پەداگوگ تاپشى وڭىرلەرگە بارعان مامانداردىڭ ايلىعى باسقا كوەففيسەنتپەن ەسەپتەلەدى
پەداگوگ تاپشى وڭىرلەرگە بارعان ماماندارعا پاتەر جالداۋ جانە كوممۋنالدىق شىعىندار بويىنشا وتەم بەرىلەدى.
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ۇكىمەت وتىرىسىندا ايتتى.
«مۇعالىمدەر جەتىسپەيتىن وڭىرلەرگە ۇزدىك پەداگوگتەردى تارتۋ بويىنشا ارنايى باعدارلاما ازىرلەنەدى. وڭىرلەردەگى پەداگوگتەردىڭ تاپشىلىعى جانە ءبىلىم بەرۋ سالاسىنداعى ۇلكەن الشاقتىق بايقالاتىن وڭىرلەرگە تالداۋ جۇرگىزىلدى»، - دەگەن مينيستر پەداگوگ تاپشى وڭىرلەرگە ەڭ ۇزدىك تۇلەكتەر تارتۋ ءۇشىن ىنتالاندىرۋ شارالارى قاراستىرىلعانىن ايتتى.
«وسى پەداگوگتەرگە ارنايى الەۋمەتتىك قولداۋ شارالارى ۇسىنىلادى. سونىڭ ىشىندە جالاقىنى ارتتىرۋ بويىنشا ءتيىستى كوەففيسەنت بەلگىلەۋ، تۇراتىن ءۇيىنىڭ تولەمىن وتەۋ نەمەسە كوممۋنالدىق قىزمەتتەر تولەمىن وتەۋ سياقتى ىنتالاندىرۋ شارالارى قاراستىرىلۋدا»، - دەدى اسحات ايماعامبەتوۆ.
ەسكە سالساق، مەملەكەت باسشىسى قاسىم-جومارت توقايەۆ كەشەگى وتكەن ءماجىلىستىڭ جالپى وتىرىسىندا ءمۇعالىم تاپشى وڭىرلەردىڭ ماسەلەسىن شەشۋدىڭ جاڭا ءتاسىلىن ۇسىنعان بولاتىن.
«ۇلى احمەت بايتۇرسىن ۇلى ايتقانداي، ءمۇعالىم – مەكتەپتىڭ جۇرەگى. سوندىقتان مەن مۇعالىمدەر تاپشىلىعى بار وڭىرلەرگە ۇزدىك پەداگوگتاردى تارتۋدىڭ ارنايى قولداۋ پاكەتتەرى بار ارنايى باعدارلاماسىن ازىرلەۋدى تاپسىرامىن»، - دەدگەن ەدى پرەزيدەنت.
You Might Also Like
-
«Bilim Land» يننوۆاسيالىق كومپانياسى bilimland.com جانە onlinemektep.org ءبىلىم بەرۋ سايتتارى ونلاين-رەجيمدە دە، وفلاين-رەجيمدە دە جۇمىس ىستەيتىنىن حابارلايدى. ينتەرنەتكە قولجەتىمدىلىك ش...
-
نۇر-سۇلتان قالاسىندا مەكتەپ وقۋشىلارى، كوللەدج جانە جوو ستۋدەنتتەرى ونلاين وقۋعا كوشىرىلدى. بۇل تۋرالى نۇر-سۇلتان قالاسىنىڭ باس مەملەكەتتىك سانيتار دارىگەرى سارحات بەيسەنوۆا ءمالىم ەتتى.
