InfoHub Logo

ءبىلىم بەرۋدى دامىتۋدىڭ يننوۆاسيالىق ورتالىق جوسپارىنا سايكەس تاربيە ءىسى جونىندەگى ورىنباسارلارى ءۇشىن «وقۋشىلاردىڭ جازعى دەمالىسىن ۇيىمداستىرۋدا زاماۋي تاسىلدەردى قولدانۋ» تاقىرىبى بويىنشا ونلاين-سەمينار ءوتتى.

سەمينار جۇمىسىنا پاۆلودار وبلىسى ءبىلىم بەرۋ باسقارماسىنىڭ تاربيە جۇمىسى جانە قوسىمشا ءبىلىم بەرۋ ءبولىمىنىڭ باسشىسى، يبرايەۆا گ.ر. 2019-2020 وقۋ جىلىنىڭ ءبىلىم بەرۋ ۇيىمدارىندا جازعى دەمالىستى ۇيىمداستىرۋ بويىنشا ءنورماتيۆتى-قۇقىقتىق تۇرعىدا تۇسىندىرمە جۇمىستارىن جۇرگىزدى.

«قاشىقتىق ءبىلىم بەرۋ تەحنولوگيالارىن قولدانۋ جاعدايىندا تاربيە جۇمىسىن ءۇيىمداستىرۋ» بويىنشا ورتالىقتىڭ تاربيە جۇمىسى جانە تۇلعانى الەۋمەتتەندىرۋ ءبولىمىنىڭ باسشىسى، اۋشاحمانوۆا ب. ت. كومپيۋتەرلىك-اقپاراتتىق تەحنولوگيالار ارقىلى ءبىلىم الۋشىلارمەن تاربيە جۇمىسىن قاشىقتىق ءتۇرىنىڭ ۇيىمداستىرۋ تۇرلەرىن جانە تاربيە ۇدەرىسىندە اقپاراتتىق-كومپيۋتەرلىك تەحنولوگيالاردىڭ وڭ جاقتارىن اتاپ ءوتتى.

«جوبالار ارقىلى جازعى دەمالىستى ۇيىمداستىرۋ» تاقىرىبى بويىنشا دارىندى بالالارعا ارنالعان اباي اتىنداعى №10 ليسەيىنىڭ تاربيە جونىندەگى ديرەكتوردىڭ ورىنباسارى، كازييەۆا ب.ءا. پاندەميا كەزىندە جازعى دەمالىستى ۇيىمداستىرۋ بويىنشا «10 كىتاپ»، «مىنبەر»، «ەكوديزاين»، «زياتكەرلىك زونا»، «ەرەكشە تالانت»، «+5» جوبالارىن ۇسىنىپ كۇتىلەتىن ناتيجەلەرىن بەلگىلەدى.

«جوبالاۋ قىزمەتى - جازعى دەمالىستى ۇيىمداستىرۋعا يننوۆاسيالىق جانە ءداستۇرلى تاسىلدەردى ينتەگراسيالاۋدىڭ ءبىر فورماسى» تاقىرىبى بويىنشا پاۆلودار قالاسىنىڭ №19 جالپى ورتا ءبىلىم بەرۋ مەكتەبىنىڭ تاربيە جونىندەگى ديرەكتوردىڭ ورىنباسارى، كۋلبەكوۆا ش. م. ونلاين رەجيمىندە تاربيە جۇمىسىن ۇيىمداستىرۋدىڭ 7 ءمودۋلىن ۇسىنىپ، ءار ءمودۋلدىڭ ەرەكشەلىگىن سيپاتتاپ، ەرەكشە «ۇلاعات كوزى» ءمودۋلى «ۇلى دالانىڭ جەتى قىرى» جوباسىن ونلاين رەجىمىندە ىسكە اسىرۋ الگوريتمىمەم تانىستىردى.

«ۆولونتەرلىق – ءپاتريوتيزمنىڭ جوعارى كورىنىسى» تاقىرىبى بويىنشا وترالىقتىڭ تاربيە جۇمىسى جانە تۇلعانى الەۋمەتتەندىرۋ ءبولىمىنىڭ ادىسكەرلەرى: مۋندۋينوۆا ك. ا.، كوجينا ز.س. ەرىكتىلەردىڭ جۇمىس ىستەۋ باعىتتارى بويىنشا كەڭەس بەرىپ، ونلاي رەجيمىندە جازعى دەمالىستى ۇيىمداستىرۋدا ۇسىنىستار بەردى.

ۋسپەن اۋدانىنىڭ قوزىكەتكەن جالپى ورتا ءبىلىم بەرۋ مەكتەبىنىڭ تاربيە جونىندەگى ديرەكتوردىڭ ورىنباسارى قۇدايبەرگەنوۆا ز. د. «ولكەتانۋ –جازعى دەمالىستى ۇيىمداستىرۋداعى نەگىزگى باعىتتاردىڭ ءبىرى» تاقىرىبى بويىنشا ولكەتانۋ باعىتىندا تاربيە بەرۋ مىندەتتەرىن اتاپ، الەۋمەتتىك سەرىكتەستىكتەرمەن جۇمىس ىستەۋ تۇرلەرىن كورسەتۋمەن بىرگە ونلاي رەجيمىندە جازعى دەمالىستى ۇيىمداستىرۋ بويىنشا ءوز تاجىريبەلەرىمەن ءبولىستى.

ونلاين-سەمينار باعدارلاما اياسىندا جازعى دەمالىستىڭ وزەكتى ۇردىستەر تالقىلانىپ، تىڭداۋشىلارعا ۇسىنىستار بەرىلدى

باعداۋلەت نۇرمات

ءبىلىم باسقارماسىنىڭ باسپا ءسوز حاتشىسى

---