ماسەلەلەرىنە قاتىستى بولادى.

رەسپۋبليكالىق شىعارماشىلىق توپتاردىڭ قۇرامىندا پاۆلودارلىق مۇعالىمدەر نازارەنكو اننا ولەگوۆنا «ساۋاتتىلىققا ۇيرەتۋ» ءپانى بويىنشا، اكيموۆا ەكاتەرينا ۆاسيليەۆنا - ماتەماتيكادان، گوردەيەۆا ەلەنا ۆيكتوروۆنا - «ادەبي وقۋ» ءپانى بويىنشا، ديادچەنكو ەۆگەنيا لەونيدوۆنا - جاراتىلىستانۋ ءپانى بويىنشا، رەشەتوۆا ەۆلامپيا سەرگەيەۆنا - «دۇنيەتانۋ» ءپانى بويىنشا جۇمىس ىستەيدى.

№ 34 يننوۆاسيالىق ۇلگىدەگى جوم-دا ەرەكشە ءبىلىم بەرۋ قاجەتتىلىگى بار 6 وقۋشى ءبىلىم الۋدا. مەكتەپتە جەكە ءبىلىم بەرۋ باعدارلامالارى (اۋىزشا، كورنەكى، ويىن، پراكتيكالىق)، كوللابوراتيۆتى ورتا قۇرۋ نەگىزىندە ولاردى دامىتۋ، وقىتۋ جانە الەۋمەتتەندىرۋ ءۇشىن بەلگىلى شىعارماشىلىق جۇمىس جۇرگىزىلەدى.اننا ولەگوۆنا «ينكليۋزيۆتى ءبىلىم بەرۋ جاعدايىندا 1 سىنىپتا ماتەماتيكانى وقىتۋ» ادىستەمەلىك-ديداكتيكالىق قۇرالىنىڭ، ەۆگەنيا لەونيدوۆنا - «2 سىنىپقا ارنالعان ماتەماتيكادان جيىنتىق جۇمىس داپتەرى» قۇرالىنىڭ اۆتورى، ەلەنا ۆيكتوروۆنا «وقۋشىلاردىڭ جەكە تۇزەتۋ جۇمىستارىنا ارنالعان تاپسىرمالاردى ازىرلەۋ» تاقىرىبىمەن جۇمىس ىستەيدى. جاس ماماندار ەكاتەرينا ۆاسيليەۆنا، ەۆلامپيا سەرگەيەۆنا ينكليۋزيۆتىك ءبىلىم بەرۋ بويىنشا قالالىق شىعارماشىلىق توپتاردىڭ، وقىتۋ سەمينارلارىنا قاتىسادى. «ەرەكشە ءبىلىم بەرۋ قاجەتتىلىگى بار بالالاردى جالپى ءبىلىم بەرۋ ورتاسىنا قوسۋ بويىنشا جۇيەلى ءتاسىل ارقىلى پراكتيكادا ينتەگراسيانى جۇزەگە اسىرۋعا مۇمكىندىك بەرەتىن ءبىلىم بەرۋ جاعدايلارىن جاساۋ ءۇشىن وقۋ، وقۋ-ادىستەمەلىك، ديداكتيكالىق بازانى قۇرۋ ماڭىزدى»، - دەپ اتاپ ءوتتى اننا ولەگوۆنا.

باعداۋلەت نۇرمات

ءبىلىم باسقارماسىنىڭ باسپا ءسوز حاتشىسى

---